ຖວທ ສືບຕໍ່ສ້າງຄອບຄົວວັດທະນະທຳ ໃຫ້ໄດ້ຕາມແຜນການ

978 22 ຕ.ລ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ສະ­ຫຼຸບ​ຈຳ​ໄຕ​ມາດ III (ເດືອນ 7-9) ແລະ ແຜນ­ການ​ປະ­ຈຳ​ໄຕ​ມາດ IV (ເດືອນ 10-12) ປີ 2019 ພະ​ແນກ​ຖະ­ແຫຼງ​ຂ່າວ​ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ຈັດ​ຂຶ້ນ​ວັນ​ທີ 21 ຕຸ­ລາ 2019 ທີ່​ພະ​ແນກ​ດັ່ງ­ກ່າວ ເປັນ​ປະ­ທານ​ຂອງ​ທ່ານ ນາງ ວິ­ໄລ​ວອນ ຈັນ­ທະ​ລາ­ຕີ ຫົວ­ໜ້າ​ພະ​ແນກ ຖວ​ທ ນວ ທ່ານ ຄຳ​ຄູນ ໃບ​ລາ­ຕີ ຮອງ​ຫົວ­ໜ້າ​ພະ​ແນກ ຖວ​ທ ນວ ຫົວ­ໜ້າ ຮອງ​ຫົວ­ໜ້າ​ຫ້ອງ­ການ ຖວ​ທ ເມືອງ ແລະ ຂະ­ແໜງ­ການ​ກ່ຽວ­ຂ້ອງ​ເຂົ້າ​ຮ່ວມ.

    ໄລ­ຍະ 3 ເດືອນ​ຜ່ານ​ມາ ຂະ­ແໜງ­ການ​ຕ່າງໆ​ໄດ້​ເອົາ­ໃຈ­ໃສ່​ປະ­ຕິ­ບັດ​ພາ­ລະ​ບົດ­ບາດ​ຂອງ​ຕົນ ເຊັ່ນ: ໄດ້​ຄົ້ນ­ຄວ້າ ແລະ ປະ­ກອບ​ຄຳ​ຄິດ​ຄຳ​ເຫັນ​ໃສ່​ເອ­ກະ­ສານ​ຂາ​ເຂົ້າ 503 ສະ­ບັບ ຂາ​ອອກ 1.056 ສະ­ບັບ ຕິດ­ຕາມ​ກວດ­ກາ​ເນື້ອ​ໃນ​ປ້າຍ​ໂຄ­ສະ­ນາ ເຂົ້າ​ຮ່ວມ​ກອງ​ປະ­ຊຸມ​ຂັ້ນ​ຕ່າງໆ ຮ່າງ​ໜັງ­ສື​ສະ­ເໜີ​ຫາ​ຂັ້ນ​ເທິງ ຂະ­ແໜງ­ການ​ກ່ຽວ­ຂ້ອງ ສະ­ຫຼຸບ​ສັງ​ລວມ​ລາຍ​ຮັບ-ລາຍ​ຈ່າຍ​ຂະ ແໜງ​ການ ກອງ​ວິ­ຊາ​ການ ອອກ​ອະ­ນຸ­ມັດ​ຍ້ອງ­ຍໍ​ຂັ້ນ​ພະ​ແນກ 8 ໃບ ຊົມ­ເຊີຍ 3 ໃບ ຕິດ­ຕາມ​ກວດ­ກາ​ແກ້​ໄຂ​ປາ­ກົດ­ການ​ຫຍໍ້­ທໍ້​ໃນ​ຂົງ­ເຂດ ຖວ​ທ ສືບ­ຕໍ່​ອະ­ນຸ­ຍາດ​ດຳ­ເນີນ​ທຸ­ລະ​ກິດ​ປີ 2019 ດ້ານ ຖວ​ທ 6 ຫົວ­ໜ່ວຍ ອອກ​ໃບ​ອະ­ນຸ­ຍາດ​ໃຫ້​ບໍ­ລິ­ສັດ​ເຄື່ອນ​ໄຫວ 6 ຫົວ­ໜ່ວຍ ຜະ­ລິດ​ລາຍ­ການ​ໂທລະ­ພາບ​ສົ່ງ​ໃຫ້​ໂທລະ­ພາບ​ແຫ່ງ​ຊາດ 405 ນາ­ທີ ໂທລະ­ພາບ​ລາວ​ສະ​ຕາ​ຣ 504 ນາ­ທີ ລົງ​ໜັງ­ສື­ພິມ​ວຽງ​ຈັນ​ໃໝ່ 528 ບົດ 924 ຂ່າວ ໂຄ­ສະ­ນາ​ປະ­ຊາ­ສຳ­ພັນ 312 ເທື່ອ ຮູບ​ປະ­ກອບ 1.692 ໃບ ລົງ​ບົດ​ໜັງ­ສື­ພິມ​ວຽງ​ຈັນ​ທຸ­ລະ​ກິດ-ສັງ­ຄົມ 264 ບົດ 108 ຂ່າວ 396 ຮູບ​ພາບ ແລະ ອື່ນໆ.

