ຂ່າວຫຼ້າສຸດ

ກອງປະຊຸມສຸດຍອດອາຊຽນ ກັບບັນດາຄູ່ເຈລະຈາຄະນະທີ່ ສສ ຫວຽດນາມ ເປັນປະທານອາຊຽນ ໃນປີ 2020

1.088 06 ພ.ຈ. 2019 ຂ່າວໜ້າ​ໜຶ່ງ
ກອງປະຊຸມສຸດຍອດອາຊຽນ ກັບບັນດາຄູ່ເຈລະຈາຄະນະທີ່ ສສ ຫວຽດນາມ ເປັນປະທານອາຊຽນ ໃນປີ 2020

   ໃນ​ວັນ​ທີ 4 ພະ­ຈິກ 2019 ທີ່ ບາງ­ກອກ ປະ­ເທດ​ໄທ ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ໄດ້​ສືບ­ຕໍ່​ນຳ­ພາ​ຄະ­ນະ​ຜູ້​ແທນ​ແຫ່ງ ສປປ ລາວ ເຂົ້າ​ຮ່ວມ​ບັນ­ດາ​ກອງ​ປະ­ຊຸມ​ສຸດ​ຍອດ​ອາ​ຊຽນ ກັບ​ບັນ­ດາ​ຄູ່​ເຈລະ­ຈາ​ອາ​ຊຽນ ເຊັ່ນ: ກອງ​ປະ­ຊຸມ​ສຸດ​ຍອດ​ອາ​ຊຽນ​ບວກ​ສາມ ຄັ້ງ​ທີ 22 ກອງ​ປະ­ຊຸມ​ສຸດ​ຍອດ ອາ​ຊຽນ-ອາ​ເມ​ຣິ​ກາ ຄັ້ງ​ທີ 7 ກອງ​ປະ­ຊຸມ​ສຸດ​ຍອດ​ອາ­ຊີ​ຕາ­ເວັນ​ອອກ ຄັ້ງ​ທີ 14 ແລະ ກອງ​ປະ­ຊຸມ​ສຸດ​ຍອດ​ອາ​ຊຽນ-ຍີ່­ປຸ່ນ ຄັ້ງ​ທີ 22.

   ກອງ​ປະ­ຊຸມ​ສຸດ​ຍອດ​ອາ​ຊຽນ​ບວກ​ສາມ ຄັ້ງ​ທີ 22 ຕີ​ລາ­ຄາ​ສູງ​ຕໍ່​ຜົນ​ການ­ຈັດ­ຕັ້ງ​ປະ­ຕິ­ບັດ​ການ​ຮ່ວມ​ມື​ອາ​ຊຽນ​ບວກ​ສາມ​ໃນ​ໄລ­ຍະ​ຜ່ານ​ມາ ໂດຍ​ສະ­ເພາະ ການ­ຈັດ­ຕັ້ງ​ປະ­ຕິ­ບັດ​ແຜນ​ປະ­ຕິ­ບັດ​ງານ​ອາ​ຊຽນ​ບວກ​ສາມ ໄລ­ຍະ​ປີ 2018-2022 ແລະ ຂໍ້​ສະ­ເໜີ​ແນະ​ຂອງ​ໜ່ວຍ​ງານ​ວິ­ໄສ​ທັດ​ອາ­ຊີ​ຕາ­ເວັນ​ອອກ​ຊຸດ​ທີ​ສອງ (EAVG II).

