ຂ່າວຫຼ້າສຸດ

ແຂ່ງຂັນລົດຈັກທາງລຽບ ຊີງແຊັມນະຄອນຫຼວງ ສະໜາມທີ 3

521 29 ຕ.ລ. 2019 ວົງຈອນກີລາ
ແຂ່ງຂັນລົດຈັກທາງລຽບ ຊີງແຊັມນະຄອນຫຼວງ ສະໜາມທີ 3

    ການ​ແຂ່ງ­ຂັນ​ລົດ­ຈັກ​ທາງ​ລຽບ ຊີງ​ແຊັມ​ນະ­ຄອນ­ຫຼວງ ປະ­ຈຳ​ປີ 2019 ສະ­ໜາມ​ທີ 3 ຈັດ​ຂຶ້ນ​ວັນ​ທີ 26 ຕຸ­ລາ 2019 ຢູ່​ສະ­ໜາມ​ແຂ່ງ​ລົດ­ຈັກ​ທາງ​ລ້ຽບ VRC ບ້ານ​ນາ​ຊອນ ເມືອງ​ນາ​ຊາຍ​ທອງ ນະ­ຄອນ­ຫຼວງ ໂດຍ​ມີ 6 ລາຍ­ການ ຄື: GIXXER Division 2 ແຂ່ງ­ຂັນ 12 ຮອບ​ສະ­ໜາມ NAKED 135 cc ແຂ່ງ ຂັນ 12 ຮອບ​ສະ­ໜາມ NAKED ແລະ Sport 200cc ແຂ່ງ­ຂັນ 12 ຮອບ​ສະ­ໜາມ NEKED 400 cc ແຂ່ງ­ຂັນ 12 ຮອບ​ສະ­ໜາມ GIXXER Division 1 ແຂ່ງ­ຂັນ 12 ຮອບ Sport 400 cc ແຂ່ງ­ຂັນ 12 ຮອບ Highlights ຂອງ​ການ​ແຂ່ງ­ຂັນ.

    ປະ­ເພດ Sport 400 cc ມີ ນັກ​ແຂ່ງ 7 ຄົນ ເຊິ່ງ​ຄະ­ແນນ​ນຳ 2 ສະ­ໜາມ​ທີ່​ຜ່ານ​ມາ​ແມ່ນ ເຈ​ເດັນ ນັກ​ຂັບ​ລູກ­ຊອດ​ລາວ-ອັງ­ກິດ ຄະ­ແນນ​ສະ​ສົມ​ອັນ​ດັບ​ທີ 2 ເປັນ ແອງ​ໃມ ສ່ວນ​ລາຍ­ການ​ນີ້ ເຈ​ເດັນ ນຳ​ມ້ວນ​ດຽວ​ຈົບ​ຂີ່​ເຂົ້າ​ເສັ້ນ​ໄຊ​ແບບ​ສະ­ບາຍ ເກັບ​ເພີ່ມ​ອີກ 5 ຄະ­ແນນ ນຳ​ເປັນ​ອັນ​ດັບ 1 ອັນ​ດັບ 2 ເປັນ ແອງ​ໃມ ອັນ​ດັບ 3 ໂດ​ໂດ້ ແລະ ອັນ​ດັບ 4 ອ໋ອຟ ວົງ​ໄຊ.

    ສ່ວນ GIXXER Division 1 ອັນ​ດັບ 1 ເຈ​ເດັ້ນ ອັນ​ດັບ 2 ແອງ​ໃມ ອັນ​ດັບ 3 ແຈັກ​ກີ້ GIXXER Division 2 ອັນ​ດັບ 1 ໂດ່​ໂດ້ ອັນ​ດັບ 2 ໂອ​ເຄ້ ອັນ​ດັບ 3 ຟິດ ໂຊ້ NAKED 135 ອັນ​ດັບ 1 ອໍ່​ດີ້ ອັນ​ດັບ 2 ຕົ້ນ​ຄູນ ອັນ​ດັບ 3 BM NAKED 200 ອັນ​ດັບ 1 ຟິດ​ໂຊ້ ອັນ​ດັບ 2 BOB ອັນ​ດັບ 3 ດຳ ປະ­ເພດ Sport 200 cc ອັນ​ດັບ 1 ແອງ​ໃມ ອັນ​ດັບ 2 ແຈັກ​ກີ້ ອັນ​ດັບ 3 Dj ມິ່ງ NAKED 400 cc ອັນ​ດັບ 1 ເບ ອັນ​ດັບ 2 ສະ­ຫຼາມ ອັນ​ດັບ 3 ໂຫ່.

    ເຂົ້າ​ຮ່ວມ ແລະ ມອບ​ຂັນ​ລາ­ງວັນ​ໂດຍ​ທ່ານ ພັນ​ໂທ ສຸດ​ໃຈ ສີ​ຫາ​ລາດ ຮອງ​ຫົວ­ໜ້າ​ກອງ​ບັນ­ຊາ​ການ ປກສ ເມືອງ​ນາ​ຊາຍ​ທອງ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ພະ​ແນກ​ສືກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ ສຳ­ລັບ​ການ​ແຂ່ງ­ຂັນ​ສະ­ໜາມ​ສຸດ​ທ້າຍ (ສະ­ໜາມ​ທີ 4) ຈະ​ມີ​ຂຶ້ນ​ເດືອນ​ທັນ­ວາ 2019.

ຂ່າວທີ່ກ່ຽວຂ້ອງ