ຂ່າວຫຼ້າສຸດ

ລະ​ເບີດ​ຕົກ​ຄ້າງ​ຈາກ​ສົງຄາມ​ໂລກ​ຄັ້ງ​ທີ​ສອງ ​ເກີດ​ແຕກ​ຢູ່​ໃນ​ໂປ​ໂລ​ຍ

1.619 10 ຕ.ລ. 2019 ຂ່າວຕ່າງປະເທດ
ລະ​ເບີດ​ຕົກ​ຄ້າງ​ຈາກ​ສົງຄາມ​ໂລກ​ຄັ້ງ​ທີ​ສອງ ​ເກີດ​ແຕກ​ຢູ່​ໃນ​ໂປ​ໂລ​ຍ

    ທ່ານ ມາ​ຣີ​ອຸ​​ສ ບລາ​ຊັກ ລັດຖະມົນຕີ​ປ້ອງ​ກັນ​ປະເທດ​ໂປ​ໂລຍ ແຈ້ງ​ໃຫ້​ຮູ້​ວ່າ ລະເບີດ​ໜ່ວຍ​ໜຶ່ງ ທີ່​ຖື​ວ່າ​ຕົກ​ຄ້າງ​ມາ​ຕັ້ງແຕ່​ສະໄໝ​ສົງຄາມ​ໂລກ​ຄັ້ງ​ທີ​ສອງ ໄດ້​ເກີດ​ແຕກ​ຂຶ້ນ​ຢ່າງ​ບໍ່​ຄາດ​ຝັນ​ເມື່ອ​ວັນ​ທີ 8 ຕຸລາ​ນີ້ ຊຶ່ງ​ເກີດ​ຂຶ້ນ​ໃນ​ຂະນະ​ທີ່​ກອງທັບ​ໂປ​ໂລຍ ຊອກ​ຫາ​ວິທີ​ທຳລາຍ​ມັນ ສົ່ງ​ຜົນ​ໃຫ້​ທະຫານ​ເສຍ​ຊີວິດ 2 ຄົນ ແລະ ບາດເຈັບ​ອີກ 4 ຄົນ.

    ແຫຼ່ງ​ຂ່າວ​ດ້ານ​ຄວາມ​ໝັ້ນຄົງ ໃຫ້​ຮູ້​ວ່າ ເຫດການ​ລະເບີດ​ແຕກ​ດັ່ງກ່າວ ເກີດ​ຂຶ້ນ​ຢູ່​ໃນ​ບໍລິເວນ​ປ່າໄມ້​ແຫ່ງ​ໜຶ່ງ ໃກ້​ກັບ​ເມືອງ ຄຸ​​ສ​ເນຍ ຣາ​ຊີບ​​ົສ​ກາ (ພາກ​ໃຕ້​ໂປ​ໂລຍ). ບັນດາ​ພົນທະຫານ​ທີ່​ເສຍ​ຊີວິດ ແລະ ບາດເຈັບ​ດັ່ງກ່າວ ແມ່ນ​ຂຶ້ນ​ກັບ​ກອງພັນ​ທະຫານ​ໂດດ​ຈ້ອງ ທີ່​ຕັ້ງ​ທັບ​ຢູ່​ໃນ​ເຂດ​ດັ່ງກ່າວ. ລະເບີດ​ດັ່ງກ່າວ ຖືກ​ກວດ​ພົບ​ເມື່ອ​ກ່ອນ​ໜ້າ​ນີ້​ຫຼາຍ​ວັນ ໂດຍ​ກຸ່ມ​ຄົນ​ທີ່​ຍ່າງ​ໃນ​ປ່າ.

ຂ່າວທີ່ກ່ຽວຂ້ອງ