   ສຳ­ລັບ​ກອງ​ປະ­ຊຸມ​ສຸດ​ຍອດ ອາ ຊຽນ-ອາ​ເມ​ຣິ​ກາ ຄັ້ງ​ທີ 7 ໃນ​ຖາ ນະ​ປະ­ເທດ​ປະ­ສານ​ງານ​ໃຫ້​ແກ່ ການ​ພົວ­ພັນ​ຮ່ວມ​ມື​ອາ​ຊຽນ-ສະ ຫະ​ລັດ​ອາ​ເມ​ຣິ​ກາ ທ່ານ​ນາ­ຍົກ ລັດ­ຖະ­ມົນ­ຕີ ທອງ​ລຸນ ສີ​ສຸ​ລິດ ໄດ້​ຕາງ­ໜ້າ​ນຳ​ສະ­ເໜີ​ບົດ​ຄຳ​ເຫັນ ລວມ​ຂອງ​ອາ​ຊຽນ  ຕີ​ລາ­ຄາ​ຄືນ ການ​ຮ່ວມ​ມື​ຜ່ານ​ມາ ແລະ ກຳ­ນົດ ທິດ​ທາງ​ໃນ­ຕໍ່­ໜ້າ ກອງ​ປະ­ຊຸມ​ຄັ້ງ ນີ້ ໄດ້​ຕີ​ລາ­ຄາ​ສູງ​ຕໍ່​ຄວາມ​ຄືບ​ໜ້າ ໃນ​ການ­ຈັດ­ຕັ້ງ​ປະ­ຕິ­ບັດ​ການ​ຮ່ວມ ມື​ໃນ​ໄລ­ຍະ​ຜ່ານ​ມາ ໂດຍ​ການ​ຜັນ ຂະ­ຫຍາຍ​ແຜນ​ປະ­ຕິ­ບັດ​ງານ​ອາ ຊຽນ-ສະ­ຫະ­ລັດ ສຳ­ລັບ​ປີ 2016- 2020 ແລະ ຜົນ​ກອງ​ປະ­ຊຸມ​ສຸດ ຍອດ​ອາ​ຊຽນ-ສະ­ຫະ­ລັດ ຄັ້ງ​ທີ 6 ໃນ​ປີ 2018 ຜ່ານ​ມາ ສຳ­ລັບ​ໄລ ຍະ​ຕໍ່­ໜ້າ ກອງ​ປະ­ຊຸມ​ສືບ­ຕໍ່​ຮ່ວມ​ມື ກັນ​ດ້ານ​ຄວາມ​ໝັ້ນ­ຄົງ​ທາງ​ໄຊ​ເບີ ຕົວ​ເມືອງ​ອັດ​ສະ​ລິ​ຍະ ຈຸ​ລະ­ວິ​ສະ ຫະ​ກິດ ວິ​ສະ​ທະ​ກິດ​ຂະ­ໜາດ​ນ້ອຍ ແລະ ຂະ­ໜາດ​ກາງ ແລະ ການ ຄ້າ ແລະ ການ​ລົງ­ທຶນ.

   ໃນ​ວັນ​ດຽວ​ກັນ ທ່ານ​ນາ­ຍົກ​ລັດ ຖະ​ມົນ­ຕີ ໄດ້​ສືບ­ຕໍ່​ນຳ­ພາ​ຄະ­ນະ ເຂົ້າ​ຮ່ວມ​ກອງ​ປະ­ຊຸມ​ສຸດ​ຍອດ ອາ­ຊີ​ຕາ­ເວັນ​ອອກ ຄັ້ງ​ທີ 14 ເຊິ່ງ ບັນ­ດາ​ຜູ້­ນຳ​ໄດ້​ຢ້ຳ​ຄືນ​ບົດ­ບາດ​ສຳ ຄັນ​ຂອງ​ອີ​ເອ​ເອ​ັສ ໃນ​ການ​ເປັນ ເວ­ທີ​ປຶກ­ສາ​ຫາ­ລື​ລະ­ດັບ​ຜູ້­ນຳ ກ່ຽວ​ກັບ​ບັນ­ຫາ​ຍຸດ​ທະ​ສາດ ການ ເມືອງ ເສດ­ຖະ­ກິດ ແລະ ຄວາມ ສົມ­ບູນ​ພູນ​ສຸກ​ໃນ​ພາກ​ພື້ນ​ອາ­ຊີ ຕາ­ເວັນ​ອອກ ກອງ​ປະ­ຊຸມ​ໄດ້​ສະ ແດງ​ຄວາມ​ຍິນ​ດີ​ຕໍ່​ຄວາມ​ຄືບ​ໜ້າ ໃນ​ການ­ຈັດ­ຕັ້ງ ຜັນ​ຂະ­ຫຍາຍ​ບັນ­ດາ​ຂໍ້​ຕົກ­ລົງ​ຂອງ​ຜູ້­ນຳ   ອີ​ເອ​ເອ​ສ ໃນ​ໄລ­ຍະ 1 ປີ­ຜ່ານ­ມາ ໂດຍ​ສະ ເພາະ ການ­ຈັດ­ຕັ້ງ​ປະ­ຕິ­ບັດ​ແຜນ ປະ­ຕິ­ບັດ​ງານ​ມະ­ນິ­ລາ 2018-2022 ກອງ​ປະ­ຊຸມ​ຄັ້ງ​ນີ້ ໄດ້​ອອກ ຖະ­ແຫຼງ­ການ 3 ສະ­ບັບ:  1) ການ ຕ້ານ​ການ​ແຜ່​ລາມ​ຂອງ​ຢາ​ເສບ ຕິດ​ຜິດ​ກົດ­ໝາຍ 2) ການ​ຮ່ວມ ມື​ເພື່ອ​ຕ້ານ​ອາ​ຊະ​ຍາ​ກຳ​ຂ້າມ ຊາດ ແລະ 3) ການ​ຮ່ວມ​ມື​ເພື່ອ ຄວາມ​ຍືນ​ຍົງ ພິ­ເສດ ໃນ​ກອງ​ປະ ຊຸມ​ນີ້ ຍັງ​ໄດ້​ແລກ­ປ່ຽນ​ຄຳ​ຄິດ​ເຫັນ  ກ່ຽວ​ກັບ​ບັນ­ຫາ​ພາກ​ພື້ນ ແລະ ສາ­ກົນ ທີ່​ມີ​ຄວາມ​ສົນ­ໃຈ​ຮ່ວມ ກັນ.

