ຂ່າວຫຼ້າສຸດ

ການທ່ອງທ່ຽວ ລາຍໄດ້ທີ່ບໍ່ຄວນເບິ່ງຂ້າມ...

3.001 23 ຕ.ລ. 2019 ນານາສາລະ

    ຄົນ​ລາວ​ຖື​ເອົາ​ການ​ຮັບ­ແຂກ​ເປັນ​ສິ່ງ​ສຳ­ຄັນ​ຈົນ ມີ​ຄຳ​ເວົ້າ​ຕິດ​ປາກ​ມາ​ວ່າ: ແຂກ​ມາ​ຫາ​ຄື​ເທວະ​ດາ ມາ​ຢ້ຽມ ການ​ຕ້ອນ­ຮັບ​ດ້ວຍ​ມາ­ລະ­ຍາດ ດ້ວຍ​ການ​ບໍ່​ເອົາ​ປຽບ ຫຼື ດ້ວຍ​ການ​ບໍ່​ດູ​ຖູກ ໃຫ້​ຄວາມ​ສຳ­ຄັນ​ແກ່​ແຂກ ຍ່ອມ​ເປັນ​ສະ­ເໜ​ດຶງ​ດູດ​ຈິດ­ໃຈ​ຜູ້​ຄົນ​ທີ່​ລົງ­ທຶນ​ມາ​ຢ້ຽມ­ຢາມ ເພາະ​ພວກ​ເຂົາ​ຖື​ວ່າ ບ້ານ​ເຮົາ ເປັນ​ເມືອງ​ພຸດ ການ­ເມືອງ​ໝັ້ນ­ຄົງ ສັງ­ຄົມ​ປອດ​ໄພ ແຕ່​ຖ້າ­ວ່າ ປ່ອຍ​ໃຫ້​ທຸ­ລະ​ກິດ​ບໍ­ລິ­ການ​ບາງ​ບ່ອນ ຫຼື ການ​ຂົນ­ສົ່ງ​ບາງ​ແຫ່ງ​ເອົາ​ປຽບ​ນັກ​ທ່ອງ​ທ່ຽວ​ນີ້ ພວກ​ເຮົາ​ກໍ​ຄວນ​ກວດ­ກາ​ຄືນ ເພື່ອ​ຄ້ຳ­ປະ­ກັນ​ບໍ່​ໃຫ້​ມີ​ການ​ເອົາ​ປຽບ​ນັກ​ທ່ອງ​ທ່ຽວ.

    ຜ່ານ​ມາ​ອາດ​ມີ​ບາງ​ຮ້ານ​ຂາຍ­ເຄື່ອງ​ອາດ​ສວຍ­ໂອ­ກາດ​ເຫັນ​ວ່າ ເຂົາ​ເປັນ​ຄົນ​ຕ່າງ­ປະ­ເທດ ຂາຍ ຂອງ​ລາ­ຄາ​ຂຶ້ນ​ຜິດ​ປົກ­ກະ­ຕິ ເພາະ​ຫຼົງ​ເຂົ້າ­ໃຈ​ວ່າ ພວກ​ເຂົາ​ເປັນ​ນັກ​ທ່ອງ​ທ່ຽວ​ຕ່າງ­ປະ­ເທດ ມາ​ຄາວ​ດຽວ​ກະ​ກັບ​ແລ້ວ ເຊິ່ງ​ວິ­ທີ​ຄິດ​ແບບ​ນີ້ ມັນ​ເສຍ ຫາຍ​ແກ່​ສ່ວນ​ລວມ ແລະ ຍັງ​ຕັດ​ລາຍ​ໄດ້​ໃນ​ອະ​ນາ ຄົດ​ຂອງ​ຕົນ​ນຳ​ອີກ ເພາະ​ນັກ​ທ່ອງ​ທ່ຽວ​ເຂົາ​ຈະ​ບອກ​ຕໍ່​ກັນ​ໄປ​ຕື່ມ ອີງ​ຕາມ​ການ​ລາຍ​ງານ​ຕາມ​ສະ ຖິ​ຕິ​ຂອງ​ການ­ທ່ອງ­ທ່ຽວ​ລາວ ປີ 2018 ແຈ້ງ­ວ່າ ລາຍ​ຮັບ​ຈາກ​ການ­ທ່ອງ­ທ່ຽວ​ຕົກ​ຢູ່​ອັນ​ດັບ 3 ຮອງ ຈາກ​ແຮ່​ທາດ ແລະ ໄຟ­ຟ້າ ແລະ ປະ­ເດັນ​ສຳ­ຄັນ ຢ່າ​ລືມ​ວ່າ: ທຸ­ລະ​ກິດ​ທ່ອງ​ທ່ຽວ​ມັນ​ກະ­ຈາຍ​ລາຍ ໄດ້​ຫຼາຍ​ພື້ນ​ທີ່ ທັງ​ໃນ​ເມືອງ ແລະ ຊົນ­ນະ­ບົດ ເພາະ​ລາຍ​ໄດ້​ມັນ​ກະ­ຈາຍ​ໄປ​ນຳ​ນັກ​ທ່ອງ​ທ່ຽວ.

