ນັກກີລາ​ເພາະ​ກາຍ​ລາວ ເຂົ້າ​ຮ່ວມ​ຊີງ​ແຊມ​ໂລກ ຢູ່ ສ ເກົາຫຼີ

2.132 07 ພ.ຈ. 2019 ວົງຈອນກີລາ
ນັກກີລາ​ເພາະ​ກາຍ​ລາວ ເຂົ້າ​ຮ່ວມ​ຊີງ​ແຊມ​ໂລກ ຢູ່ ສ ເກົາຫຼີ

   ທ່ານ ຄຳ​ພະ​ໄພ​ວັນ ວົງ​ໄຊ ຮັກສາ​ການ​ປະທານ​ສະຫະພັນ​ກີລາ​ເພາະ​ກາຍ​ແຫ່ງ​ຊາດ​ລາວ ພ້ອມ​ຄະນະ​ບໍລິຫານ​ງານ ຄະນະ​ກຳມະການ​ຕັດສິນ ແລະ ນັກກີລາ​ເພາະ​ກາຍ​ທີມ​ຊາດ​ລາວ ເຂົ້າ​ຢ້ຽມ​ຄຳນັບ​ທ່ານ ກອງ​ສີ ແສງ​ມະນີ ຮອງ​ລັດຖະມົນຕີ​ກະຊວງ​ສຶກ​ສາ​ທິ​ການ ແລະ ກີລາ ວັນ​ທີ 4 ພະຈິກ 2019 ຢູ່​ກະຊວງ​ດັ່ງກ່າວ ກ່ອນ​ເດີນທາງ​ໄປ​ຮ່ວມ​ແຂ່ງຂັນ​ກີລາ​ເພາະ​ກາຍ ຊີງ​ແຊັມ​ໂລກ ຢູ່ ສ ເກົາຫຼີ ວັນ​ທີ 5-11 ພະຈິກ 2019 ໂດຍ​ມີ​ທ່ານ ແສງ​ພອນ ພົນ​ອາມາດ ຫົວໜ້າ​ກົມ​ກີລາ​ລະດັບ​ສູງ ແລະ ພາກສ່ວນ​ທີ່​ກ່ຽວຂ້ອງ ເຂົ້າ​ຮ່ວມ.

    ທ່ານ ກອງ​ສີ ແສງ​ມະນີ ໄດ້​ສະແດງ​ຄວາມ​ຊົມເຊີຍ​ຕໍ່​ທັບ​ນັກກີລາ​ເພາະ​ກາຍ​ລາວ ທີ່​ສາມາດ​ສ້າງຜົນງານ​ທີ່​ພົ້ນ​ເດັ່ນ ແລະ ໄດ້​ຮັບ​ລາງວັນ​ໃນ​ໄລຍະ​ຜ່ານ​ມາ ພ້ອມ​ທັງ​ໄດ້​ເນັ້ນ​ໜັກ ແລະ ໃຫ້​ກຳລັງ​ໃຈ​ທັບ​ນັກກີລາ​ເພາະ​ກາຍ ທີ່​ຈະ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້ ພ້ອມ​ກັນ​ທຸ່ມ​ເທ​ເຫື່ອງ​ແຮງ ແລະ ສະຕິ​ປັນຍາ ສູ້​ສຸດ​ຄວາມ​ສາມາດ ເພື່ອ​ຍາດ​ເອົາ​ໄຊຊະນະ ສ້າງ​ກຽດ​ສັກ​ສີ ແລະ ຊື່​ສຽງ​ມາສູ່​ປະເທດ​ຊາດ.

    ທ່ານ ຄຳ​ພະ​ໄພ​ວັນ ວົງ​ໄຊ ກ່າວ​ວ່າ: ການ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້ ເປັນ​ການ​ສ້າງ​ປະສົບ​ການ​ໃຫ້​ນັກກີລາ ແລະ ກຳມະການ​ຕັດສິນ​ລາວ ແນໃສ່​ສ້າງ​ກີລາ​ເພາະ​ກາຍ​ລາວ​ໃຫ້​ພຽງພໍ ເພື່ອ​ສົ່ງ​ເຂົ້າ​ຮ່ວມ​ແຂ່ງຂັນ​ງານ​ມະ​ຫະ​ກຳ​ກີລາ​ຊີເກມ ຄັ້ງ​ທີ XXXl ຢູ່ ​ສສ ຫວຽດນາມ ປີ 2021.

    ໃນ​ວັນ​ດຽວ​ກັນ​ນີ້ ທັບ​ນັກກີລາ​ເພາະ​ກາຍ​ທີມ​ຊາດ​ລາວ ກໍ​ໄດ້​ເດີນທາງ​ຈາກ​ສະໜາມ​ບິນ​ສາກົນ​ວັດ​ໄຕ ໄປ ສ ເກົາຫຼີ. 

ຂ່າວທີ່ກ່ຽວຂ້ອງ