ຂ່າວຫຼ້າສຸດ

ຫົງສາ ເປີດແຂ່ງຂັນກີລາຕ້ອນຮັບກອງປະຊຸມໃຫຍ່

527 31 ຕ.ລ. 2019 ວົງຈອນກີລາ
ຫົງສາ ເປີດແຂ່ງຂັນກີລາຕ້ອນຮັບກອງປະຊຸມໃຫຍ່

    ວັນ​ທີ 24 ຕຸ­ລາ 2019 ເມືອງ​ຫົງ​ສາ ແຂວງ​ໄຊ​ຍະ​ບູ​ລີ ໄດ້​ຈັດ​ພິ­ທີ​ເປີດ​ການ​ແຂ່ງ­ຂັນ​ກີລາ ເພື່ອ​ຕ້ອນ­ຮັບ​ກອງ​ປະ­ຊຸມ ໃຫຍ່​ອົງ­ຄະ​ນະ​ພັກ ເມືອງ​ຫົງ​ສາ ຄັ້ງ​ທີ VIII ທີ່​ຈະ​ຈັດ​ຂຶ້ນ​ໃນ​ມໍ່ໆ​ນີ້ ທີ່​ເດີ່ນ​ກີ­ລາ​ຂອງ​ເມືອງ ເປັນ​ປະ­ທານ​ຂອງ​ທ່ານ ນາງ ດາວ​ວິນ ລາດ​ຊະ​ກິດ ຮອງ​ເຈົ້າ­ເມືອງ​ຫົງ ສາ ມີ​ທ່ານ ຄຳ​ຫຼ້າ ຜິວ​ວັນ­ນາ ວ່າ­ການ​ເຈົ້າ­ເມືອງ​ຫົງ​ສາ ບັນ­ດາ​ຫົວ­ໜ້າ​ຫ້ອງ­ການ ທະ­ຫານ-ຕຳ­ຫຼວດ ຄະ­ນະ​ກຳ­ມະ­ການ ຄູ ອາ­ຈານ ນັກ­ກີ­ລາ​ຈາກ​ພາກ ສ່ວນ​ຕ່າງໆ ແລະ ນັກ­ຮຽນ​ເຂົ້າ ຮ່ວມ.

    ທ່ານ ນາງ ດາວ​ວິນ ລາດ​ຊະ ກິດ ໄດ້​ກ່າວ​ວ່າ: ເພື່ອ​ເປັນ​ການ ສ້າງ​ຂະ​ບວນ​ການ​ຕ້ອນ­ຮັບ ກອງ​ປະ­ຊຸມ​ໃຫຍ່​ຄັ້ງ​ທີ VIII ຂອງ ອົງ­ຄະ​ນະ​ພັກ​ເມືອງ​ຫົງ​ສາ ທີ່​ຈະ​ຈັດ​ຂຶ້ນ​ໃນ​ມໍ່ໆ​ນີ້ ແລະ ເພື່ອ​ເປັນ ການ​ຮັດ​ແໜ້ນ​ຄວາມ​ສາ​ມັກ ຄີ​ລະ­ຫວ່າງ​ນັກ­ກີ­ລາ​ດ້ວຍ​ກັນ ໃຫ້​ມີ​ຄວາມ​ແໜ້ນ​ແຟ້ນ​ຍິ່ງ​ຂຶ້ນ ແລະ ທັງ​ເປັນ​ການ​ແລກ­ປ່ຽນ​ບົດ ຮຽນ​ທາງ​ດ້ານ​ເຕັກ­ນິກ​ຄວາມ ສາ­ມາດ ທັງ​ເປັນ​ການ​ເຝິກ­ຝົນ ກຳ­ລັງ​ກາຍ​ຂອງ​ນັກ­ກີ­ລາ​ໃຫ້ ມີ​ສຸ­ຂະ­ພາບ​ແຂງ­ແຮງ ມີ​ຈິດ­ໃຈ ສົດ­ຊື່ນ​ເຂັ້ມ­ແຂງ ເພື່ອ​ເຮັດ​ໃຫ້ ການ­ຈັດ­ຕັ້ງ​ການ​ແຂ່ງ­ຂັນ​ກີ­ລາ ກາ​ຍະ​ກຳ​ຄັ້ງ​ນີ້ ເຕັມ​ໄປ​ດ້ວຍ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ແລະ ມີ​ຜົນ­ສຳ­ເລັດ​ຕາມ​ລະ­ດັບ​ຄາດ ໝາຍ​ທີ່​ວາງ​ໄວ້​ນັ້ນ.

    ສຳ­ລັບ​ການ​ແຂ່ງ­ຂັນ​ກີ­ລາ​ຄັ້ງ ນີ້​ແບ່ງ​ອອກ​ເປັນ 3 ປະ­ເພດ​ຄື: ບານ­ເຕະ ບານ­ສົ່ງ ແລະ ແລ່ນ 1.500 ແມັດ ໃນ​ນີ້​ບານ­ເຕະ​ອາ ວຸ​ໂສ​ມີ 6 ທີມ ບານ­ເຕະ​ຊາວ ໜຸ່ມ​ຊາຍ ມີ 13 ທີມ ບານ­ເຕະ ຊາວ​ໜຸ່ມ​ຍິງ ມີ 6 ທີມ ບານ­ສົ່ງ​ຊາວ​ໜຸ່ມ​ຍິງ ມີ 6 ທີມ ບານ­ສົ່ງ ຊາວ​ໜຸ່ມ​ຊາຍ ມີ 6 ທີມ ແລະ ແລ່ນ 1.500 ແມັດ ຍິງ-ຊາຍ ເຊິ່ງ​ການ​ແຂ່ງ­ຂັນ​ເລີ່ມ​ແຕ່​ວັນ​ທີ 24 ຕຸ­ລາ ຫາ 14 ພະ­ຈິກ 2019.

ຂ່າວທີ່ກ່ຽວຂ້ອງ