ຂ່າວຫຼ້າສຸດ

​ສຕລ ມອບ​ເງິນ​ຊຸກຍູ້​ນັກກີລາ U-19 ລາວ ທີ່​ຜ່ານ​ເຂົ້າ​ຮອບ​ຊີງ​ແຊັມ​ອາຊີ

1.425 14 ພ.ຈ. 2019 ວົງຈອນກີລາ
​ສຕລ ມອບ​ເງິນ​ຊຸກຍູ້​ນັກກີລາ U-19 ລາວ ທີ່​ຜ່ານ​ເຂົ້າ​ຮອບ​ຊີງ​ແຊັມ​ອາຊີ

    ວັນ​ທີ 12 ພະຈິກ 2019 ຢູ່​ສະຫະພັນ​ບານເຕະ​ແຫ່ງ​ຊາດ​ລາວ (​ສຕລ) ຄະນະ​ປະທານ ​ສຕລ ໂອ້​ລົມ​ຄະນະ​ນຳ ຄະນະ​ຄູ​ເຝິກ ແລະ ນັກກີລາ​ບານເຕະ​ທີມ​ຊາດ​ລາວ ຮຸ່ນ​ອາຍຸ​ບໍ່​ເກີນ 19 ປີ (U-19) ທີ່​ສ້າງ​ຜົນງານ​ໄດ້​ໂດດ​ເດັ່ນ​ຜ່ານ​ເຂົ້າ​ຮອບ​ສຸດ​ທ້າຍ​ການ​ແຂ່ງຂັນ​ບານເຕະ​ຊາຍ ຊີງ​ແຊັມ​ອາຊີ ຮອບ​ຄັດ​ເລືອກ ປີ 2020 ກຸ່ມ H ໂດຍ​ເປັນ​ທີມ​ອັນ​ດັບ 2 ທີ່​ມີ​ຄະແນນ​ດີ​ທີ່​ສຸດ.

   ທ່ານ ວິ​ເພັດ ສີ​ຫາ​ຈັກ ປະທານ ​ສຕລ ໄດ້​ສະແດງ​ຄວາມ​ຊົມເຊີຍ​ຕໍ່​ຄະນະ​ຄູ​ເຝິກ ແລະ ນັກກີລາ ທີ່​ສາ ມາດ​ສ້າງ​ຊື່​ສຽງ​ໃຫ້​ປະເທດ​ຊາດ ພ້ອມ​ທັງ​ໄດ້​ມອບ​ເງິນ​ຊຸກຍູ້ 100 ລ້ານ​ກີບ ໃຫ້​ຄະນະ​ຄູ​ເຝິກ ແລະ ນັກກີລາ ເພື່ອ​ເປັນ​ກຳລັງ​ໃຈ ເຊິ່ງ​ທີມ​ຊາດ​ລາວ​ຊຸດ​ນີ້ ຈະ​ໄດ້​ເກັບ​ຕົວ​ເຝິກຊ້ອມ​ນັບ​ຕັ້ງແຕ່​ວັນ​ທີ 6 ມັງກອນ 2020 ເປັນຕົ້ນ​ໄປ.

    ນອກ​ນີ້ ທ່ານ ປະສິດ ສຸພາບ ຮອງ​ປະທານ ​ສຕລ ຍັງ​ໄດ້​ນຳພາ​ຄະນະ​ຄູ​ເຝິກ ແລະ ນັກກີລາ ໄປ​ກາບ​ໄຫວ້ ແລະ ວາງ​ກະຕ່າ​ດອກ​ໄມ້ ຢູ່​ຫໍ​ພິພິດ​ຕະ​ພັນ ໄກສອນ ພົມວິຫານ ເພື່ອ​ເປັນ​ສິລິ​ມົງ​ຄຸນຕື່ມ​ອີກ.

ຂ່າວທີ່ກ່ຽວຂ້ອງ