ຂ່າວຫຼ້າສຸດ

ໄຂໂຄງການຫຼຸດຜ່ອນຄວາມທຸກຍາກ ແລະ ຂາດໂພຊະນາການໃນເຂດຊົນນະບົດ

1.462 14 ພ.ຈ. 2019 ຂ່າວໜ້າ​ໜຶ່ງ

    ພິ­ທີ​ໄຂ​ໂຄງ­ການ​ຮ່ວມ​ໂຄງ­ການ​ຫຼຸດ­ຜ່ອນ​ຄວາມ­ທຸກ​ຍາກ ແລະ ຂາດ​ໂພ­ຊະ​ນາ​ການ​ໃນ​ເຂດ​ຊົນ­ນະ­ບົດ ແລະ ໂຄງ­ການ​ຂະ­ຫຍາຍ​ນ້ຳ​ປະ­ປາ​ສຸ​ຂະ​ພິ​ບານ ແລະ ອະ­ນາ­ໄມ ຈັດ​ຂຶ້ນ​ວັນ​ທີ 13 ພະ­ຈິກ 2019 ຢູ່​ໂຮງ­ແຮມ​ລາວ​ພລາ​ຊາ ໂດຍ​ມີ​ທ່ານ ກິ​ແກ້ວ ຈັນ­ທະ​ບູ​ຣີ ຮອງ​ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ມີ​ຮອງ​ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ແລະ ປ່າ­ໄມ້ ກະ­ຊວງ​ສຶກ​ສາ​ທິ​ການ ແລະ ກີ­ລາ ຫົວ­ໜ້າ​ຫ້ອງ­ການ​ທະ­ນາ­ຄານ​ໂລກ ປະ­ຈຳ​ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ສປປ ລາວ ຈະ​ຈັດ​ຕັ້ງ​ປະ­ຕິ­ບັດ​ໂຄງ­ການ​ໃໝ່ ທີ່​ມີ​ການ​ປະ­ສານ​ສົມ­ທົບ​ຂອງ​ຫຼາຍ​ຂະ­ແໜງ­ການ ແລະ ອີງ­ໃສ່​ຄວາມ​ຕ້ອງ­ການ​ຕົວ​ຈິງ ເພື່ອ​ແກ້​ໄຂ​ບັນ­ຫາ​ການ​ຂາດ​ສານ​ອາ­ຫານ​ຂອງ​ເດັກ­ນ້ອຍ​ໃນ​ເຂດ​ຊົນ­ນະ­ບົດ ທັງ 2 ໂຄງ­ການ​ດັ່ງ­ກ່າວ ຈະ​ດຳ­ເນີນ​ງານ​ສົມ­ທົບ​ກັບ​ໂຄງ­ການ​ທີ່​ມີ​ຢູ່​ແລ້ວ ໃນ​ຂະ­ແໜງ​ສາ­ທາ­ລະ­ນະ​ສຸກ ກະ­ສິ­ກຳ ການ​ສຶກ​ສາ​ຂອງ​ເດັກ​ກ່ອນ​ໄວ​ຮຽນ ເປັນ­ຕົ້ນ ການ​ແກ້​ໄຂ​ສາ­ເຫດ​ທີ່​ເປັນ​ພື້ນ­ຖານ​ຂອງ​ການ​ຂາດ​ສານ​ອາ­ຫານ​ຂອງ​ເດັກ­ນ້ອຍ ການ​ເຂົ້າ​ເຖິງ​ການ​ບໍ­ລິ­ການ​ສຸ­ຂະ­ພາບ​ຂອງ​ແມ່­ຍິງ​ຖື­ພາ ການ​ເບິ່ງ­ແຍງ​ສຸ​ຂະ ພາບ​ເດັກ­ນ້ອຍ​ລຸ່ມ 5 ປີ ຕິດ​ຕັ້ງ​ລະ­ບົບ​ນ້ຳ​ສະ­ອາດ​ໃຫ້​ສຸກ­ສາ­ລາ ໂຮງ­ຮຽນ ແລະ ອື່ນໆ.

    ໂຄງ­ການ​ດັ່ງ­ກ່າວ ຈະ​ຈັດ​ຕັ້ງ​ປະ­ຕິ­ບັດ​ຢູ່​ແຂວງ​ຜົ້ງ​ສາ­ລີ ຫົວ­ພັນ ຊຽງ​ຂວາງ ແລະ ແຂວງ​ອຸ­ດົມ​ໄຊ ເລີ່ມ​ແຕ່​ປີ 2019 ແລະ ຈະ​ສິ້ນ​ສຸດ​ໃນ​ປີ 2024 ມູນ​ຄ່າ 52.000 ໂດ​ລາ​ສະ­ຫະ­ລັດ ຫຼື ປະ­ມານ 460 ລ້ານ​ກີບ ເຊິ່ງ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ທະ­ນາ­ຄານ​ໂລກ.

ຂ່າວທີ່ກ່ຽວຂ້ອງ