ຂ່າວຫຼ້າສຸດ

U-19 ລາວ ຜ່ານ​ສູ່​ຮອບ​ສຸດ​ທ້າຍ ບານເຕະ​ຊີງ​ແຊັມ​ອາຊີ 2020

1.716 12 ພ.ຈ. 2019 ວົງຈອນກີລາ
U-19 ລາວ ຜ່ານ​ສູ່​ຮອບ​ສຸດ​ທ້າຍ ບານເຕະ​ຊີງ​ແຊັມ​ອາຊີ 2020

    ນັກກີລາ​ບານເຕະ​ຊາຍ​ທີມ​ຊາດ​ລາວ ຮຸ່ນ​ອາຍຸ​ບໍ່​ເກີນ 19 ປີ (U-19) ສ້າງ​ຄວາມ​ພູມໃຈ​ໃຫ້​ປະຊາຊົນ​ລາວ​ທົ່ວ​ປະເທດ ໂດຍ​ສາມາດ​ຜ່ານ​ການ​ຄັດ​ເລືອກ​ຊີງ​ແຊັມ​ອາຊີ 2020 ພາຍຫຼັງ​ຈາກ​ວັນ​ທີ 10 ພະຈິກ 2019 ລົງ​ແຂ່ງຂັນ​ນັດ​ສຸດ​ທ້າຍ​ຂອງ​ກຸ່ມ H ເອົາ​ຊະນະ ມາ​ເກົ້າ 6-0 ປະຕູ ມີ 7 ຄະແນນ ຈາກ 3 ນັດ ປະຕູ​ໄດ້​ເສຍ +7 ເຊິ່ງ​ດີ​ກວ່າ​ຜົນ​ເສຍ-ຊະນະ​ຂອງ​ອີກ​ຄູ່​ໜຶ່ງ​ໃນ​ກຸ່ມ​ດຽວ​ກັນ ຄື: ອົດ​ສະ​ຕຣາ​ລີ ພົບ ໄຕ້ ຫວັນ (ເຈົ້າພາບ).

    ນີ້​ເປັນ​ປະຫວັດສາດ​ໜ້າ​ໃໝ່​ຂອງ U-19 ປະເພດ​ຊາຍ​ທີມ​ຊາດ​ລາວ ເນື່ອງ​ຈາກ​ນັບ​ແຕ່​ມີ​ການ​ຄັດ​ເລືອກ U-19 ທີມ​ຊາດ​ລາວ ບໍ່​ເຄີຍ​ຜ່ານ​ການ​ຄັດ​ເລືອກ​ຈັກ​ເທື່ອ ຜົນງານ​ດີ​ທີ່​ສຸດ​ແມ່ນ​ສາມາດ​ເຂົ້າ​ຮອບ 8 ທີມ​ສຸດ​ທ້າຍ ໃນ​ປີ 1970 ເສຍ​ໃຫ້ ອິນ​ໂດ​ເນ​ເຊຍ 1-3 ປະຕູ.

    ຜົນງານ 3 ນັດ​ຂອງ U-19 ລາວ ການ​ຄັດ​ເລືອກ​ໄປ​ຊີງ​ແຊັມ​ປີ 2020 ກຸ່ມ H ຢູ່​ໄຕ້​ຫວັນ ວັນ​ທີ 6-10 ພະຈິກ 2019 ນັດ​ທີ 1 ວັນ​ທີ 6 ພະຈິກ 2019 ລາວ ສະເໝີ ​ອົສ​ຕຣາ​ລີ 2-2 ປະຕູ ນັດ​ທີ 2 ວັນ​ທີ 8 ພະຈິກ 2019 ລາວ ຊະນະ ໄຕ້​ຫວັນ 2-1 ປະຕູ ນັດ​ທີ 3 ວັນ​ທີ 10 ພະຈິກ 2019 ລາວ ຊະນະ ມາ​ເກົາ 6-0 ປະຕູ.

    ສຳລັບ​ຮອບ​ສຸດ​ທ້າຍ ປະເທດ​ອຸດ​ສະ​ເບ​ກິດ​ສະຖານ ໄດ້​ຮັບ​ກຽດ​ເປັນ​ເຈົ້າພາບ ຈະ​ແຂ່ງຂັນ​ວັນ​ທີ 14-31 ຕຸລາ 2020 3fpມີ 16 ທີມ​ຜ່ານ​ການ​ຄັດ​ເລືອກ​ເຂົ້າ​ຮ່ວມ ທີມ​ທີ່​ຕິດ 1 ໃນ 4 ໄດ້​ສິດ​ເປັນ​ຕົວ​ແທນ​ທະວີບອາຊີ ໄປ​ຮ່ວມ​ແຂ່ງຂັນ ຢູ-20 ຊີງ​ແຊັມ​ໂລກ ປີ 2021 ຢູ່​ປະເທດ​ອິນ​ໂດ​ເນ​ເຊຍ. 

ຂ່າວທີ່ກ່ຽວຂ້ອງ