   ກອງ​ປະ­ຊຸມ​ສຸດ​ຍອດ​ອາ​ຊຽນ-ຍີ່­ປຸ່ນ ຄັ້ງ​ທີ 22 ໄດ້​ສະ­ແດງ ຄວາມ​ຊົມ­ເຊີຍ ຍີ່­ປຸ່ນ ຕໍ່​ຜົນ​ສຳ ເລັດ​ອັນ​ຈົບ­ງາມ​ໃນ​ການ​ເປັນ​ເຈົ້າ ພາບ​ຈັດ​ກອງ​ປະ­ຊຸມ​ກຸ່ມ​ປະ­ເທດ G20 ໃນ​ເດືອນ​ມິ­ຖຸ­ນາ​ຜ່ານ​ມາ ແລະ ໄດ້​ຕີ​ລາ­ຄາ​ສູງ​ຕໍ່​ການ​ຈັດ ຕັ້ງ​ປະ­ຕິ­ບັດ​ການ​ພົວ­ພັນ​ຮ່ວມ​ມື ອາ​ຊຽນ-ຍີ່­ປຸ່ນ ໃນ​ໄລ­ຍະ​ຜ່ານ​ມາ ໂດຍ​ສະ­ເພາະ ປະ­ກອບ­ສ່ວນ​ເຂົ້າ ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ແມ່ ບົດ​ການ​ເຊື່ອມ​ຈອດ ອາ​ຊຽນ 2025  ແຜນ​ປະ­ຕິ­ບັດ​ງານ​ຂໍ້​ລິ ເລີ່ມ​ວ່າ​ດ້ວຍ​ການ​ເຊື່ອມ​ໂຍງ​ອາ ຊຽນ ສະ­ບັບ​ທີ 3 ແລະ ແຜນ ການ​ຮ່ວມ​ມື​ເຕັກ­ນິກ-ວິ­ຊາ​ການ ຜ່ານ​ອົງ­ການ​ໄຈ​ກາ ສຳ­ລັບ​ການ ຮ່ວມ​ມື​ໃນ​ໄລ­ຍະ​ຕໍ່­ໜ້າ ສອງ​ຝ່າຍ ເຫັນ​ດີ​ຈະ​ເພີ່ມ​ທະ­ວີ​ການ​ຮ່ວມ​ມື ບາງ​ຂົງ­ເຂດ​ບຸ­ລິ­ມະ­ສິດ ເຊັ່ນ: ການ​ຕ້ານ​ອາ​ຊະ​ຍາ​ກຳ​ຂ້າມ​ຊາດ ຄວາມ​ໝັ້ນ­ຄົງ​ທາງ​ໄຊ​ເບີ ການ ຕ້ານ​ການ​ກໍ່​ການ​ຮ້າຍ ແລະ ອາ ຊະ​ຍາ​ກຳ​ຂ້າມ​ຊາດ ພິ­ເສດ ໃນ ກອງ​ປະ­ຊຸມ​ຄັ້ງ​ນີ້ ຍັງ​ໄດ້​ອອກ​ຖະ ແຫຼງ​ການ​ຮ່ວມ​ອາ​ຊຽນ-ຍີ່­ປຸ່ນ ວ່າ​ດ້ວຍ​ການ​ເຊື່ອມ​ຈອດ​ຕື່ມ.

