ອີກ​ຣັກ ຢືນຢັນ​​ບໍ່​ອະນຸຍາດ​ໃຫ້​ທະຫານ ສ ອາ​ເມ​ຣິ​ກາ ທີ່​ຖອນ​ອອກ​ຈາກ​ຊີ​ຣີ ​ໄປ​ອາ​ໄສ​ຢູ່​ໃນ​ອີ​ຣັກ

1.485 25 ຕ.ລ. 2019 ຂ່າວຕ່າງປະເທດ
ອີກ​ຣັກ ຢືນຢັນ​​ບໍ່​ອະນຸຍາດ​ໃຫ້​ທະຫານ ສ ອາ​ເມ​ຣິ​ກາ ທີ່​ຖອນ​ອອກ​ຈາກ​ຊີ​ຣີ ​ໄປ​ອາ​ໄສ​ຢູ່​ໃນ​ອີ​ຣັກ

   ຂ່າວສານ​ຣອຍ​ເຕີ ລາຍ​ງານ​ວ່າ ທ່ານ ມາກ ເອ​​ສ​ເປີ ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ ໄດ້​ເດີນທາງ​ໄປ​ເຖິງ​ນະຄອນຫຼວງ​ແບກ​ແດ​ຂອງ​ອີ​ຣັກ ເມື່ອ​ວັນ​ທີ 23 ຕຸລາ​ນີ້ ທ່າມກາງ​ທີ່​ປະກົດ​ມີ​ຄວາມ​ສົງ​ໃສ ກ່ຽວ​ກັບ​ເວລາ​ທີ່​ທະຫານ​ຂອງ ສ ອາ​ເມ​ຣິ​ກາ ທີ່​ຖອນ​ອອກ​ຈາກ​ເຂດ​ພາກ​ຕາເວັນ​ອອກ​ສ່ຽງ​ເໜືອ​ຊີ​ຣີ ທີ່​ຈະ​ໄປ​ອາ​ໃສ​ຢູ່​ໃນ​ອີ​ຣັກ.

    ທ່ານ ເອ​​ສ​ເປີ ໄດ້​ພົບ​ປະ​ກັບ​ຄູ່​ຮ່ວມ​ຕຳແໜ່ງ​ຈາກ​ອີ​ຣັກ ແລະ ລວມ​ເຖິງ​ນາຍົກລັດຖະມົນຕີ ອັບ​ແດລ ອັບ​ດູ​​ລ ມາ​ດີ ຂອງ​ອີ​ຣັກ ເພື່ອ​ປຶກສາ​ຫາລື ກ່ຽວ​ກັບ​ການ​ຖອນ​ທະຫານ​ຂອງ ສ ອາ​ເມ​ຣິ​ກາ ອອກ​ຈາກ​ຊີ​ຣີ ກໍ​ຄື​ບົດບາດ​ຂອງ​ອີ​ຣັກ ຢູ່​ໃນ​ແຜນການ​ນີ້.

    ນາຍົກລັດຖະມົນຕີ ອັບ​ແດລ ອັບ​ດູ​​ລ ມາ​ດີ  ໄດ້​ກ່າວ​ຢືນຢັນ​ຫຼັງ​ຈາກ​ການ​ພົບ​ປະ​ກັບ​ທ່ານ ເອ​​ສ​ເປີ ເມື່ອ​ວັນ​ທີ 23 ຕຸລາ​ນີ້​ວ່າ ອີ​ຣັກ ພວມ​ຜັນ​ຂະຫຍາຍ​ທຸກໆ​ມາດ​ຕະການ ໂດຍ​ອີງໃສ່​ກົດໝາຍ​ສາກົນ ທີ່​ມີ​ຕໍ່​ການເຄື່ອນໄຫວ​ຮັບ​ເອົາ​ທະຫານ​ຂອງ ສ ອາ​ເມ​ຣິ​ກາ ທີ່​ຖອນ​ອອກ​ມາ​ຈາກ​ຊີ​ຣີ.

ຄຳ​ຖະແຫຼງ​ຂອງ​ທ່ານ​ມາ​ດີ ເປັນ​ການ​ຢ້ຳ​ຄືນ​ເຖິງ​ທັດສະນະ​ຂອງ​ອີ​ຣັກ ທີ່​ວ່າ​ທະຫານ​ຂອງ ສ ອາ​ເມ​ຣິ​ກາ ທີ່​ຖອນ​ອອກ​ຈາກ​ພາກ​ຕາເວັນ​ອອກ​ສ່ຽງ​ເໜືອ​ຊີ​ຣີ ແລະ ເຄື່ອນ​ຍ້າຍ​ເຂົ້າ​ໄປ​ໃນ​ອີ​ຣັກ​ນັ້ນ ຈະ​ບໍ່​ໄດ້​ຮັບ​ອະນຸຍາດ​ອາ​ໃສ​ຢູ່​ໃນ​ອີ​ຣັກ.

ຂ່າວທີ່ກ່ຽວຂ້ອງ