ກອງ​ກຳລັງ​ນີວ​ເຄລຍຍຸດ​ທະ​ສາດ​ຂອງຣັດ​ເຊຍ ເຝິກ​ຊ້ອມ​ຂະໜາດ​ໃຫຍ່

932 17 ຕ.ລ. 2019 ຂ່າວຕ່າງປະເທດ
ກອງ​ກຳລັງ​ນີວ​ເຄລຍຍຸດ​ທະ​ສາດ​ຂອງຣັດ​ເຊຍ ເຝິກ​ຊ້ອມ​ຂະໜາດ​ໃຫຍ່

     ກະຊວງ​ປ້ອງ​ກັນ​ປະເທດ​ຣັດ​ເຊຍ ແຈ້ງ​ໃຫ້​ຮູ້ເມື່ອ​ວັນ​ຈັນ​ທີ່​ຜ່ານ​ມາ​ວ່າ ໃນ​​ອາ​ທິດ​ນີ້ ກອງ​ກຳລັງ​ນີວ​ເຄລຍ​ຍຸດ​ທະ​ສາດ​ຂອງ​ຣັດ​ເຊຍ ຈະ​ດຳເນີນ​ການ​ຝຶກ​ຊ້ອມ​ຂະໜາດ​ໃຫຍ່ ແກ່ຍາວ​ເປັນ​ເວລາ 3 ວັນ ເລີ່ມ​ແຕ່​ວັນ​ທີ 15 ຕຸລາ​ນີ້ ໂດຍ​ມີ​ທະຫານ​ເຂົ້າ​ຮ່ວມ 12.000 ຄົນ ຖານ​ຍິງ​ລູກ​ສອນ​ໄຟ 213 ຖານ ເຮືອບິນ 105 ລຳ ກຳປັ່ນ​ສູ້​ຮົບ​ລອຍ​ເທິງ​ໜ້ານ້ຳ 15 ລຳ ແລະ ກຳປັ່ນ​ດຳ​ນ້ຳ 5 ລຳ. ການ​ຝຶກ​ຊ້ອມ​ນີ້ ຈະ​ສຸມ​ໃສ່​ການ​ທົດ​ລອງ​ຍິງ​ລູກ​ສອນ​ໄຟ.

    ພົນ​ຈັດຕະວາ ແຢບ​ເກ​ນີ ອີ​ລີ​ອິນ ຫົວໜ້າ​ກົມ​ການ​ຮ່ວມ​ມື​ສາກົນ ທີ່​ຂຶ້ນ​ກັບ​ກະຊວງ​ປ້ອງ​ກັນ​ປະເທດ​ຣັດ​ເຊຍ ກ່າວ​ຕໍ່​ກອງ​ປະຊຸມ​ຖະແຫຼງ​ຂ່າວ​ວ່າ ລູກ​ສອນ​ໄຟ​ນຳ​ວິຖີ​ຂ້າມ​ທະວີບ 2 ໜ່ວຍ ຈະ​ໄດ້​ຖືກ​ຍິງ​ໄປ​ໃສ່​ເປົ້າ​ທົດ​ລອງ ຢູ່​ທີ່​ສະໜາມ​ທົດ​ລອງ ກູ​ຣາ ເທິງ​ແຫຼມ ກາມ​ຈັດ​ກາ.

ນອກຈາກ​ນັ້ນແລ້ວ ເຮືອບິນ​ຖິ້ມ​ລະ​ເບີ​ດຸດ​ທະ​ສາດ ກໍ​ຈະ​ຍິງ​ລູກ​ສອນ​ໄຟ​ເຄື່ອນ​ທີ່  ໃສ່​ເປົ້າ​ໝາຍ​ການ​ທົດ​ລອງ ຢູ່​ໃນ​ສະໜາມ​ຍິງ​ບາງ​ແຫ່ງ.

ຂ່າວທີ່ກ່ຽວຂ້ອງ