ຂ່າວຫຼ້າສຸດ

ແພດຊ່ຽວຊານເວດຊສາດຄອບຄົວ ປະກອບສ່ວນບໍລິການປິ່ນປົວທີ່ດີໃຫ້ປະຊາຊົນ

976 14 ພ.ຈ. 2019 ຂ່າວໜ້າ​ໜຶ່ງ
ແພດຊ່ຽວຊານເວດຊສາດຄອບຄົວ ປະກອບສ່ວນບໍລິການປິ່ນປົວທີ່ດີໃຫ້ປະຊາຊົນ

    ມະ­ຫາ­ວິ­ທະ­ຍາ­ໄລ​ວິ­ທະ­ຍາ­ສາດ​ສຸ­ຂະ­ພາບ (ມວ​ສ) ຈັດ​ກອງ​ປະ­ຊຸມ​ວິ­ຊາ​ການ​ຕໍ່​ເນື່ອງ ຄັ້ງ​ທີ 10 ຂອງ​ສະ­ມາ­ຄົມ​ການ​ແພດ​ຊ່ຽວ­ຊານ​ເວດ​ຊ​ສາດ​ຄອບ­ຄົວ ຂຶ້ນ​ວັນ​ທີ 13-15 ພະ­ຈິກ 2019 ຢູ່​ໂຮງ­ໝໍ​ມິດ­ຕະ­ພາບ ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ມະ­ຫາ­ວິ­ທະ­ຍາ­ໄລ​ການ​ກາ­ລີ ປະ­ເທດ​ກາ​ນາ​ດາ ແລະ ອົງ­ການ​ສາ ກົນ​ໂລ​ຕາ​ລີ ໂດຍ​ມີ​ທ່ານ ປອນ​ເມກ ດາ­ລາ​ລອຍ ປະ­ທານ​ສະ­ພາ​ຄຸ້ມ​ຄອງ​ວິ­ຊາ​ຊີບ​ປິ່ນ­ປົວ ກະ­ຊວງ​ສາ​ທາ ລະ­ນະ​ສຸກ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ພູ­ທອນ ວັງ​ກອນ​ວິ­ໄລ ອະ­ທິ­ການ​ບໍ­ດີ ມວ​ສ ກ່າວ​ວ່າ: ໝໍ​ທີ່​ເປັນ​ແພດ​ຊ່ຽວ­ຊານ​ເວດ​ຊ​ສາດ​ຄອບ­ຄົວ ເຮັດ​ໜ້າ­ທີ່​ຫຼັກ​ໃນ​ການ​ບໍ­ລິ­ການ​ປ້ອງ​ກັນ ສົ່ງ­ເສີມ ແລະ ໃຫ້­ການ​ປິ່ນ­ປົວ​ໃນ​ທົ່ວ​ປະ­ເທດ ເຊິ່ງ​ບັນ­ດາ ແພດ​ຊ່ຽວ­ຊານ​ເວດ​ຊ​ສາດ​ຄອບ­ຄົວ ເປັນ​ຜູ້​ທຳ​ອິດ​ທີ່​ເຫັນ​ຄົນ​ເຈັບ ແລະ ໃຫ້​ຄຳ​ແນະ­ນຳ​ໃນ​ການ​ປິ່ນ­ປົວ ໂດຍ​ສະ­ເພາະ​ເຂດ​ຫ່າງ​ໄກ​ສອກ­ຫຼີກ ເຊິ່ງ​ເອີ້ນ​ວ່າ ແພດ ຫຼື ໝໍ​ທີ່​ໃຫ້­ການ​ປິ່ນ­ປົວ​ຮັກ­ສາ​ເບື້ອງ​ຕົ້ນ ກອງ​ປະ ຊຸມ​ຄັ້ງ​ນີ້ ບັນ­ດາ​ແພດ​ຊ່ຽວ­ຊານ​ເວດ​ຊ​ສາດ​ຄອບ­ຄົວ ໄດ້​ພົບ​ປະ​ແລກ­ປ່ຽນ​ບົດ­ຮຽນ​ດ້ານ​ວິ­ຊາ​ຊີບ​ເຊິ່ງ​ກັນ ແລະ ກັນ ເພື່ອ​ແນ­ໃສ່​ປັບ­ປຸງ ແລະ ຊອກ​ໃຫ້​ເຫັນ​ຂໍ້​ຫຍຸ້ງ­ຍາກ​ໃນ​ການ​ໃຫ້​ບໍ­ລິ­ການ ການ​ປິ່ນ­ປົວ ແລະ ຄຸ້ມ​ຄອງ​ຄົນ​ເຈັບ​ໃນ​ເຂດ​ຫ່າງ​ໄກ​ສອກ­ຫຼີກ​ຂອງ ສປປ ລາວ.

    ໄລ­ຍະ​ຜ່ານ​ມາ ມວ​ສ ໄດ້​ຮ່ວມ​ກັບ​ມະ­ຫາ­ວິ­ທະ­ຍາ­ໄລ​ການ​ກາ­ລີ ປະ­ເທດ​ກາ​ນາ​ດາ ພັດ­ທະ­ນາ ແລະ ລິ​ເລີ່ມ​ໃນ​ການ​ສ້າງ​ຫຼັກ­ສູດ​ແພດ​ຊ່ຽວ­ຊານ​ເວດ​ຊ​ສາດ​ຄອບ­ຄົວ ຢູ່​ນະ­ຄອນ­ຫຼວງ​ວຽງ​ຈັນ ໂຮງ­ໝໍ​ແຂວງ ແລະ ໂຮງ­ໝໍ​ເມືອງ ເຊິ່ງ​ມີ​ຜູ້​ສຳ­ເລັດ​ການ​ສຶກ​ສາ​ຫຼັກ­ສູດ​ດັ່ງ­ກ່າວ 12 ຮຸ່ນ 220 ຄົນ ເຊິ່ງ​ຮູ່ນ​ທີ 13 ແລະ ຮຸ່ນ ທີ14 ກຳ­ລັງ​ສຶກ​ສາ​ຢູ່ ພາຍ­ຫຼັງ​ສຳ­ເລັດ​ການ​ສຶກ​ສາ​ແພດ​ສ່ວນ​ໃຫຍ່​ຈະ​ໄປ​ປະ­ຈຳ​ຢູ່​ເຂດ​ຫ່າງ​ໄກ​ສອກ­ຫຼີກ ເພື່ອ​ອຸ­ທິດ​ເຫື່ອ­ແຮງ​ໃນ​ການ​ໃຫ້­ການ​ບໍ­ລິ­ການ​ປິ່ນ­ປົວ​ທີ​ດີ​ໃຫ້​ປະ­ຊາ­ຊົນ.

ຂ່າວທີ່ກ່ຽວຂ້ອງ