ຊາວ​ພຸດ​ສະ​ນິກ​ກະ​ຊົນ​ຮ່ວມ​ໃສ່​ບາດ​ບຸນ​ອອກ​ພັນ​ສາ​ປະ​ວໍລະນາ

563 15 ຕ.ລ. 2019 ຂ່າວໜ້າ​ໜຶ່ງ
ຊາວ​ພຸດ​ສະ​ນິກ​ກະ​ຊົນ​ຮ່ວມ​ໃສ່​ບາດ​ບຸນ​ອອກ​ພັນ​ສາ​ປະ​ວໍລະນາ

     ງານ​ບຸນ​ອອກ​ພັນ​ສາ​ປະ​ວໍລະນາ ແລະ ບຸນຊ່ວງເຮືອ​ປະເພນີ ທ່າ​ວັດ​ຈັນ ເປັນ​ບຸນ​ປະເພນີ​ທີ່ ຊາວ​ພຸດ​ທະ​ສາສະໜາ​ໄດ້​ຮ່ວມ​ກັນ​ສືບ​ທອດ​ປະຕິບັດ​ກັນ​ມາ​ແຕ່​ດົນ​ນານ ເຊິ່ງ​ປີ​ນີ້​ຈັດ​ຂຶ້ນ​ວັນ​ທີ 13 ຕຸລາ 2019 ກົງ​ກັບ​ມື້​ຂຶ້ນ 15 ຄ່ຳ ເດືອນ 11 (ເດືອນ​ລາວ) ​ພສ 2562.

    ວັນ​ທີ 13 ຕຸລາ ຢູ່​ຕາມ​ວັດຕ່າງໆ​ໃນ​ທົ່ວ​ນະຄອນຫຼວງ​ວຽງ ຈັນ ກໍ​ຄື ໃນ​ທົ່ວ​ປະເທດ ຊາວ​ລາວ​ໄດ້​ອອກ​ມາ​ທຳບຸນ​ໃສ່​ບາດ​ຖວາຍ​ທານ ໂດຍ​ສະເພາະ ທີ່​ວັດ​ສີສະ​ເກດ ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ

      ດ້ວຍ​ການ​ນຳ​ນະຄອນຫຼວງ​ວຽງ ຈັນ ແລະ ຊາວ​ພຸດ​ທະ​ສາ​ສະ​ນິກ ກະ​ຊົນ​ທົ່ວ​ນະຄອນຫຼວງ​ວຽງ​ຈັນ ໄດ້​ຮ່ວມ​ກັນ​ໃສ່​ບາດ​ຖວາຍ​ທານ ເພື່ອ​ເປັນ​ການ​ຮັກສາ​ວັດທະນະທຳ ຮີດຄອງ​ປະເພນີ​ອັນ​ດີງາມ​ທີ່​ເຄີຍ​ປະຕິບັດ​ກັນ​ມາ​ແຕ່​ດົນ​ນານ ທັງ​ເປັນ​ການ​ປູກ​ຈິດ​ສຳນຶກ ແລະ ສົ່ງເສີມ​ການທ່ອງທ່ຽວ​ພາຍ​ໃນ ແລະ ຕ່າງປະເທດ ແນໃສ່​ດຶງ​ດູດ​ນັກ​ທ່ອງ​ທ່ຽວ​ໃຫ້​ເຂົ້າ​ມາ​ທ່ອງ​ທ່ຽວ ​ສປປ ລາວ​ໃຫ້​ນັບ​ມື້​ຫຼາຍ​ຂຶ້ນ ໂດຍ​ສະເພາະ ປີ​ນີ້​ເປັນ​ປີ​ທ່ອງທ່ຽວ ລາວ-ຈີນ.

     ຕອນ​ຄ່ຳ​ວັນ​ດຽວ​ກັນ ທີ່​ແຄມຂອງມວນ​ຊົນ​ທົ່ວ​ນະຄອນຫຼວງວຽງ​ຈັນ ກໍ​ຄື ທົ່ວ​ປະເທດ ໄດ້​ພ້ອມ ກັນ​ໄຫຼເຮືອໄຟ ເພື່ອ​ບູຊາ​ແມ່ນ້ຳ ຄົງ​ຄາ ແລະ ທີ່​ວັດ​ຕ່າງໆ​ກໍ​ໄດ້​ມີກິດຈະກຳ​ວຽນທຽນ ໂດຍ​ສະເພາະ​ທີ່​ວັດ​ອົງ​ຕື້ ມະຫາ​ວິຫານ

ກໍ​ໄດ້​ມີ​ກິດຈະກຳ​ວາງສະແດງ​ຮູບ​ພາບ​ວັດ​ລາວ ສິລະ​ປະ​ພື້ນເມືອງ ກິດຈະກຳ​ວຽນທຽນ ຈູດ​ພຸ ແລະ ໄຕ້​ໂຄມໄຟ ຈຳນວນ 2562 ດວງ.

ຂ່າວທີ່ກ່ຽວຂ້ອງ