ໂລກ​ບັນລຸ​ບາດກ້າວ​ປະຫວັດສາດ​ໃນ​ການ​ລຶບລ້າງ​ໄວ​​ຣັສ​ໂປ​ລີ​ໂອ

359 29 ຕ.ລ. 2019 ຂ່າວຕ່າງປະເທດ
ໂລກ​ບັນລຸ​ບາດກ້າວ​ປະຫວັດສາດ​ໃນ​ການ​ລຶບລ້າງ​ໄວ​​ຣັສ​ໂປ​ລີ​ໂອ

    ອົງການ​ອະນາໄມ​ໂລກ (WHO) ປະກາດ​ເມື່ອ​ວັນ​ທີ 24 ຕຸລາ​ທີ່​ຜ່ານ​ມາ ວ່າ​ໂລກ​ໄດ້​ບັນລຸ​ບາດກ້າວ​ປະຫວັດສາດ ໃນ​ການ​ມຸ່ງ​ໄປ​ສູ່​ການ​ກຳຈັດ​ພະຍາດ​ໂປ​ລີ​ໂອ ໃນ​ເມື່ອ​ຊ່ຽວ​ກຸ່ມ​ໜຶ່ງ​ສະຫຼຸບ​ວ່າ​ໄວ​​ຣັສ 2 ໃນ 3 ສາຍ​ພັນ ທີ່​ເຮັດ​ໃຫ້​ເກີດ​ພະຍາດ​ດັ່ງກ່າວ ໄດ້​ຖືກ​ລຶບ​ບັນຊີ​ໄປ​ແລ້ວ​ໃນ​ທົ່ວ​ໂລກ.

    ຄະນະ​ກຳມະການ​ທົ່ວ​ໂລກ ກ່ຽວ​ກັບ​ການ​ຢັ້ງຢືນ​ການ​ລຶບລ້າງ​ພະຍາດ​ໂປ​ລີ​ໂອ ແຈ້ງ​ໃຫ້​ຮູ້​ຢູ່​ໃນ​ຖະແຫຼງການ​ສະບັບ​ໜຶ່ງ​ວ່າ ຍັງ​ມີ​ໄວ​​ຣັສ​ພາໃຫ້​ເກີດ​ພະຍາດ​ໂປ​ລີ​ໂອ​ພຽງ​ແຕ່​ປະເພດ 1 (WPV1) ເທົ່າ​ນັ້ນ ທີ່​ຍັງ​ຫຼົງ​ເຫຼືອ​ຢູ່ ຫຼັງ​ຈາກ​ທີ່ WHO ປະກາດ​ວ່າ​ລຶບລ້າງ​ສາຍ​ພັນ WPV3 ພາຍ​ໃນ​ອາທິດ​ທີ່​ຜ່ານ​ມາ ແລະ ສາຍ​ພັນ WPV2 ລຶບລ້າງ​ໄປ​ເມື່ອ​ປີ 2015.

    ນັບ​ແຕ່​ປີ 1988 ເປັນຕົ້ນ​ມາ ຈຳນວນ​ຜູ້​ຕິດພະຍາດ​ໂປ​ລີ​ໂອ ໃນ​ທົ່ວ​ໂລກ​ໄດ້​ຫຼຸດ​ລົງ​ກວ່າ  99%. ເຖິງ​ຢ່າງໃດ​ກໍ​ຕາມ ສາຍ​ພັນ WPV1 ຍັງ​ຄົງ​ມີ​ຢູ່​ໃນ​ປາ​ກິດ​ສະຖານ ແລະ  ອາ​ຟະ​ກາ​ນິດ​ສະຖານ ໂດຍ​ລວມ​ແລ້ວ​ມີ 88 ກໍລະນີ​ຕິດພະຍາດ​ດັ່ງກ່າວ ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ເປັນ​ຂີດ​ໝາຍ​ຂອງ​ການ​ກັບ​ມາ​ປະກົດ​ຕົວ​ຂອງ​ພະຍາດ​ໂປ​ລີ​ໂອ ຫຼັງ​ຈາກ​ທີ່​ຈຳນວນ​ຜູ້​ຕິດພະຍາດ​ນີ້​ໃນ​ແຕ່​ລະ​ປີ ໃນ​ຂອບ​ເຂດ​ທົ່ວ​ໂລກ ຢູ່​ໃນ​ລະດັບ​ຕ່ຳ​ເປັນ​ປະຫວັດ​ການ​ທີ່ 22 ກໍລະນີ ໃນ​ປີ 2017.

 

ຂ່າວທີ່ກ່ຽວຂ້ອງ