ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ​ລາວ ມອບ​ປະ­ກັນ​ໄພ​ໃຫ້​ລູກ​ຄ້າ

861 16 ຕ.ລ. 2019 ຂ່າວໜ້າ​ໜຶ່ງ
ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ​ລາວ ມອບ​ປະ­ກັນ​ໄພ​ໃຫ້​ລູກ​ຄ້າ

    ເມື່ອ​ບໍ່​ດົນ​ຜ່ານ​ມາ​ນີ້ ບໍ­ລິ­ສັດ ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ (ລາວ) ຈຳ­ກັດ ໄດ້​ມອບ​ເງິນ​ທົດ​ແທນ​ປະ­ກັນ​ໄພ​ຊີ­ວິດ 60 ລ້ານ​ກີບ​ໃຫ້​ຄອບ­ຄົວ​ນາງ ສັ້ນ ສຸກ​ທະ­ວີ ຜູ້​ເປັນ​ພັນ​ລະ​ຍາ ແລະ ຜູ້​ໄດ້​ຮັບ​ຜົນ​ປະ­ໂຫຍດ​ຂອງ​ທ່ານ ອ໋ອດ ສຸກ​ທະ­ວີ ທີ່​ໜ່ວຍ​ບໍ­ລິ­ການ​ບໍ­ລິ­ສັດ ພຣູ​ເດັນ​ໂຊລ໌ ປະ­ຈຳ​ທະ­ນາ­ຄານ​ເອ​ຊີ​ລີ​ດາ ສາ­ຂາ​ແຂວງ​ຄຳ​ມ່ວນ ກ່າວ​ມອບ​ໂດຍ​ທ່ານ ອິນ​ປັນ ແສນ​ຄຳ​ຕາ ຫົວ­ໜ້າ​ພະ​ເເນກ​ຝ່າຍ​ຂາຍ​ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ​ລາວ.

     ທ່ານ ອິນ​ປັນ ແສນ​ຄຳ​ຕາ ໄດ້​ກ່າວ​ວ່າ: ຕາງ­ໜ້າ​ໃຫ້​ບໍ­ລິ­ສັດ ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ (ລາວ) ໄດ້​ສະ­ແດງ​ຄວາມ​ເສຍ​ໃຈ​ມາ​ຍັງ​ຄອບ­ຄົວ​ນາງ ສັ້ນ ສຸກ​ທະ­ວີ ທີ່​ໄດ້​ສູນ​ເສຍ​ສາ­ມີ​ທີ່​ເປັນ​ຜູ້­ນຳ ແລະ ເສົາ​ຫຼັກ​ຂອງ​ຄອບ­ຄົວ ໂຊກ​ດີ​ທີ່​ທ່ານ ອ໋ອດ ສຸກ​ທະ­ວີ ໄດ້​ຊື້​ປະ­ກັນ​ຊີ­ວິດ​ນຳ​ບໍ­ລິ­ສັດ ພຣູ​ເດັນ​ໂຊລ໌ ເມື່ອ 2 ປີ​ກ່ອນ ເຊິ່ງ​ການ​ສູນ​ເສຍ​ຄັ້ງ​ນີ້​ທາງ​ບໍ­ລິ­ສັດ​ພວກ​ເຮົາ​ມີ​ຄວາມ​ຍິນ​ດີ​ມອບ​ເງິນ​ທົດ​ແທນ​ປະ­ກັນ​ໄພ​ຊີ­ວິດ​ແກ່​ຄອບ­ຄົວ​ຂອງ​ຜູ້­ກ່ຽວ​ຕາມ​ທີ່​ໄດ້​ລະ­ບຸ​ໄວ້​ໃນ​ເງື່ອນ­ໄຂ​ຂອງ​ການ​ຄຸ້ມ​ຄອງ​ທີ່​ທ່ານ ອ໋ອດ ສຸກ​ທະ­ວີ  (ຜູ້​ເສຍ​ຊີ­ວິດ) ໄດ້​ເຮັດ​ສັນ­ຍາ​ປະ­ກັນ​ໄພ​ຊີ­ວິດ​ກັບ​ບໍ­ລິ­ສັດ​ພຣູ​ເດັນ​ໂຊລ໌​ເປັນ​ເວ­ລາ 2 ປີ ຂ້າ­ພະ­ເຈົ້າ​ຂໍ​ສະ­ແດງ​ຄວາມ​ຂອບ­ໃຈ​ແກ່​ຄອບ­ຄົວ​ນາງ ສັ້ນ ສຸກ​ທະ­ວີ ທີ່​ໃຫ້​ຄວາມ​ໄວ້​ວາງ­ໃຈ​ແກ່​ບໍ­ລິ­ສັດ​ພຣູ​ເດັນ​ໂຊລ໌ໄດ້​ເຮັດ​ໜ້າ­ທີ່​ດູ​ແລ ແລະ ຄຸ້ມ​ຄອງ​ຄອບ­ຄົວ​ຜູ້­ກ່ຽວ.

     ປັດ­ຈຸ­ບັນ​ບໍ­ລິ­ສັດ ພຣູ​ເດັນ​ໂຊລ໌​ປະ­ກັນ​ໄພ​ຊີ­ວິດ (ລາວ) ໄດ້​ສ້າງ​ຍຸດ​ທະ​ສາດ​ການ​ຂາຍ​ປະ­ກັນ​ໄພ ຊີ­ວິດ​ໂດຍ​ຜ່ານ​ຊ່ອງ​ທາງ​ພັນ­ທະ​ມິດ​ທຸ­ລະ​ກິດ ແລະ ໄດ້​ຈຳ­ໜ່າຍ​ຜະ­ລິດ​ຕະ​ພັນ​ປະ­ກັນ​ໄພ​ຊີ­ວິດ​ໂດຍ​ຜ່ານ​ທຸກ​ສາ­ຂາ​ຂອງ​ທະ­ນາ­ຄານ​ເອ​ຊີ​ລິ​ດາ (ລາວ) ເຊິ່ງ​ເລີ່ມ​ຈາກ​ນະ­ຄອນ­ຫຼວງ​ວຽງ​ຈັນ ແລະ ໄດ້​ຂະ­ຫຍາຍ​ທົ່ວ​ປະ­ເທດ​ເພື່ອ​ຕອບ​ສະ­ໜອງ​ຄວາມ​ຕ້ອງ­ການ​ຂອງ​ຄົນ​ລາວ ທະ­ນາ­ຄານ​ເອ​ຊີ​ລີ​ດາ (“ACLEDA Bank”) ເຊິ່ງ​ເປັນ​ໜຶ່ງ​ໃນ​ທະ­ນະ​ຄານ​ທີ່​ໜ້າ​ເຊື່ອ​ຖື ແລະ ມີ​ຫຼາຍ​ກວ່າ 40 ສາ­ຂາ​ໃນ​ທົ່ວ​ປະ­ເທດ.

ຂ່າວທີ່ກ່ຽວຂ້ອງ