ສວນພຶກສາ ເປີດຮັບສະໝັກຄັດເລືອກນາງສາວເຜົ່າມົ້ງ ນະຄອນຫຼວງວຽງຈັນ

1.453 22 ຕ.ລ. 2019 ຂ່າວໜ້າ​ໜຶ່ງ
ສວນພຶກສາ ເປີດຮັບສະໝັກຄັດເລືອກນາງສາວເຜົ່າມົ້ງ ນະຄອນຫຼວງວຽງຈັນ

    ສວນ​ພຶກ­ສາ ເປີດ​ຮັບ​ສະ­ໝັກ​ຄັດ​ເລືອກ​ນາງ​ສາວ​ເຜົ່າ​ມົ້ງ ນະ­ຄອນ­ຫຼວງ​ວຽງ​ຈັນ (ນວ) ປະ­ຈຳ​ປີ 2020 ຂຶ້ນ​ວັນ​ທີ 20 ຕຸ­ລາ 2019 ຢູ່​ສວນ​ດັ່ງ­ກ່າວ ໂດຍ​ມີ​ນາງ​ສາວ​ງາມ​ທີ່​ມີ​ເງື່ອນ­ໄຂ​ທົ່ວ ນວ ເຂົ້າ​ສະ­ໝັກ​ຢ່າງ​ຫຼວງ­ຫຼາຍ ໃນ​ນີ້ 20 ຄົນ ທີ່​ຖືກ​ຄັດ​ເລືອກ​ຈະ​ໄດ້​ເຂົ້າ​ເກັບ​ໂຕ​ເຝິກ­ຊ້ອມ ແລະ ຮ່ວມ​ກິດ­ຈະ­ກຳ​ຕ່າງໆ ເພື່ອ​ສ້າງ​ທັກ​ສະ​ຄວາມ​ເຂົ້າ­ໃຈ ກ່ອນ​ຈະ​ເຂົ້າ​ຄັດ​ເລືອກ​ຮອບ​ຊີງ​ຊະ­ນະ​ເລີດ ໃນ​ງານ​ບຸນ​ກິນ​ຈຽງ ແລະ ຄັດ​ເລືອກ​ນາງ​ສາວ​ເຜົ່າ​ມົ້ງ ນວ ປະ­ຈຳ​ປີ 2020 ແລະ ຄັດ​ເລືອກ​ນັກ​ຮ້ອງ​ສຽງ​ດີ ໃນ​ທ້າຍ​ເດືອນ​ພະ­ຈິກ 2019.

    ທ່ານ ພູ​ວົງ ພະ​ມີ​ສິດ ປະ­ທານ​ສວນ​ພຶກ­ສາ ກ່າວ​ວ່າ: ສວນ​ພຶກ­ສາ ເປັນ​ສະ­ຖານ­ທີ່​ທ່ອງ​ທ່ຽວ​ດ້ານ​ວັດ­ທະ­ນະ­ທຳ ໂດຍ​ລວມ​ເອົາ​ຫຼາຍ​ຊົນ­ເຜົ່າ​ມາ​ຢູ່​ບ່ອນ​ດຽວ​ກັນ ໂດຍ​ສະ­ເພາະ ຊົນ­ເຜົ່າ​ມົ້ງ ເຜົ່າ​ກຶມ​ມຸ ແລະ ເຜົ່າ​ລາວ ຈຶ່ງ​ໄດ້​ຈັດ​ບຸນ​ກິນ​ຈຽງ​ເຜົ່າ​ມົ້ງ ເພື່ອ​ຮັກ­ສາ​ຮີດ­ຄອງ​ປະ­ເພ­ນີ​ອັນ​ດີ­ງາມ ສ້າງ​ຄວາມ​ສາ­ມັກ­ຄີ​ໃຫ້​ບັນ­ດາ­ເຜົ່າ​ໄດ້​ມີ​ກິດ­ຈະ­ກຳ​ຮ່ວມ​ກັນ ທັງ​ໄດ້​ສະ­ແດງ​ເຖິງ​ການ​ອະ­ນຸ​ຮັກ ການ​ນຸ່ງ​ຖື​ຊຸດ​ປະ­ຈຳ​ຊົນ­ເຜົ່າ ທີ່​ໄດ້​ສືບ​ທອດ​ກັນ​ມາ​ຫຼາຍ​ຮຸ່ນ​ຄົນ ແລະ ສົ່ງ­ເສີມ​ການ­ທ່ອງ­ທ່ຽວ​ໃຫ້ ນວ.

    ບຸນ​ປະ­ເພ­ນີ​ກິນ​ຈຽງ​ໃນ​ສວນ​ພຶກ­ສາ​ປີ​ນີ້ ຈະ​ຈັດ​ຂຶ້ນ​ວັນ​ທີ 22-44 ພະ­ຈິກ 2019 ຢູ່​ສວນ​ພຶກ­ສາ ບ້ານ​ດານ​ຊີ ເມືອງ​ນາ​ຊາຍ​ທອງ ນວ ເພື່ອ​ສະ­ເຫຼີມ­ສະ­ຫຼອງ​ສົ່ງ​ທ້າຍ​ປີ​ເກົ່າ​ຕ້ອນ­ຮັບ​ປີ​ໃໝ່ ທັງ​ເປັນ​ການ​ສະ­ຫຼຸບ​ຜົນ ງານ​ໃນ​ການ​ທຳ​ມາ​ຫາ​ກິນ​ຂອງ​ເຜົ່າ​ມົ້ງ ເຊິ່ງ​ຄັ້ງ​ນີ້​ຈັດ​ຂຶ້ນ​ເປັນ​ຄັ້ງ​ທີ 3 ພາຍ​ໃນ​ງານ​ມີ​ກິດ­ຈະ­ກຳ​ຫຼາຍ​ຢ່າງ​ທີ່​ໜ້າ​ສົນ­ໃຈ ເຊັ່ນ: ການ­ສະ­ແດງ​ສິ­ລະ​ປະ​ຮ້ອງ­ເພງ ກິດ­ຈະ­ກຳ​ໂຍນ​ໝາກ​ຄອນ ຕີ​ໝາກ​ຂ່າງ ຍິງ​ໜ້າ​ເກັກ ເຕະ­ບານ ຂັບ​ລຳ​ເຜົ່າ​ມົ້ງ ຄັດ​ເລືອກ​ນາງ​ສາວ​ເຜົ່າ​ມົ້ງ ນວ ປະ­ຈຳ​ປີ 2020 ແລະ ຄັດ​ເລືອກ​ນັກ​ຮ້ອງ​ສຽງ​ດີ.

    ສຳ­ລັບ​ນາງ​ສາວ​ງາມ​ທີ່​ໄດ້​ຮັບ​ຊະ­ນະ​ເລີດ ຈະ​ໄດ້​ຄອງ​ມົງ​ກຸດ​ມູນ​ຄ່າ 50 ກວ່າ​ລ້ານ​ກີບ ຈາກ​ຮ້ານ​ຄຳ​ພູ​ວົງ ພ້ອມ​ເງິນ​ລາ­ງວັນ 5 ລ້ານ​ກີບ ນອກ​ນີ້ ຍັງ​ມີ​ລາ­ງວັນ​ອື່ນໆ​ອີກ.

ຂ່າວທີ່ກ່ຽວຂ້ອງ