ຂ່າວຫຼ້າສຸດ

ລະວັງການແຕ່ງດອງທີ່ແອບແຝງ

1.873 01 ພ.ຈ. 2019 ຫົວຂໍ້ຂ່າວອື່ນໆ

    ໂດຍ​ທົ່ວ​ໄປ​ແລ້ວ​ການ​ແຕ່ງ ດອງ ແມ່ນ​ເກີດ​ຈາກ​ຄວາມ​ໝັກ ຄວາມ​ຮັກ ແລະ ຄວາມ​ສະ­ມັກ​ໃຈ​ຂອງ​ຄູ່​ບ່າວ​ສາວ ສາຍ​ພົວ­ພັນ​ຄອບ­ຄົວ​ໄດ້​ເກີດ​ຂຶ້ນ​ພາຍ­ຫຼັງ​ທີ່​ມີ​ການ​ຈົດ​ທະ­ບຽນ​ການ​ແຕ່ງ ດອງ​ທີ່​ຖືກ­ຕ້ອງ​ຕາມ​ກົດ­ໝາຍ.

    ການ​ແຕ່ງ­ດອງ​ແອບ​ແຟງ​ແມ່ນ​ຮູບ​ການ​ໜຶ່ງ​ຂອງ​ການ​ຄ້າ​ມະ­ນຸດ​ທີ່​ເປັນ​ໄພ​ງຽບ ແລະ ຂົ່ມ­ຂູ່​ສະ​ຖາ​ບັນ​ຄອບ­ຄົວ ສັງ­ຄົມ ແລະ ປະ­ເທດ​ຊາດ ແຕະ​ເຖິງ​ລະ­ບອບ​ການ­ເມືອງ​ເສດ­ຖະ­ກິດ​ສັງ­ຄົມ ວັດ­ທະ­ນະ­ທຳ​ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ລາວ​ເຮົາ​ຢ່າງ​ຫຼີກ​ລ້ຽງ​ໄດ້​ຍາກ ການ​ຄ້າ​ມະ­ນຸດ​ເກີດ​ຂຶ້ນ​ບໍ່​ສະ ເພາະ​ແຕ່​ຢູ່​ປະ­ເທດ​ເຮົາ​ເທົ່າ​ນັ້ນ ແຕ່​ມັນ​ຍັງ​ເກີດ​ຂຶ້ນ​ຢູ່​ທົ່ວ​ໂລກ ການ​ຄ້າ​ມະ­ນຸດ ແມ່ນ​ການ​ຊອກ​ຫາ ການ​ລັກ​ພາ​ຕົວ ການ​ເຄື່ອນ​ຍ້າຍ ການ​ຂົນ­ສົ່ງ ຫຼື ນຳ​ສົ່ງ ຮັບ​ເອົາ​ຄົນ​ຢູ່​ພາຍ​ໃນ ຫຼື ຕ່າງ­ປະ­ເທດ ການ​ໃຫ້​ບ່ອນ​ພັກ​ເຊົາ ຫຼື ລີ້​ຊ່ອນ ດ້ວຍ​ການ​ຂົນ­ຂວາຍ ແນະ­ນຳ ຕົວະ​ຍົວະ​ຫຼອກ​ລວງ ຊື້​ຈ້າງ ຈອບ​ອອຍ ຍຸ­ຍົງ ສວຍ​ໃຊ້​ອຳ­ນາດ ບັງ ຄັບ ການ​ນາບ​ຂູ່ ຜູກ​ມັດ​ດ້ວຍ​ໜີ້​ສິນ ການ​ເອົາ​ເດັກ​ໄປ​ເປັນ​ລູ­ກລ້ຽງ​ແອບ​ແຝງ  ການ​ໝັ້ນ​ໝາຍ​ແອບ​ແຝງ ແຕ່ງ­ດອງ​ແອບ​ແຝງ ການ​ໃຫ້​ຖື­ພາ ຂໍ­ທານ ແລະ ການ​ຖ່າຍ​ພາບ ສະ­ແດງ ເຜີຍ­ແຜ່​ສິ່ງ​ລາ­ມົກ ຫຼື ດ້ວຍ​ຮູບ​ການ​ອື່ນ ເພື່ອ​ຂູດ​ຮີດ​ແຮງ​ງານ ຂູດ​ຮີດ​ທາງ​ເພດ ເປັນ​ຂ້າ​ທາດ​ຄ້າ​ປະ­ເວ­ນີ​ຂອງ​ຜູ້​ອື່ນ ບັງ­ຄັບ​ໃຫ້​ເປັນ​ໂສ­ເພ­ນີ ເອົາ​ອະ​ໄວ​ຍະ​ວະ​ຕ່າງໆ ຂອງ​ຮ່າງ­ກາຍ​ໄປ​ຂາຍ ແລະ ສິ່ງ​ອື່ນ ທີ່​ຂັດ​ກັບ​ກົດ­ໝາຍ ແລະ ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ຫຼື ຈຸດ­ປະ­ສົງ​ອື່ນ ເພື່ອ​ຫາ​ຜົນ​ປະ­ໂຫຍດ.

