ທຄຕລ ແນະນຳການບໍລິການຮັບຊຳລະ WeChat Pay ແລະ AliPay

1.041 17 ຕ.ລ. 2019 ຂ່າວໜ້າ​ໜຶ່ງ
ທຄຕລ ແນະນຳການບໍລິການຮັບຊຳລະ WeChat Pay ແລະ AliPay

    ພິ­ທີ​ແນະ­ນຳ​ການ​ບໍ­ລິ­ການ​ຮັບ​ຊຳ­ລະ WeChat Pay ແລະ AliPay ເປັນ​ທາງ​ການ ວັນ​ທີ 11 ຕຸ­ລາ ຜ່ານ​ມາ ຢູ່​ໂຮງ­ແຮມ​ລາວ​ພຣາ​ຊາ ໂດຍ​ເປັນ​ປະ­ທານ​ຂອງ​ທ່ານ ພູ​ຂົງ ຈັນ­ທະ​ຈັກ ຜູ້­ອຳ­ນວຍ­ການ​ໃຫຍ່​ທະ ນາ​ຄານ​ການ​ຄ້າ​ຕ່າງ­ປະ­ເທດ​ລາວ​ມະ­ຫາ­ຊົນ (ທຄຕລ) ແລະ ທ່ານ Jacky Chiang ຜູ້­ອຳ­ນວຍ­ການ​ດ້ານ​ການ​ພັດ­ທະ­ນາ​ຍຸດ​ທະ​ສາດ Swift Pass ມີ​ທ່ານ ພຸດ​ທະ​ໄຊ ສີ­ວິ­ໄລ ຮອງ​ຜູ້​ວ່າ­ການ​ທະ­ນາ­ຄານ​ແຫ່ງ ສປປ ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທຄຕລ ມຸ່ງ​ໝັ້ນ​ໃນ​ການ​ເປັນ​ຜູ້­ນຳ​ດ້ານ​ເຕັກ​ໂນ​ໂລ​ຊີ​ການ​ເງິນ ເພື່ອ​ຕອບ​ສະ­ໜອງ​ຄວາມ​ຕ້ອງ­ການ​ຂອງ​ລູກ​ຄ້າ​ຫຼາຍ​ທີ່​ສຸດ ໂດຍ​ໄດ້​ພັດ­ທະ­ນາ​ຢ່າງ​ຕໍ່​ເນື່ອງ ແລະ ເຕີບ​ໃຫຍ່​ຂະ­ຫຍາຍ­ຕົວ​ຫຼາຍ​ຜະ­ລິດ​ຕະ​ພັນ ໂດຍ​ສະ­ເພາະ​ການ​ບໍ­ລິ­ການ​ຊຳ­ລະ​ສະ​ສາງ​ຄ່າ​ສິນ­ຄ້າ​ຜ່ານ QR Code ກັບ​ສາ­ກົນ ທຄຕລ ໄດ້​ກ້າວ​ໄປ​ອີກ​ຂັ້ນ​ດ້ານ​ການ​ຮັບ​ຊຳ­ລະ​ສະ​ສາງ​ດ້ວຍ QR Code ໂດຍ​ການ​ຮ່ວມ​ມື​ລະ­ຫວ່າງ ທຄຕລ ກັບ Swift Pass ແລະ NTT DATA ເພື່ອ​ຊ່ວຍ​ເປີດ​ຊ່ອງ​ທາງ​ການ​ຊຳ­ລະ​ສະ​ສາງ​ໃຫ້​ຫຼາຍ​ຂຶ້ນ ຈະ​ເຮັດ​ໃຫ້​ສະ­ມາ­ຊິກ​ຮ້ານ​ຄ້າ​ຂອງ ທຄຕລ ສາ­ມາດ​ຮັບ​ຊຳ­ລະ​ສະ​ສາງ​ດ້ວຍ WeChat Pay ແລະ AliPay ໝາຍ​ຄວາມ​ວ່າ​ລູກ​ຄ້າ​ນັກ​ທ່ອງ​ທ່ຽວ​ຈີນ ແລະ ຜູ້​ໃຊ້​ແອັບ WeChat Pay ແລະ AliPay ສາ­ມາດ​ຊຳ­ລະ​ສິນ­ຄ້າ ແລະ ບໍ​ລິ ການ​ຢູ່​ປະ­ເທດ​ລາວ​ໄດ້​ຢ່າງ​ສະ­ດວກ​ປອດ​ໄພ ທັງ​ເປັນ​ການ​ເພີ່ມ​ຍອດ​ຂາຍ​ໃຫ້​ຮ້ານ​ຄ້າ​ຢູ່​ລາວ ອີກ​ດ້ວຍ.

    ທຄຕລ ຈະ​ສືບ­ຕໍ່​ພັດ­ທະ­ນາ​ຜະ­ລິດ​ຕະ​ພັນ ແລະ ການ​ບໍ­ລິ­ການ​ຢ່າງ​ບໍ່​ຢຸດ​ຢັ້ງ ໂດຍ​ທຸກ​ຜະ­ລິດ​ຕະ​ພັນ ແລະ ການ​ບໍ­ລິ­ການ ທຄຕລ ແມ່ນ​ເນັ້ນ​ຄວາມ​ທັນ​ສະ­ໄໝ ສະ­ດວກ​ສະ­ບາຍ ມີ​ຄວາມ​ປອດ​ໄພ ກວດ​ສອບ​ໄດ້ ແລະ ໄດ້​ມາດ­ຕະ­ຖານ​ສາ­ກົນ ເພື່ອ​ນຳ​ສະ­ເໜີ​ບໍ­ລິ­ການ​ທາງ​ການ​ເງິນ​ທີ່​ມີ​ຫຼາຍ​ຮູບ​ແບບ​ທັນ​ສະ­ໄໝ ຕອບ​ສະ­ໜອງ​ຄວາມ​ຕ້ອງ­ການ​ລູກ​ຄ້າ ບົນ​ພື້ນ­ຖານ​ຄວາມ​ຮັບ­ຜິດ­ຊອບ​ສູງ​ຕໍ່​ສັງ­ຄົມ ເພື່ອ​ໃຫ້​ລູກ​ຄ້າ ແລະ ສັງ­ຄົມ​ໄດ້​ຮັບ​ປະ­ໂຫຍດ​ສູງ​ສຸດ.

ຂ່າວທີ່ກ່ຽວຂ້ອງ