ຂ່າວຫຼ້າສຸດ

ແຂ່ງຂັນຍິງປືນລະດັບສາກົນ ຊີງຂັນປະທານປະເທດ ຄັ້ງທີ I

555 31 ຕ.ລ. 2019 ວົງຈອນກີລາ
ແຂ່ງຂັນຍິງປືນລະດັບສາກົນ ຊີງຂັນປະທານປະເທດ ຄັ້ງທີ I

    ການ​ແຂ່ງ­ຂັນ​ກີ­ລາ​ຍິງ​ປືນ ໄອ​ພີ​ເອັດ​ຊີ​ລະ­ດັບ​ສາ­ກົນ ຊີງ​ຂັນ ປະ­ທານ​ປະ­ເທດ ຄັ້ງ​ທີ l ປີ 2019 ຈັດ​ຂຶ້ນ​ວັນ​ທີ 25-27 ຕຸ­ລາ 2019 ຢູ່​ສະ­ໜາມ​ເຝິກ­ຊ້ອມ​ຍິງ​ປືນ 5 ເມ­ສາ ເມືອງ​ໄຊ​ເສດ​ຖາ ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ­ຊາດ ຄົບ­ຮອບ 44 ປີ ແລະ ຄ້າຍ​ວັນ​ເກີດ​ທ່ານ​ປະ­ທານ ໄກ­ສອນ ພົມ­ວິ­ຫານ ຄົບ­ຮອບ 99 ປີ ທັງ​ເປັນ​ການ​ຄັດ​ເລືອກ​ນັກ ກີ­ລາ​ທີ່​ມີ​ພອນ​ສະ­ຫວັນ​ດີ­ເດັ່ນ ຕິດ​ທີມ​ຊາດ​ລາວ ກຽມ​ເຂົ້າ​ຮ່ວມ​ການ​ແຂ່ງ­ຂັນ​ໃນ​ລະ­ດັບ​ພາກ​ພື້ນ ແລະ ສາ­ກົນ​ໃນ­ຕໍ່­ໜ້າ​ນີ້.

    ການ​ແຂ່ງ­ຂັນ​ລາຍ­ການ​ນີ້​ມີ ການ​ແຂ່ງ­ຂັນ​ລະ­ດັບ​ສາ­ກົນ ເລ​ໂວ 3 ແລະ ແຂ່ງ­ຂັນ​ພາຍ​ໃນ​ປະ ເທດ ໃນ​ນັ້ນ ມີ​ນັກ­ກີ­ລາ​ທັງ​ໝົດ 148 ຄົນ ມາ​ຈາກ 10 ປະ­ເທດ ທະ ວີບ​ອາ​ເມ​ຣິ​ກາ ເອີ​ຣົບ ອາ­ຊີ ແລະ ຂົງ­ເຂດ​ອາ​ຊຽນ ສະ­ເພາະ​ນັກ​ກີ ລາ​ຍິງ​ປືນ​ໄອ​ພີ​ເອັດ​ລາວ​ສົ່ງ​ເຂົ້າ​ຮ່ວມ​ແຂ່ງ­ຂັນ 41 ຄົນ ຍິງ 4 ຄົນ ຜ່ານ​ການ​ແຂ່ງ­ຂັນ​ຜົນ​ປາ­ກົດ ວ່າ: ລາຍ­ການ​ພາຍ​ໃນ​ປະ­ເພດ ປືນ ສະ​ແຕນ​ດາດ ທີ 1 ທ້າວ ຕຸ້ຍ ພາ­ນຸ​ວົງ ປະ­ເພດ​ປືນ​ໂອ​ເພັນ ທີ 1 ຫົງ​ພະ­ຈັນ ດາ­ລາ​ວົງ ປະ­ເພດ​ປືນ​ໂປຣ​ດັກ​ຊັນ ທີ 1 ທ້າວ ເພັດ​ນະ­ຄອນ ພາ​ມີ​ສິດ ປະ­ເພດ​ປືນ ໂປຣ​ດັກ​ຊັນ ອັອບ​ຕິກ ທີ 1 ທ້າວ ສິງ​ຄຳ ສີ​ປະ­ເສີດ ຮຸ່ນ​ອາ­ວຸ­ໂສ 50 ປີ​ຂຶ້ນ​ໄປ ທີ 1 ທ່ານ ສຸ​ນັນ ວັດ­ທະ­ນາ​ບູນ ຂະ­ນະ​ທີ່​ການ ແຂ່ງ­ຂັນ​ຍິງ​ປືນ​ຂັ້ນ​ການ​ນຳ ທີ 1 ທ່ານ ພົນ​ຈັດ­ຕະ­ວາ ຄຳ​ສາຍ ຈັນ­ທະ​ວົງ.