    ໃນ​ບົດ​ນີ້​ຜູ້​ຂຽນ​ຂໍ​ຍົກ​ເອົາ​ບັນ­ຫາ​ກ່ຽວ​ກັບ ການ​ແຕ່ງ­ດອງ​ແອບ​ແຝງ ຊຶ່ງ​ພວມ​ປາ­ກົດ​ມີ​ຂຶ້ນ​ຢູ່​ປະ ເທດ​ຂອງ​ພວກ​ເຮົາ ການ​ແຕ່ງ ດອງ​ແອບ​ແຝງ​ດຳ­ເນີນ​ໄປ​ໂດຍ​ຖືກ­ຕ້ອງ ແລະ ບໍ່​ຖືກ­ຕ້ອງ​ຕາມ​ຮີດ­ຄອງ​ປະ­ເພ­ນີ ແລະ ກົດ­ໝາຍ​ຄອບ­ຄົວ​ແຫ່ງ ສປປ ລາວ ຊຶ່ງ​ອາດ​ຈະ​ເກີດ​ຜົນ​ສະ­ທ້ອນ​ກ່ອນ ຫຼື ຫຼັງ​ການ​ແຕ່ງ­ດອງ ຜູ້​ຖືກ​ແຕ່ງ ດອງ ຫຼື ຍາດ​ພີ່­ນ້ອງ ອາດ​ຈະ​ບໍ່​ຮູ້​ເຖິງ​ເລ​ລ່ຽມ ຂອງ​ກຸ່ມ​ຄົນ​ບໍ່​ດີ​ທີ່​ຫາ​ຜົນ​ປະ­ໂຫຍດ ເຊັ່ນ: ອາດ​ຈະ​ຜູກ​ມັດ​ດ້ວຍ​ເງິນ ວັດ­ຖຸ​ສິ່ງ​ຂອງ​ທີ່​ມີ​ມູນ​ຄ່າ​ຫຼາຍ ຈອບ​ອອຍ​ດ້ວຍ​ວາ­ຈາ​ທີ່​ບໍ່​ມີ​ສັດ­ຈະ ແລະ ອື່ນໆ ສ່ວນ​ຜູ້​ກະ­ທຳ ແມ່ນ​ໄດ້​ຮັບ​ຜົນ​ປະ­ໂຫຍດ ແລະ ອາດ​ຈະ​ຮູ້​ດີ​ກ່ຽວ​ກັບ​ຄົນ​ລາວ ທີ່​ຖືກ​ແຕ່ງ­ດອງ ຫຼື ອາດ​ຈະ​ຮູ້ ແຕ່​ບໍ່​ສາ­ມາດ​ບອກ​ໄດ້ ຫຼື ອາດ​ຈະ​ຮູ້​ບາງ​ສ່ວນ ການ​ແຕ່ງ­ດອງ​ແອບ​ແຝງ​ສ່ວນ​ຫຼາຍ​ຈະ​ແມ່ນ​ຄົນ​ຕ່າງ­ປະ­ເທດ​ກັບ​ຄົນ​ລາວ (ສາວ​ລາວ ບ່າວ​ຕ່າງ­ປະ­ເທດ) ແຕ່​ພາຍ­ຫຼັງ​ການ​ແຕ່ງ­ດອງ​ແລ້ວ​ໄດ້​ເອົາ​ເມຍ​ຂອງ​ຕົນ​ໄປ​ຕ່າງ­ປະ­ເທດ ຈາກ​ນັ້ນ ກໍ​ເອົາ​ໄປ​ຂາຍ​ຕໍ່­ໃຫ້​ບຸກ­ຄົນ​ອື່ນ​ເພື່ອ​ຜົນ​ປະ­ໂຫຍດ​ຂອງ​ຕົນ ແລະ ກຸ່ມ​ແກ້ງ ຊຶ່ງ​ໄລ­ຍະ​ຜ່ານ​ມາ​ພວກ​ເຮົາ​ໄດ້​ຍິນ​ແລ້ວ ວ່າ​ມັນ​ເກີດ​ຂຶ້ນ​ແນວ­ໃດ ເກີດ​ຂຶ້ນ​ຢູ່​ໃສ ແລະ ມີ​ຜົນ​ສະ­ທ້ອນ​ແນວ­ໃດ ແມ່­ຍິງ​ຈຳ ນວນ​ໜຶ່ງ​ກໍ​ໄດ້​ກາຍ­ເປັນ​ຜູ້​ຖືກ​ເຄາະ​ຮ້າຍ​ໄປ​ຫຼາຍ​ລາຍ ຍ້ອນ​ເຫັນ­ແກ່​ເງິນ ເຫັນ­ແກ່​ຜົນ​ໄດ້ ຫຼາຍ​ກວ່າ​ຜົນ​ເສຍ​ຕໍ່​ຕົນ​ເອງ ແລະ ສັງ ຄົມ ການ​ແຕ່ງ­ດອງ​ແອບ​ແຝງ​ຈະ​ຖືກ​ລົງ­ໂທດ​ຕາມ​ມາດ­ຕາ 215 ຂອງ​ປະ­ມວນ​ກົດ­ໝາຍ​ອາ­ຍາ ໃນ​ຂໍ້​ຫາ​ການ​ຄ້າ​ມະ­ນຸດ ດັ່ງ­ນີ້: 1. ການ​ຊອກ​ຫາ ການ​ລັກ​ພາ​ຕົວ ຈະ​ຖືກ​ລົງ­ໂທດ​ຕັດ​ອິດ­ສະ­ຫຼະ­ພາບ​ແຕ່​ຫ້າ​ປີ ຫາ ສິບ​ປີ ແລະ ຈະ​ຖືກ​ປັບ​ໃໝ​ແຕ່ 10.000.000 ກີບ​ຫາ 100.000.000 ກີບ 2. ການ​ເຄື່ອນ​ຍ້າຍ ການ​ຂົນ­ສົ່ງ ຫຼື ນຳ​ສົ່ງ ຈະ​ຖືກ​ລົງ­ໂທດ​ຕັດ​ອິດ­ສະ­ຫຼະ­ພາບ​ແຕ່ ຫ້າ​ປີ ຫາ ສິບ​ສອງ​ປີ ແລະ ຈະ​ຖືກ​ປັບ​ໃໝ​ແຕ່ 10.000.000 ກີບ​ຫາ 70.000.000 ກີບ 3. ການ​ຮັບ​ເອົາ​ຄົນ​ຢູ່​ພາຍ​ໃນ ຫຼື ຕ່າງ​ປະ ເທດ ການ​ໃຫ້​ບ່ອນ​ພັກ​ເຊົາ ຫຼື ລີ້​ຊ່ອນ ຈະ​ຖືກ​ລົງ­ໂທດ ຕັດ​ອິດ​ສະ ຫຼະ​ພາບ​ແຕ່​ຫ້າ​ປີ ຫາ ສິບ​ປີ ແລະ ຈະ​ຖືກ​ປັບ​ໃໝ​ແຕ່ 10.000.000  ກີບ​ຫາ 50.000.000 ກີບ.

