ລາວຊຳຊຸງ ສົ່ງເສີມການຮຽນຮູ້ໃຫ້ຄົນພິການຫູ ແລະ ປາກ ຜ່ານເຕັກໂນໂລຊີ

1.506 18 ຕ.ລ. 2019 ຂ່າວໜ້າ​ໜຶ່ງ

    ບໍ­ລິ­ສັດ ລາວ​ຊຳ​ຊຸງ​ເອ​ເລັກ​ໂຕຣ​ນິກ ຈຳ­ກັດ​ຜູ້​ດຽວ ຮ່ວມ​ກັບ​ອົງ­ການ​ອາ­ຫານ​ໂລກ ປະ­ຈຳ​ລາວ ຈັດ​ກິດຈະ​ກຳ​ສົ່ງ­ເສີມ​ການ​ຮຽນ​ຮູ້ ຜ່ານ​ເຕັກ​ໂນ​ໂລ​ຊີ​ໃຫ້​ຄົນ​ພິ­ການ​ຫູ ແລະ ປາກ ຂຶ້ນ​ວັນ​ທີ 17 ຕຸ­ລາ 2019 ຢູ່​ໂຮງ­ຮຽນ​ສຶກ​ສາ​ພິ­ເສດ ນະ­ຄອນ­ຫຼວງ​ວຽງ​ຈັນ (ນວ) ໂດຍ​ມີ​ທ່ານ ຊຶງ​ໂຮ​ຊອຍ ຜູ້­ອຳ­ນວຍ­ການ​ບໍ­ລິ­ສັດ ລາວ​ຊຳ​ຊຸງ​ເອ​ເລັກ​ໂຕຣ​ນິກ​ຈຳ­ກັດ​ຜູ້​ດຽວ ທ່ານ​ນາງ ສີ​ລິ​ວັນ ວີ­ລະ​ຈິດ ຜູ້­ອຳ­ນວຍ­ການ​ໂຮງ­ຮຽນ​ສຶກ​ສາ​ພິ ເສດ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ກິດ­ຈະ­ກຳ​ຄັ້ງ​ນີ້ ໄດ້​ມອບ​ອຸ­ປະ­ກອນ​ການ​ຮຽນ-ການ​ສອນ​ສຳ­ລັບ​ຄົນ​ພິ­ການ​ຫູ ແລະ ປາກ ການ​ສອນ​ພາ­ສາ​ມື ໂດຍ​ນຳ​ໃຊ້​ແອັບ​ພລິ​ເຄ​ຊັນ​ໃນ Samsung Tablet ຈັດ​ປຶ້ມ​ເຂົ້າ​ຫ້ອງ​ສະ­ໝຸດ ແລະ ການ​ແຂ່ງ ຂັນ​ປຸງ​ແຕ່ງ­ອາ­ຫານ ໂດຍ​ບໍ­ລິ­ສັດ​ລາວ​ຊຳ​ຊຸງ​ເອ​ເລັກ​ໂຕຣ​ນິກ​ຈຳ­ກັດ​ຜູ້​ດຽວ ໄດ້​ມອບ Samsung Tablet 6 ໝ່ວຍ ໃຫ້​ໂຮງ­ຮຽນ ເພື່ອ​ເປັນ​ເຄື່ອງ­ມື​ຊ່ວຍ​ໃນ​ການ​ຮຽນ-ການ​ສອນ​ພາ­ສາ​ມື​ໃຫ້​ອາ­ຈານ ແລະ ນັກ­ຮຽນ ໂດຍ​ໃຊ້ Samsung Tablet ແລະ ແອັບ HANDME ເຊິ່ງ​ເປັນ​ແອັບ​ພາ­ສາ​ມື ສ້າງ​ໂດຍ​ຄົນ​ລາວ ແລະ ໄດ້​ຖືກ​ນຳ​ມາ​ພັດ­ທະ­ນາ​ຕໍ່ ໂດຍ​ບໍ­ລິ­ສັດ Bizgital.

ຂ່າວທີ່ກ່ຽວຂ້ອງ