ເກີດ​ອຸບັດ​ເຫດ​ເຮືອບິນ​ຕົກ​ຢູ່​ໃນ​ອາ​ຟະ​ກາ​ນິດ​ສະຖານ

1.195 17 ຕ.ລ. 2019 ຂ່າວຕ່າງປະເທດ
ເກີດ​ອຸບັດ​ເຫດ​ເຮືອບິນ​ຕົກ​ຢູ່​ໃນ​ອາ​ຟະ​ກາ​ນິດ​ສະຖານ

     ທະຫານ​ຂອງ​ອາ​ຟະ​ກາ​ນິດ​ສະຖານ ເສຍ​ຊີວິດ​ຢ່າງ​ໜ້ອຍ 7 ຄົນ ເມື່ອ​ເຮືອບິນ​ເອ​ລີ​ກອບ​ແຕ​ທີ່​ພວກ​ເຂົາ​ໂດຍສານ​ໄປ​ນັ້ນ ເກີດ​ອຸບັດເຫດ​ຕົກ ຢູ່​ໃນ​ແຂວງ ບານ (ພາກ​ເໜືອ​ອາ​ຟະ​ກາ​ນິດ​ສະຖານ) ເມື່ອ​ວັນ​ທີ 15 ຕຸລາ​ນີ້.

    ກະຊວງ​ປ້ອງ​ກັນ​ປະເທດ​ອາ​ຟະ​ກາ​ນິດ​ສະຖານ ໃຫ້ການ​ຢັ້ງຢືນ​ວ່າ ເຮືອບິນ​ເອ​ລີ​ກອບ​ແຕ MI-17 ຂອງ​ກອງທັບ​ອາກາດ​ອາ​ຟະ​ກາ​ນິດ​ສະຖານ ໄດ້​ປະສົບ​ເຫດ​ຍ້ອນ “ຄວາມ​ຂັດຂ້ອງ​ທາງ​ດ້ານ​ເຕັກນິກ.” ສະມາຊິກ​ໃນ​ຈຸ​ບິນ​ລວມ 7 ຄົນ ໃນ​ນັ້ນ​ມີ​ນັກ​ບິນ 4 ຄົນ ຕ່າງ​ກໍ​ໄດ້​ເສຍ​ຊີວິດ ຈາກ​ອຸບັດເຫດ​ດັ່ງກ່າວ.

ຂ່າວ​ແຈ້ງວ່າ ເຮືອບິນ​ເອ​ລີ​ກອບ​ແຕ​ດັ່ງກ່າວ ໄດ້​ຕົກລົງ​ໃນ​ເຂດ​ຊານເມືອງ​ຂອງ​ນະຄອນ​ແຫ່ງ​ໜຶ່ງ ແຕ່​ບໍ່​ໄດ້​ມີ​ລາຍ​ງານ​ຜູ້​ບາດເຈັບ ຫຼື​ເສຍ​ຊີວິດ​ຢູ່​ເທິງ​ໜ້າດິນ.

ຂ່າວທີ່ກ່ຽວຂ້ອງ