ປະທານ FIFA ຮ່ວມພິທີໄຂເຕະບານຊາຍ ຢູ-15 ຊີງຂັນ ສຕລ

560 22 ຕ.ລ. 2019 ວົງຈອນກີລາ
ປະທານ FIFA ຮ່ວມພິທີໄຂເຕະບານຊາຍ ຢູ-15 ຊີງຂັນ ສຕລ

    ການ​ແຂ່ງ­ຂັນ​ເຕະ­ບານ​ຊາຍ​ຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ຂັນ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ປະ­ຈຳ​ປີ 2019 ຈັດ​ຂຶ້ນ​ວັນ​ທີ 19 ຕຸ­ລາ 2019 ຢູ່​ສະ­ໜາມ ສຕລ ມີ​ທ່ານ Gianni Infantino ປະ­ທານ​ສະຫະ​ພັນ​ບານ­ເຕະ​ນາໆຊາດ ຫຼື FIFA ຄົນ­ທີ 9 ຊາວ​ສະ​ວິດ ເຊື້ອ­ສາຍ​ອີ​ຕາ​ລີ ພ້ອມ​ດ້ວຍ​ຄະ­ນະ​ເດີນ­ທາງ​ມາ​ຢ້ຽມ­ຢາມ​ລາວ ນັບ​ຕັ້ງ­ແຕ່​ຮັບ​ໜ້າ­ທີ່​ເປັນປະ­ທານ​ຟີ​ຟ້າ​ປີ 2016 ເປັນ­ຕົ້ນ​ມາ.

    ການ​ແຂ່ງ­ຂັນ​ເຕະ­ບານ​ຊາຍ​ຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ຂັນ ສຕລ ປະ­ຈຳ​ປີ 2019 ມີ​ທີມ​ເຂົ້າ​ຮ່ວມ 15 ທີມ​ມີ: ເອ​ສະ​ຣາ (ແຊັມ​ເກົ່າ) ລາວ​ໂຕໂຢ​ຕ້າ ເອັຟ​ຊີ (ອັນ​ດັບ 3) ລ໋ອບ​ສະ​ເຕ​ດ໋ຽມ ເອັຟ​ຊີ (ອັນ​ດັບ 4) ມາ​ສ​ເຕີ້ ເຊ​ເວັ້ນ ເອັຟ​ຊີ ເຄ​ພີ​ເອັສ ເອັຟ​ຊີ ແບ​ລາວ ເອັຟ​ຊີ ວຽງ​ຈັນ ເອັຟ​ຊີ ທຣີ​ນີ​ຕີ ເອັຟ​ຊີ ດີ​ເຄ ເອັຟ​ຊີ ຊ້າງ​ນ້ອຍ ເອັຟ​ຊີ ເອ​ສ ທີ ທີ ເອັຟ​ຊີ ວຽງ​ຈັນ ເອັຟ​ທີ ໄຊ​ເສດ​ຖາ ສະ​ເຕ​ດ໋ຽມ ເອັຟ​ຊີ ທະ​ເວັນ​ຕີ​ຊິກ ຢູ​ໄນ​ເຕັດ ແລະ ແຄນ​ລາວ ຢູ​ໄນ​ເຕັດ ທີມ​ຊະ­ນະ​ເລີດ​ຈະ​ໄດ້​ຮັບ​ເງິນ​ລາ­ງວັນ ຈຳ­ນວນ 15 ລ້ານ​ກີບ ພ້ອມ​ດ້ວຍ​ຂັນ​ລາ­ງວັນ​ຊະ­ນະ​ເລີດ ແລະ ຫຼຽນ​ລາ­ງວັນ ອັນ​ດັບ 2 ແລະ ອັນ​ດັບ 3 ຈະ​ໄດ້​ຮັບ​ຫຼຽນ​ລາ­ງວັນ ແລະ ເງິນ​ລາ­ງວັນ.

    ກອງ​ເຊຍ​ບານ​ສາ­ມາດ​ຕິດ­ຕາມ​ໃຫ້​ກຳ­ລັງ​ໃຈ​ບັນ­ດາ​ນັກ​ເຕະ​ເຍົາ­ວະ ຊົນ​ໄດ້​ທຸກໆ​ວັນ​ເສົາ ແລະ ວັນ​ອາ­ທິດ​ຢູ່​ທີ່​ສະ­ໜາມ​ຫຍ້າ​ທຽມ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ​ເຂົ້າ​ຊົມ​ໂດຍ​ບໍ່​ເສຍ​ຄ່າ​ຜ່ານ​ປະ­ຕູ.

ຂ່າວທີ່ກ່ຽວຂ້ອງ