ເຟຣດໂຮໂລ ຊ່ວຍພັດທະນາບຸຄະລາກອນດ້ານສຸຂະພາບຕາ ແກ່ລາວ

1.219 18 ຕ.ລ. 2019 ຂ່າວໜ້າ​ໜຶ່ງ
ເຟຣດໂຮໂລ ຊ່ວຍພັດທະນາບຸຄະລາກອນດ້ານສຸຂະພາບຕາ ແກ່ລາວ

    ສູນ​ຮັກ­ສາ ແລະ ປິ່ນ­ປົວ​ສຸ­ຂະ­ພາບ ກະ­ຊວງ​ສາ­ທາ­ລະ­ນະ​ສຸກ ຮ່ວມ​ກັບ​ມູນ​ນິ­ທິ​ເຟຣດ​ໂຮ​ໂລ ຈັດ​ກອງ​ປະ­ຊຸມ​ວິ­ຊາ​ການ​ວຽກ​ງານ​ສຸ­ຂະ­ພາບ​ຕາ​ຢູ່ ສປປ ລາວ ຂຶ້ນ​ວັນ​ທີ 16-17 ຕຸ­ລາ 2019 ຢູ່​ສູນ​ການ​ຮ່ວມ​ມື ສາ­ກົນ ແລະ ເຝິກ­ອົບ­ຮົມ ໂດຍ​ເປັນ​ປະ­ທານ​ຂອງ​ທ່ານ ຄຳ​ພົ້ວ ສຸດ­ທິ​ສົມ­ບັດ ຫົວ­ໜ້າ​ສູນ​ປິ່ນ­ປົວ ແລະ ຮັກ­ສາ​ສຸ­ຂະ­ພາບ​ຕາ ແລະ ທ່ານ ຟຸກ ຫງວ​ຽນ​ຕັນ ຜູ້­ອຳ­ນວຍ­ການ​ມູນ​ນິ­ທິ​ເຟຣດ​ໂຮ​ໂລ ປະ­ຈຳ​ພາກ​ພື້ນ​ອາ ຊີ​ຕາ­ເວັນ​ອອກ ມີ​ທ່ານ ບົວ​ຄານ ພູ​ຄູນ​ທອງ ຮອງ​ຫົວ­ໜ້າ​ກົມ​ປິ່ນ­ປົວ ແລະ ຟື້ນ​ຟູ​ໜ້າ­ທີ່​ການ ພ້ອມ​ດ້ວຍ​ຜູ້­ຕາງ­ໜ້າ​ພະ​ແນກ​ສາ­ທາ­ລະ­ນະ​ສຸກ 10 ແຂວງ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ຈຸດ­ປະ­ສົງ ເພື່ອ​ເປັນ​ການ​ເປີດ​ກວ້າງ​ການ​ຮັກ­ສາ​ສຸ­ຂະ­ພາບ​ຕາ​ແບບ​ຍືນ​ຍົງ​ໃຫ້​ພະ​ແນກ​ສາ­ທາ­ລະ­ນະ​ສຸກ 10 ແຂວງ ທີ່​ໄດ້​ຮັບ​ການ​ຊ່ວຍ­ເຫຼືອ​ຈາກ​ເຟຣດ​ໂຮ​ໂລ ການ​ປັບ­ປຸງ​ວຽກ​ງານ​ໃນ​ການ​ຮັກ­ສາ​ສຸ­ຂະ­ພາບ​ຕາ ສິ່ງ​ທ້າ​ທາຍ ແລະ ການ​ປະ­ຕິ­ບັດ ເຊັ່ນ: ສຶບ​ຕໍ່​ປັບ­ປຸງ​ວຽກ​ງານ​ສຸ­ຂະ­ພາບ​ຕາ​ນັບ​ແຕ່​ສູນ​ກາງ​ລົງ​ຮອດ​ທ້ອງ­ຖິ່ນ ເພື່ອ​ການ​ພັດ­ທະ­ນາ​ແຜນ​ວຽກ​ງານ​ຮັກ­ສາ​ສຸ­ຂະ­ພາບ​ໃນ­ຕໍ່­ໜ້າ ເພື່ອ​ຜັນ​ຂະ­ຫຍາຍ​ວຽກ​ງານ​ດັ່ງ­ກ່າວ​ໃຫ້​ປາ­ກົດ​ຜົນ​ເປັນ​ຈິງ ສູນ​ປິ່ນ­ປົວ ແລະ ຮັກ­ສາ​ສຸ­ຂະ­ພາບ​ຕາ​ໄດ້​ໃຫ້​ຄວາມ​ສຳ­ຄັນ​ວຽກ​ງານ​ດັ່ງ­ກ່າວ ເຊິ່ງ​ການ​ສະ­ເຫຼີມ­ສະ­ຫຼອງ​ວັນ​ສາຍ­ຕາ​ໂລກ ໄດ້​ຈັດ​ກິດ­ຈະ­ກຳ​ຫຼາຍ​ຢ່າງ ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ຫຼາຍ​ພາກ­ສ່ວນ​ພາຍ​ໃນ ແລະ ຕ່າງ­ປະ­ເທດ.

    ໂອ­ກາດ​ນີ້ ຍັງ​ໄດ້​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ​ກ່ຽວ​ກັບ​ໂຄງ­ການ​ພັດ­ທະ­ນາ​ບຸ​ຄະ­ລາ​ກອນ​ດ້ານ​ສຸ ຂະ​ພາບ​ຕາ​ຢູ່ ສປປ ລາວ ລະ­ຫວ່າງ​ທ່ານ ບົວ​ຄານ ພູ​ຄູນ​ທອງ ທ່ານ ຄຳ​ພົ້ວ ສຸດ­ທິ​ສົມ­ບັດ ແລະ ທ່ານ ຟຸກ ຫງວ​ຽນ​ຕັນ ເຊິ່ງ​ໂຄງ­ການ​ນີ້​ຈະ​ຈັດ​ຕັ້ງ​ປະ­ຕິ­ບັດ​ຢູ່​ມະ­ຫາ­ວິ­ທະ­ຍາ­ໄລ ວິ­ທະ­ຍາ­ສາດ​ສຸ­ຂະ­ພາບ ເລີ່ມ​ແຕ່​ມື້​ລົງ​ນາມ​ຮອດ​ເດືອນ​ມິ­ຖຸ­ນາ 2021 ມູນ​ຄ່າ 154.697 ໂດ​ລາ​ອົດ​ສະ​ຕຼາ​ລີ ຫຼື ປະ­ມານ 920 ລ້ານ​ກີບ.

ຂ່າວທີ່ກ່ຽວຂ້ອງ