    ສຳ­ລັບ​ການ​ກະ­ທຳ​ຜິດ​ຕໍ່​ເດັກ​ທີ່​ມີ​ອາ­ຍຸ​ຕ່ຳ​ກວ່າ 18 ປີ ພຽງ​ແຕ່​ມີ​ການ​ກະ­ທຳ ແລະ ຈຸດ­ປະ­ສົງ ຕາມ​ທີ່​ໄດ້​ກຳ­ນົດ​ໄວ້​ໃນ​ຂໍ້​ທີ 1 ເທິງ​ນີ້ ເຖິງ​ວ່າ​ຈະ​ມີ​ການ​ຍິນ​ຍອມ ຫຼື ມີ​ຄວາມ​ສະ­ໝັກ​ໃຈ​ກໍ​ຕາມ ຈະ​ຖືກ​ລົງ­ໂທດ​ຕັດ​ອິດ­ສະ­ຫຼະ­ພາບ​ແຕ່ ສິບ​ປີ ຫາ ຊາວ​ປີ ແລະ ຈະ​ຖືກ​ປັບ​ໃໝ​ແຕ່ 100.000.000 ກີບ ຫາ 500.000.000 ກີບ.

    ບຸກ­ຄົນ​ໃດ​ຫາກ​ໄດ້​ກະ­ທຳ​ຜິດ​ໃນ​ສະ­ຖານ​ການ​ຄ້າ​ປະ­ເວ­ນີ ເຖິງ​ວ່າ​ຜູ້​ຖືກ​ເຄາະ​ຮ້າຍ ຈະ​ມີ​ການ​ຍິນ​ຍອມ ຫຼື ມີ​ຄວາມ​ສະ­ໝັກ​ໃຈ ແຕ່​ຫາກ​ຖືກ​ນຳ​ໃຊ້​ເພື່ອ​ຈຸດ­ປະ­ສົງ​ໃດ​ໜຶ່ງ ຕາມ​ທີ່​ໄດ້​ກຳ­ນົດ​ໄວ້​ໃນ​ຂໍ້ 1 ຂ້າງ​ເທິງ​ນີ້ ຖື​ວ່າ​ເປັນ​ການ​ຄ້າ​ມະ­ນຸດ ແລະ ຈະ​ຖືກ​ລົງ­ໂທດ​ຕັດ​ອິດ­ສະ­ຫຼະ­ພາບ​ແຕ່​ຫ້າ​ປີ ຫາ ສິບ​ຫ້າ​ປີ ແລະ ຈະ​ຖືກ​ປັບ​ໃໝ​ແຕ່ 10.000.000 ກີບ ຫາ 100.000.000 ກີບ.

