ຂ່າວຫຼ້າສຸດ

ສັງ​ທອງ ສ້າງ​ຂະ​ບວນ​ການ​ຕ້ອນ​ຮັບກອງ​ປະຊຸມ​ໃຫຍ່

837 07 ພ.ຈ. 2019 ວົງຈອນກີລາ
ສັງ​ທອງ ສ້າງ​ຂະ​ບວນ​ການ​ຕ້ອນ​ຮັບກອງ​ປະຊຸມ​ໃຫຍ່

   ເພື່ອ​ສ້າງ​ຂະ​ບວນ​ການ​ຕ້ອນຮັບ​ວັນ​ສຳຄັນ​ຕ່າງໆ​ຂອງ​ຊາດ ຂອງ​ພັກ ໂດຍ​ສະເພາະ​ຄຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກ​ເມືອງ​ສັງ​ທອງ ນະຄອນຫຼວງ​ວຽງ​ຈັນ (ນວ) ໃຫ້​ມີ​ບັນຍາກາດ​ເບີກບານ​ມ່ວນຊື່ນ ວັນ​ທີ 4 ພະຈິກ 2019 ຫ້ອງການ​ສຶກ​ສາ​ທິ​ການ ແລະ ກີລາ (​ສສກ) ເມືອງ​ສັງ​ທອງ ໄດ້​ຈັດ​ແຂ່ງຂັນ​ກີລາ​ບານ​ເຕາະ​ຊາຍ ຊີງ​ຂັນ​ທ່ານ​ເຈົ້າເມືອງ​ສັງ​ທອງ ຂຶ້ນ​ຢູ່​ເດີ່ນ​ບານເຕະ​ໄຊ​ມອນ ໂດຍ​ມີ​ທ່ານ ຄຳ​ສວຍ ອຸ່ນ​ດາລາ ຮອງ​ເຈົ້າເມືອງ​ສັງ​ທອງ ທ່ານ ສຸ​ລິ​ແສງ ສີ​ຫາ​ລາດ ຫົວໜ້າ​ຫ້ອງການ ​ສສກ ເມືອງ​ສັງ​ທອງ ມີ​ທ່ານ ແລະ ພາກສ່ວນ​ກ່ຽວຂ້ອງ ເຂົ້າ​ຮ່ວມ.

    ການ​ແຂ່ງຂັນ​ຄັ້ງ​ນີ້ ມີ​ນັກກີລາ​ເຂົ້າ​ຮ່ວມ 32 ທີມ ເຊິ່ງ​ຈະ​ດຳເນີນ​ເປັນ​ເວລາ 6 ວັນ​ຈຶ່ງ​ສຳເລັດ ເພື່ອ​ແນໃສ່​ຄັດ​ເລືອກ​ເອົາ​ນັກກີລາ​ທີ່​ດີເດັ່ນ ແລະ ມີ​ພອນ​ສະຫວັນ ເປັນ​ຕົວ​ແທນ​ຂອງ​ເມືອງ​ທີ່​ຈະ​ໄປ​ຮ່ວມ​ໃນ​ການ​ແຂ່ງຂັນ​ກີລາ​ລະດັບ ນວ ທັງ​ເປັນ​ການ​ສ້າງ​ຄວາມ​ສາມັກຄີ​ມິດຕະພາບ ລະຫວ່າງ​ນັກ​ກິລາ​ສຳນັກງານ​ຫ້ອງການ​ອ້ອມ​ຂ້າງ ແລະ ຊາວ​ໜຸ່ມ​ບ້ານ ພາຍ​ໃນ​ເມືອງ​ໃຫ້​ມີ​ຄວາມ​ແໜ້ນ​ແຟ້ນ​ຂຶ້ນ​ກວ່າ​ເກົ່າ.

ຂ່າວທີ່ກ່ຽວຂ້ອງ