ໄຊຍະບູລີ ຈັດແຂ່ງຂັນເຮືອປະເພນີໂອກາດບຸນອອກພັນສາ

633 17 ຕ.ລ. 2019 ວົງຈອນກີລາ
ໄຊຍະບູລີ ຈັດແຂ່ງຂັນເຮືອປະເພນີໂອກາດບຸນອອກພັນສາ

    ເຮືອ​ແສງ​ເດືອນ​ນາ­ວາ​ລ້ານ 9 ບ້ານ​ສີ​ມຸງ­ຄຸນ ແຊງ​ຊະ­ນະ​ເຮືອ​ຈາກ​ບ້ານ​ສີ​ເມືອງ ຄວ້າ​ຂັນ​ຊະ­ນະ​ເລີດ​ຂອງ​ທ່ານ ສົມ​ສະ​ຫວດ ເລັ່ງ​ສະ​ຫວັດ ທີ່​ປືກ​ສາ​ຄະ­ນະ​ບໍ­ລິ­ຫານ​ສູນ​ກາງ​ພັກ ໃນ​ການ​ແຂ່ງ­ຂັນ​ເຮືອ​ໄວ ໂອ­ກາດ​ບຸນ​ອອກ​ພັນ​ສາ​ປະ​ວໍ­ລະ­ນາ ແລະ ຊ່ວງ​ເຮືອ​ປະ­ເພ­ນີ ປີ 2019 ວັນ​ທີ 14 ຕຸ­ລາ 2019 ຢູ່​ເມືອງ​ໄຊ​ຍະ​ບູ​ລີ ແຂວງ​ໄຊ​ຍະ​ບູ​ລີ.

    ການ​ແຂ່ງ­ຂັນ​ເຮືອ​ປະ­ເພ­ນີ​ໄວ ເພດ​ຊາຍ ອັນ​ດັບ 1 ເຮືອ​ແສງ​ເດືອນ ນາ­ວາ​ລ້ານ 9 ບ້ານ​ສິ​ມຸງ­ຄຸນ ອັນ​ດັບ 2 ບ້ານ​ສີ​ເມືອງ ອັນ​ດັບ 3 ບ້ານ​ນາ­ລາ ສ່ວນ​ເຮືອ​ປະ­ເພ­ນີ​ໄວ ເພດ​ຍິງ ອັນ​ດັບ 1 ບ້ານ​ນາ​ຕໍ​ໃຫຍ່ ອັນ​ດັບ 2 ບ້ານ​ທະ​ນາ ອັນ​ດັບ 3 ບ້ານ​ນາ­ລາ ປະ­ເພດ​ເຮືອ​ສູດ​ຊາຍ ອັນ​ດັບ 1 ບໍ­ລິ­ສັດ​ຈັນ­ທະ​ວົງ ກໍ່­ສ້າງ​ຂົວ​ທາງ ເມືອງ​ແກ່ນ​ທ້າວ ອັນ​ດັບ 2 ບໍ­ລິ­ສັດ​ອຸ­ທຸມ­ພອນ 1 ອັນ​ດັບ 3 ບ້ານ​ແກ້ງ.

    ບຸນ​ອອກ​ພັນ​ສາ​ປະ​ວໍ­ລະ­ນາ ແລະ ຊ່ວງ​ເຮືອ​ປະ­ເພ­ນີ ປີ 2019 ບໍ­ລິ­ສັດ ເບຍ​ລາວ ໄດ້​ໃຫ້­ການ​ສະ­ໜັບ­ສະ­ໜູນ​ແຂວງ​ຕ່າງໆ​ທົ່ວ​ປະ­ເທດ ຫຼາຍ​ກວ່າ 1,5 ຕື້​ກີບ ເປັນ­ຕົ້ນ ນະ­ຄອນ­ຫຼວງ​ວຽງ​ຈັນ ຄຳ​ມ່ວນ ສະ­ຫວັນ​ນະ​ເຂດ ໄຊ​ຍະ​ບູ​ລີ ຈຳ­ປາ​ສັກ ແລະ ແຂວງ​ອື່ນໆ ເພື່ອ​ປະ­ກອບ­ສ່ວນ​ສົ່ງ­ເສີມ ແລະ ປົກ​ປັກ​ຮັກ­ສາ​ວັດ­ທະ­ນະ­ທຳ ຮີດ­ຄອງ​ອັນ​ດີ­ງາມ​ຂອງ​ຊາດ ໃຫ້​ຍືນ​ຍົງ​ຕະ­ຫຼອດ​ໄປ.

ຂ່າວທີ່ກ່ຽວຂ້ອງ