ມອບ​ເງິນ​ອຸດ​ໜູນ​ເສຍສະຫຼະ​ຊີວິດ​ໃຫ້​ຜູ້​ມີ​ຜົນງານ

646 15 ຕ.ລ. 2019 ຂ່າວໜ້າ​ໜຶ່ງ
ມອບ​ເງິນ​ອຸດ​ໜູນ​ເສຍສະຫຼະ​ຊີວິດ​ໃຫ້​ຜູ້​ມີ​ຜົນງານ

   ພະ​ແນກ​ແຮງ​ງານ ແລະ ສະຫວັດດີ​ການ​ສັງຄົມ ນະຄອນຫຼວງ​ວຽງ​ຈັນ (​ຮສສ ນວ) ໄດ້​ຈັດ​ພິທີ​ມອບ​ເງິນ​ນະໂຍບາຍ​ຕໍ່​ຜູ້​ທີ່​ມີ​ຜົນງານ ແລະ ຄຸນງາມຄວາມດີ​ຕໍ່​ປະເທດ​ຊາດ​ຂຶ້ນ​ວັນ​ທີ 9 ຕຸລາ 2019 ທີ່​ພະ​ແນກ​ດັ່ງກ່າວ ເປັນ​ປະທານ​ຂອງ​ທ່ານ​ນາງ ລຳ​ພອຍ ສີ​ອັກ​ຄະ​ຈັນ ຫົວໜ້າ​ພະ​ແນກ ​ຮສສ ນວ ມີ​ທ່ານ ສຸ​ລິ​ວົງ ຫຼ້າ​ໜໍ່​ສະຫວັນ ຫົວໜ້າ​ພະ​ແນກ​ນະໂຍບາຍ​ຕໍ່​ຜູ້​ທີ່​ມີ​ຜົນງານ ກະຊວງ ​ຮສສ ທ່ານ​ຮອງ​ເຈົ້າເມືອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

   ເພື່ອ​ສືບຕໍ່​ຈັດ​ຕັ້ງ​ປະຕິບັດ​ນະໂຍບາຍ​ດ້ານ​ຕ່າງໆ ຕາມ​ດຳລັດ 272/​ລບ ຂອງ​ລັດຖະບານ ວ່າ​ດ້ວຍ​ການ​ປະຕິບັດ​ນະໂຍບາຍ​ຕໍ່​ຜູ້​ມີ​ຄຸນງາມຄວາມດີ ໃນ​ພາລະກິດ​ການ​ປະຕິວັດ​ຊາດ ປະຊາທິປະໄຕ ໂດຍ​ສະເພາະ ຕໍ່​ພະນັກງານ​ບຳນານ ພະນັກງານ​ນັກ​ປະຕິວັດ​ອາວຸໂສ​ທີ່​ໄດ້​ເຄື່ອນ​ໄຫວ​ປະຕິວັດ​ຢູ່​ຮາກ​ຖານ​ການເມືອງ​ຂອງ​ພັກ ເພື່ອ​ປົດ​ປ່ອຍປະ​ເທດ​ຊາດ ອອກ​ຈາກ​ແອກ​ຄອບ​ຄອງ​ຂອງ​ຈັກກະພັດ​ລ່າ​ເມືອງ​ຂຶ້ນ ຜູ້​ເສຍສະຫຼະ​ຊີວິດ​ເລືອດ​ເນື້ອ​ເຫື່ອແຮງ ສະຕິ ປັນຍາ ຂອງ​ຕົນ​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ພາລະກິດ​ລວມ​ຂອງ​ຊາດ​ໃນ​ໄລຍະ​ທີ່​ຜ່ານ​ມາ.

    ທ່ານ​ນາງ ລຳ​ພອຍ ສີ​ອັກ​ຄະ​ຈັນ ໄດ້​ກ່າວ​ວ່າ: ພະ​ແນກ ​ຮສສ ນວ ຮ່ວມ​ກັບ ກະຊວງ ​ຮສສ ໄດ້​ເປັນໃຈ​ກາງ​ປະສານ​ງານ​ໃນ​ການ​ນຳ​ສະເໜີ​ຕໍ່​ທາງ​ລັດຖະບານ​ຕໍ່​ການ​ປະຕິບັດ​ນະໂຍບາຍ​ການ​ຕອບ​ບຸນ​ແທນ​ຄຸນ​ຕໍ່​ພະນັກງານ​ປະຕິວັດ​ອາວຸໂສ ເຊິ່ງ​ການ​ມອບ​ເງິນ​ນະໂຍ ບາຍ​ຄັ້ງ​ນີ້​ເປັນ​ໂອກາດ​ໜຶ່ງ​ທີ່​ໄດ້​ຮັບ​ນະໂຍບາຍ​ຂອງ​ລັດ ກໍ​ຄື ການ​ປະຕິບັດ​ນະໂຍບາຍ​ຕໍ່​ຜູ້​ທີ່​ມີ​ຜົນງານ ໂດຍ​ສະເພາະ ເງິນ​ນະໂຍບາຍ​ອຸດ​ໝູນ​ທີ່​ມອບ​ຄັ້ງ​ນີ້ ເປັນ​ການ​ມອບ​ໃຫ້​ຜູ້​ທີ່​ເສຍສະຫຼະ​ຊີວິດ​ໃນ​ປາງ​ສົງຄາມ​ຮັບ​ໃຊ້​ການ​ສູ້​ຮົບ 105 ທ່ານ ເປັນ​ເງິນ 2.344.644.900 ກີບ ແຕ່​ຖ້າ​ທຽບ​ເງິນ​ນະໂຍບາຍ​ໃສ່​ຄຸນງາມຄວາມດີ ຄວາມ​ເອົາໃຈໃສ່ ຄວາມ​ບຸກ​ໜ້າ​ບືນ​ຕົວ ຄວາມ​ເສຍສະຫຼະ ຖື​ວ່າ​ຫາ​ສິ່ງ​ໃດ​ປຽບປານ​ບໍ່​ໄດ້ ແຕ່​ຍ້ອນ​ງົບປະມານ​ຂອງ​ພັກŒລັດຖະບານ​ມີ​ຈຳນວນ​ຈຳກັດ ເຊິ່ງ​ແນ່ນອນ​ຖ້າ​ທຽບໃສ່​ຄວາມ​ຕ້ອງການ ແລະ ຄຸນງາມຄວາມດີ​ກໍ​ຈະ​ບໍ່​ພຽງພໍ​ກັບ​ຄວາມ​ຮຽກຮ້ອງ​ຕ້ອງການ ເຖິງ​ແນວໃດ​ກໍ​ຕາມ ຮຽກຮ້ອງ​ມາ​ຍັງ​ບັນດາ​ຄອບຄົວ​ໃຫ້​ນຳ​ໃຊ້​ເງິນ​ຈຳນວນ​ນີ້​ເປັນ​ປະໂຫຍດ ແລະ ຖືກ​ຕາມ​ຈຸດປະສົງ.

ຂ່າວທີ່ກ່ຽວຂ້ອງ