    ສ່ວນ​ການ​ແຂ່ງ­ຂັນ​ຍິງ​ປືນ​ລະ ດັບ​ສາ­ກົນ ປະ­ເພດ​ປືນ​ໂປຣ​ດັກ ຊັນ ອັອບ​ຕິກ ຮຸ່ນ​ເຍົາ­ວະ​ຊົນ ທີ 1 ທ້າວ ຕົ້ນ​ຄຳ ເມືອງ​ມະ­ນີ ປະ ເພດ​ປືນ​ໂອ​ເພັນ ທີ 1 ຣາ​ນະ​ກຸນ ພັດ­ທະ­ນາ​ເສບ ຈາກ​ໄທ ຮຸ່ນ​ອາ­ວຸ­ໂສ 60 ປີ​ຂຶ້ນ​ໄປ ທີ 1 ວັດ ສີ​ຈິນ ຕາ​ອັງ​ກຸນ ຈາກ​ໄທ ປືນ​ຄລາດ​ສິກ ທີ 1 ໂອ​ລິ​ເວີ ມາກ ຈາກ​ອົດ ສະ​ຕຣາ​ລີ ປືນ​ສະ​ແຕນ​ດາດ ທີ 1 ວີ​ສິດ ສີ​ຍະ​ໄພ ຈາກ​ໄທ ຮຸ່ນ​ອາ­ຍຸ 50 ປີ ທີ 1 ທ່ານ ໄລ​ແມນ ຮົງ​ກົງ ປືນ​ໂປຣ​ດັກ​ຊັນ ທີ 1 ຮັດ​ຊາ​ນາດ ຈາກ​ໄທ ປືນ​ໂປຣ​ດັກ​ຊັນ ອັອບ​ຕິກ ທີ 1 ປາ​ຣິ​ພັດ ຊູ​ຊັງ ຈາກ ໄທ ຮຸ່ນ​ອາ­ຍຸ 50 ປີ ທີ 1 ສຸ​ນັນ ວັດ­ທະ­ນະ​ບູນ ຈາກ​ລາວ ປືນ​ຣີ ໂວ​ເວີ ທີ 1 ສີ​ຣິ ໂພ​ທອງ ຈາກ​ໄທ ປືນ​ສະ​ແຕນ​ດາດ​ຍິງ ທີ 1 ນາງ ມິນ​ຕາ ພາ​ໂມດ ຈາກ​ໄທ ແລະ ປະ­ເພດ​ປືນ​ໂປຣ​ດັກ​ຊັນ ຍິງ  ທີ 1 ຣູ​ສິນ ຊາງ ຈາກ ສປ ຈີນ.

    ມີ​ທ່ານ ພັນ​ຄຳ ວິ­ພາ​ວັນ ຮອງ ປະ­ທານ​ປະ­ເທດ ທ່ານ ພົນ​ໂທ ວິ­ໄລ ຫຼ້າ​ຄຳ​ຟອງ ລັດ­ຖະ­ມົນ­ຕີ​ກະ ຊວງ​ປ້ອງ​ກັນ​ຄວາມ​ສະ­ຫງົບ ທ່ານ ນາງ ແສງ​ເດືອນ ຫຼ້າ​ຈັນ ທະ​ບູນ ລັດ­ຖະ­ມົນ­ຕີ​ກະ­ຊວງ​ສຶກ ສາ​ທິ​ການ ແລະ ກີ­ລາ ທັງ​ເປັນ ປະ­ທານ​ຄະ­ນະ​ກຳ­ມະ­ການ​ໂອ ແລມ​ປິກ​ແຫ່ງ​ຊາດ​ລາວ ພ້ອມ ດ້ວຍ​ຄະ­ນະ​ນຳ ຄູ​ເຝິກ ແລະ ນັກ ກີ­ລາ​ຈາກ 10 ຊາດ.

ຂ່າວທີ່ກ່ຽວຂ້ອງ