    ໃນ​ກໍ­ລະ­ນີ​ການ​ກະ­ທຳ​ຜິດ ຫາກ​ເປັນ​ອາ​ຈິນ ມີ​ການ­ຈັດ­ຕັ້ງ​ເປັນ​ກຸ່ມ ຜູ້​ຖືກ​ເຄາະ​ຮ້າຍ​ເປັນ​ເດັກ ຜູ້​ຖືກ​ເຄາະ​ຮ້າຍ​ມີ​ຈຳ­ນວນ​ແຕ່ ສອງ​ຄົນ ຂຶ້ນ​ໄປ ເປັນ​ຍາດ​ໃກ້­ຊິດ​ຂອງ​ຜູ້​ກະ­ທຳ​ຜິດ ຜູ້​ຖືກ​ເຄາະ​ຮ້າຍ​ໄດ້​ຮັບ​ບາດ­ເຈັບ​ສາ­ຫັດ ເສຍ​ອົງ­ຄະ​ພິ ການ ຫຼື ເສຍ​ຈິດ ຈະ​ຖືກ​ລົງ­ໂທດ​ຕັດ​ອິດ­ສະ­ຫຼະ­ພາບ​ແຕ່ ສິບ​ຫ້າ​ປີ ຫາ ຊາວ​ປີ ແລະ ຈະ​ຖືກ​ປັບ​ໃໝ​ແຕ່ 100.000.000 ກີບ​ຫາ 500.000.000 ກີບ ແລະ ຈະ​ຖືກ​ຮິບ​ຊັບ.

    ໃນ​ກໍ­ລະ­ນີ​ການ​ກະ­ທຳ​ຜິດ ຫາກ​ໄດ້​ເຮັດ​ໃຫ້​ຜູ້​ຖືກ​ເຄາະ​ຮ້າຍ ພິ­ການ​ຕະ­ຫຼອດ​ຊີ­ວິດ ຕິດ­ເຊື້ອ​ເຮດ​ໄອ​ວີ ຈະ​ຖືກ​ລົງ­ໂທດ​ຕັດ​ອິດ​ສະ­ລະ​ພາບ​ຕະ­ຫຼອດ​ຊີ­ວິດ ແລະ ຈະ​ຖືກ​ປັບ​ໃໝ​ແຕ່ 500.000.000 ກີບ ຫາ1000.000.000 ແລະ ຈະ​ຖືກ​ຮິບ​ຊັບ.

    ການ​ກະ­ກຽມ​ໃຫ້​ແກ່​ການ​ກະ­ທຳ​ຜິດ ຄວາມ​ພະ­ຍາ­ຍາມ​ກໍ່​ການ​ກະ­ທຳ​ຜິດ ກໍ​ຈະ​ຖືກ​ລົງ­ໂທດ ສິ່ງ​ທີ່​ໄດ້​ກ່າວ​ມາ​ນີ້​ແມ່ນ​ບາງ​ບັນ­ຫາ​ທີ່​ພວກ​ເຮົາ​ບໍ່​ຄວນ​ຖື​ເບົາ ບໍ່​ຄວນ​ລະ­ເລີຍ ບໍ່​ຄວນ​ເຫັນ­ແກ່​ເງິນ​ແສນ​ໄຖ່ ບໍ່​ຄວນ​ລ່າ​ເລີງ​ເພິ່ງ​ພໍ­ໃຈ​ໃນ​ສິ່ງ​ທີ່​ເຮົາ​ຄາດ​ເດົາ​ບໍ່​ໄດ້​ວ່າ​ຂ້າງ​ໜ້າ​ຈະ​ເປັນ​ແນວ­ໃດ ແຕ່​ຄວນ​ຄິດ​ໄວ້​ກ່ອນ​ການ​ຕັດ­ສິນ​ຄັ້ງ​ສຸດ​ທ້າຍ ຖ້າ​ຕັດ  ສິນ​ໃຈ​ຜິດ ອາດ​ຈະ​ຄິດ​ໄປ​ຈົນ​ວັນ​ສິ້ນ​ລົມ​ຫາຍ­ໃຈ ແລະ ບໍ່​ມີ​ສິ່ງ​ປະ ເສີດ​ໃດໆ​ມາ​ລົບ​ລ້າງ​ຄວາມ­ເຈັບ​ປວດ​ນີ້​ໄດ້​ເລີຍ.

ໂດຍ: ໄມ້​ງັດ

ຂ່າວທີ່ກ່ຽວຂ້ອງ