ພະລັງ​ໄວ​ໜຸ່ມ​ຍິງ ພະລັງ​ທີ່​ກ້າວ​ໄປ​ຂ້າງ​ໜ້າ​ຢ່າງ​ບໍ່​ຢຸດ​ຢັ້ງ

526 15 ຕ.ລ. 2019 ຂ່າວໜ້າ​ໜຶ່ງ
ພະລັງ​ໄວ​ໜຸ່ມ​ຍິງ ພະລັງ​ທີ່​ກ້າວ​ໄປ​ຂ້າງ​ໜ້າ​ຢ່າງ​ບໍ່​ຢຸດ​ຢັ້ງ

    ກະຊວງ​ສາທາລະນະ​ສຸກ ແລະ ອົງການ​ສະຫະ​ປະຊາ​ຊາດ ກອງ​ທຶນ​ປະຊາກອນ​ຮ່ວມ​ກັບ​ຄູ່​ຮ່ວມ​ພັດທະນາ ຈັດ​ພິທີ​ສະເຫຼີມສະຫຼອງ​ວັນ​ເດັກ​ຍິງ​ສາກົນ ພາຍ​ໃຕ້​ຫົວຂໍ້ "ພະລັງ​ໄວ​ໜຸ່ມ​ຍິງ: ພະລັງ​ທີ່​ກ້າວ​ໄປ​ຂ້າງ​ໜ້າ​ຢ່າງ​ບໍ່​ຢຸດ​ຢັ້ງ" ຂຶ້ນ​ວັນ​ທີ 11 ຕຸລາ 2019 ທີ່​ສູນ​ການ​ຮ່ວມ​ມື ແລະ ເຝິກອົບຮົມ​ສາກົນ (ICTC)  ມີ​ທ່ານ ບຸນ​ກອງ ສີ​ຫາ​ວົງ ລັດຖະມົນຕີ​ກະຊວງ​ສາທາລະນະ​ສຸກ ທ່ານ​ນາງ ມາ​ຣ່ຽນ ຄານ ຜູ້​ປະສານ​ງານ​ອົງການ​ສະຫະ​ປະຊາ​ຊາດ ທັງ​ເປັນ​ຜູ້ຕາງໜ້າ​ອົງການ​ສະຫະ​ປະຊາ​ຊາດ ກອງ​ທຶນ​ປະຊາກອນ​ປະຈຳ​ລາວ ຜູ້ຕາງໜ້າ​ຈາກ​ສະຖານທູດ ອົງ​ການຈັດຕັ້ງ​ສາກົນ ຄູ່​ຮ່ວມ​ພັດທະນາ ແລະ ບັນດາ​ກະຊວງ​ກ່ຽວຂ້ອງ​ເຂົ້າ​ຮ່ວມ.

    ທ່ານ ບຸນ​ກອງ ສີ​ຫາ​ວົງ ກ່າວ​ວ່າ: ການ​ສະເຫຼີມສະຫຼອງ​ຄັ້ງ​ນີ້​ເປັນ​ການ​ສະຫຼອງ​ນາງ​ນ້ອຍ ຄົບຮອບ 13 ປີ ເຊິ່ງ​ປີ​ນີ້​ເປັນ​ປີ​ສຳຄັນ​ທີ່​ນາງ​ນ້ອຍ ໄດ້​ກາຍເປັນ​ຍິງ​ໜຸ່ມ​ຢ່າງ​ເຕັມຕົວ ລາວ​ຈະ​ມີ​ການ​ປ່ຽນແປງ​ບາງ​ຢ່າງ ເຊັ່ນ: ການ​ປ່ຽນແປງ​ທາງ​ຮ່າງກາຍ ຄວາມ​ຮູ້ສຶກ ແລະ ການ​ດຳລົງ​ຊີວິດ​ໃນ​ສັງຄົມ ການ​ສະເຫຼີມສະຫຼອງ​ນີ້​ແມ່ນ​ສະເພາະ​ເຈາະ​ຈົງ​ໃສ່​ເດັກ​ຍິງ ເນື່ອງ​ຈາ​ກວ່າ​ຜູ້ຍິງ​ໃນ​ຊຸມ​ຊົນ​ມີ​ຄວາມ​ດ້ອຍ​ໂອກາດ​ຫຼາຍ​ກວ່າ​ຜູ້​ຊາຍ ການ​ສະໜັບສະໜູນ​ຂອງ​ພວກ​ເຮົາ​ລວມ​ທັງ​ເດັກ​ຊາຍ​ຜູ້​ທີ່​ເປັນ​ພິການ ແລະ ກຸ່ມ​ອື່ນໆ​ທີ່​ມີ​ຄວາມ​ສ່ຽງ.

   ກະຊວງ​ສາທາລະນະ​ສຸກ​ຮ່ວມ​ກັບ​ຂະແໜງ​ທີ່​ກ່ຽວຂ້ອງ​ໄດ້​ປັບປຸງ​ບັນດາ​ຜົນສຳເລັດ​ໃນ​ການ​ກ້າວ​ໄປ​ສູ່​ເປົ້າ​ໝາຍ​ການ​ພັດທະນາ​ກ່ຽວ​ກັບ​ການ​ລຶບລ້າງ​ຄວາມ​ອຶດຫິວ ລວມ​ທັງ​ຄຸນ​ນະ​ພາບ​ການ​ສຶກ​ສາ ຄວາມ​ສະ  ເໝີ​ພາບ​ຍິງ?ຊາຍ ການ​ສ້າງ​ຄວາມ​ເຂັ້ມແຂງ​ໃຫ້​ແມ່ຍິງ ແລະ ເດັກ​ຍິງ ການ​ເຮັດ​ວຽກ​ທີ່​ມີ​ກຽດ ການ​ເຕີບ​ໂຕ​ທາງ​ເສດຖະກິດ ນອກ​ນີ້ ກະຊວງ​ແຜນການ ແລະ ການ​ລົງທຶນ​ໄດ້​ປັບປຸງ​ຄວາມ​ຄືບ​ໜ້າ​ຂອງ​ແຜນການ​ພັດທະນາ 5 ປີ​ໃນຕໍ່ໜ້າ.

ຂ່າວທີ່ກ່ຽວຂ້ອງ