    ປະ­ເດັນ​ສຳ­ຄັນ​ຂອງ​ການ­ທ່ອງ­ທ່ຽວ​ມີ​ຫຼາຍ​ມູມ​ມອງ​ໃຫ້​ຄິດ ເຊັ່ນ: ທ່ອງ​ທ່ຽວ​ແບບ​ອະ­ນຸ​ຮັກ​ທຳ​ມະ ຊາດ ທ່ອງ​ທ່ຽວ​ແບບ​ສຶກ​ສາ​ວັດ­ທະ­ນະ­ທຳ...ການ­ທ່ອງ­ທ່ຽວ​ມີ​ຫຼາຍ​ແບບ ເຊິ່ງ​ຂຶ້ນ​ຢູ່​ກັບ​ຍຸດ​ທະ​ສາດ ການ​ສົ່ງ­ເສີມ​ການ­ທ່ອງ­ທ່ຽວ ເຮົາ​ຈະ​ເຊີດ​ຊູ​ເອ­ກະ­ລັກ ວັດ­ທະ­ນະ­ທຳ ແລະ ນຳ​ເອົາ​ທຳ​ມະ​ຊາດ​ມາ ຂາຍ​ກິນ​ໄດ້​ດີ​ພຽງ​ໃດ ຄົງ​ຂຶ້ນ​ກັບ​ຮູບ​ແບບ​ການ​ຈັດ ການ​ທີ່​ໃຈ­ກວ້າງ ໂປ່ງ​ໃສ ແລະ ຍຸ­ຕິ​ທຳ ລອງ​ຄິດ ນຳ​ກັນ​ເບິ່ງ​ວ່າ ທຸກ​ມື້­ນີ້​ຫຼາຍ​ຄົນ​ກໍ​ຮູ້­ສຶກ​ເບື່ອ​ຄວາມ​ແອ​ອັດ​ໃນ​ເມືອງ ຫຼາຍ​ຄົນ​ໂຫຍ​ຫາ​ອະ­ດີດ ຫຼາຍ​ຄົນ​ໂຫຍ​ຫາ​ວັດ­ທະ­ນະ­ທຳ​ເກົ່າ ຫຼື ເຄື່ອງ­ໃຊ້​ໄມ້​ສອຍ ອື່ນໆ.

    ສັງ​ລວມ​ໃຫ້​ເຫັນ​ງ່າຍໆ​ໃນ​ນະ­ຄອນ­ຫຼວງ​ວຽງ​ຈັນ ມີ​ຮ້ານ​ກິນ​ດື່ມ​ທີ່​ໂຄ­ສະ­ນາ​ຂາຍ​ທຳ​ມະ​ຊາດ ທ້ອງ​ໄຮ່​ປາຍ​ນາ ກໍ​ຍັງ​ມີ​ແຂກ​ເຂົ້າ​ປະ­ຈຳ ນີ້​ກໍ​ແມ່ນ ມັນ​ສະ­ແດງ​ອອກ​ບ່ອນ​ວ່າ ຄົນ​ໃນ​ສັງ­ຄົມ​ບາງ​ກຸ່ມ ກໍ​ກ້າວ​ມາ​ເຖິງ​ຈຸດ​ອີ່ມ​ໂຕ​ຂອງ​ກະ­ແສ​ບໍ­ລິ­ໂພກ ພາ­ກັນ​ຫິວ​ໂຫຍ​ອະ­ດີດ ເຄື່ອງ­ມື​ຫາ​ກິນ ເຄື່ອງ­ໃຊ້​ຄົວ ເຮືອນ​ຕ່າງໆ​ນັ້ນ ກໍ​ຈະ​ເປັນ​ເຫດ​ໃຫ້​ເຮົາ​ໄດ້​ທົບ ທວນ​ກົງ​ລໍ້​ຊີ­ວິດ​ໄດ້​ແລ້ວ.

ຂ່າວທີ່ກ່ຽວຂ້ອງ