   ກອງ​ປະ­ຊຸມ​ສຸດ​ຍອດ​ອາ​ເຊັບ ໄດ້​ແຈ້ງ​ຜົນ­ສຳ­ເລັດ​ພາກ​ເນື້ອ​ໃນ​ຂອງ​ສັນ­ຍາ​ໂດຍ​ສ່ວນ​ໃຫຍ່ ແລະ ການ​ເຂົ້າ​ເຖິງ​ຕະ­ຫຼາດ​ຂອງ​ສັນ­ຍາ​ທັງ​ໝົດ ສຳ­ລັບ 15 ປະ­ເທດ  ແລະ ເຫັນ​ດີ​ຕໍ່​ກັບ​ບົດ​ຖະ­ແຫຼງ ການ​ຮ່ວມ​ຂອງ​ບັນ­ດາ​ຜູ້­ນຳ ອາ ເຊັບ ສ່ວນ​ປະ­ເທດ​ອິນ​ເດຍ ແມ່ນ ຍັງ​ຕ້ອງ­ການ​ເວ­ລາ​ໃນ​ການ​ປຶກ ສາ​ຫາ­ລື​ເພີ່ມ​ຕື່ມ ພ້ອມ​ກັນ​ນັ້ນ ບັນ­ດາ​ຜູ້­ນຳ​ອາ​ເຊັບ ກໍ​ເຫັນ​ດີ​ຈະ ສືບ­ຕໍ່​ເຈລະ­ຈາ​ບັນ­ຫາ​ທີ່​ຄ້າງ​ຄາ ທັງ​ໝົດ ໃຫ້​ໄວ​ເທົ່າ​ທີ່​ຈະ​ເປັນ​ໄປ​ໄດ້ ເພື່ອ​ໃຫ້​ໄດ້​ລົງ​ນາມ​ສັນ­ຍາ​ອາ​ເຊັບ ໃນ​ປີ 2020 ທີ່ ສສ ຫວຽດ­ນາມ ເຊິ່ງ​ສັນ­ຍາ​ອາ​ເຊັບ ແມ່ນ​ອາ​ຊຽນ ເປັນ​ແກນ​ກາງ​ໃນ​ການ​ສ້າງ​ເຂດ​ການ​ຄ້າ​ເສລີ​ທີ່​ໃຫຍ່​ທີ່​ສຸດ​ໃນ​ໂລກ​ທີ່​ມີ​ຄວາມ​ທັນ​ສະ­ໄໝ ຮອບ­ດ້ານ ມີ​ຄຸນ​ນະ​ພາບ​ສູງ ແລະ ມີ​ຜົນ​ປະ ໂຫຍດ​ຮ່ວມ​ກັນ​ທາງ​ດ້ານ​ເສດ​ຖະ ກິດ ຈາກ​ການ​ສ້າງ​ຕ່ອງ​ໂສ້​ມູນ​ຄ່າ​ການ​ສະ­ໜອງ​ຂອງ​ພາກ​ພື້ນ ແລະ ສາ­ກົນ​ຜ່ານ​ການ​ຄ້າ ແລະ ການ​ລົງ­ທຶນ​ພາຍ​ໃນ​ພາກ​ພື້ນ​ອາ ເຊັບ.

   ຄຽງ​ຄູ່​ກັບ​ການ​ເຂົ້າ​ຮ່ວມ​ກອງ ປະ­ຊຸມ​ສຸດ​ຍອດ​ອາ​ຊຽນ ຄັ້ງ​ທີ 35 ແລະ ກອງ​ປະ­ຊຸມ​ສຸດ​ຍອດ​ກັບ​ບັນ ດາ​ຄູ່​ເຈລະ­ຈາ​ອາ​ຊຽນ ນາ­ຍົກ­ລັດ­ຖະ­ມົນ­ຕີ ຍັງ​ໄດ້​ເຂົ້າ​ຮ່ວມ​ພິ­ທີ​ປິດ ກອງ​ປະ­ຊຸມ​ສຸດ​ຍອດ​ອາ​ຊຽນ ຄັ້ງ ທີ 35 ແລະ ພິ­ທີ​ມອບ-ຮັບ​ການ ເປັນ​ປະ­ທານ​ອາ​ຊຽນ 2020 ຂອງ ສສ ຫວຽດ­ນາມ ເຂົ້າ​ຮ່ວມ​ອາ­ຫານ​ເຊົ້າ​ແບບ​ເຮັດ​ວຽກ 3 ນາ ຍົກ: ລາວ-ຫວຽດ­ນາມ-ກຳ​ປູ ເຈຍ ແລະ ພົບ​ປະ 2 ຝ່າຍ​ກັບ ສປ ຈີນ ແລະ ສ ຣັດ​ເຊຍ.

ຂ່າວທີ່ກ່ຽວຂ້ອງ