    ສຳ­ລັບ​ແຜນ­ການ 3 ເດືອນ​ທ້າຍ​ປີ ສືບ­ຕໍ່​ນຳ­ພາ​ວຽກ​ງານ​ແນວ​ຄິດ-ການ­ເມືອງ ສ້າງ​ທັດ­ສະ­ນະ​ທີ່​ມີ​ແນວ​ຄິດ​ສ້າງ­ສັນ​ຕາມ​ແນວ­ທາງ​ຂອງ​ພັກ ໂດຍ​ສະ­ເພາະ ເນື້ອ​ໃນ​ຂໍ້​ແຂ່ງ­ຂັນ ຮັກ​ຊາດ ແລະ ພັດ­ທະ­ນາ ຮັກ ນວ ຕິດ​ພັນ​ກັບ​ວຽກ​ງານ 3 ຫຼຸດ 3 ເພີ່ມ ສືບ­ຕໍ່​ຊີ້​ນຳ-ນຳ­ພາ​ວຽກ​ງານ​ຕ່າງໆ​ໃຫ້​ສຳ­ເລັດ​ຕາມ​ຄາດ­ໝາຍ​ທີ່​ວາງ​ໄວ້ ໂດຍ​ສະ­ເພາະ ໂຄ­ສະ­ນາ​ສະ­ກັດ​ກັ້ນ​ປາ­ກົດ​ຫຍໍ້­ທໍ້​ທີ່​ເກີດ​ຂຶ້ນ​ໃນ​ສັງ­ຄົມ ປັບ­ປຸງ ແລະ ຍົກ​ລະ­ດັບ​ວຽກ​ງານ​ການ​ພິມ​ຈຳ­ໜ່າຍ ການ​ອອກ​ຂ່າວ​ທາງ​ສື່​ໃຫ້​ສອດ­ຄ່ອງ​ກັບ​ພຶດ­ຕິ​ກຳ​ຕົວ​ຈິງ ກິດ­ຈະ­ກຳ​ບຸນ​ປະ­ເພ­ນີ​ທາງ​ສາ­ສະ­ໜາ ໂຄງ­ການ​ສ້າງ​ຄອບ­ຄົວ​ຕົວ​ແບບ ແລະ ບ້ານ​ວັດ­ທະ­ນະ­ທຳ ຕິດ­ຕາມ​ກວດ­ກາ​ບ້ານ​ວັດ­ທະ­ນະ­ທຳ ສູ້​ຊົນ ມອບ​ໃບ­ຢັ້ງ­ຢືນ​ໃຫ້​ຄອບ­ຄົວ​ວັດ­ທະ­ນະ­ທຳ​ໃຫ້​ໄດ້​ຕາມ​ແຜນ ເຜີຍ­ແຜ່​ເນື້ອ​ໃນ​ແບບ­ແຜນ​ດຳ­ລົງ​ຊີ­ວິດ​ທີ່​ສົດ­ໃສ​ຕ່າງໆ​ໃຫ້​ປະ­ຊາ­ຊົນ ແລະ​ອື່ນໆ.

ຂ່າວທີ່ກ່ຽວຂ້ອງ