ຂ່າວຫຼ້າສຸດ

ກຳ​ເຈຍ ພິມ​ເງິນ​ເຈ້ຍ ລະນຶກ​ການ​ຂຶ້ນ​ຄອງ​ລາດ​ຄົບຮອບ 15 ປີ​ຂອງ​ກະສັດ ສີ​ຫາ​ໂມ​ນີ

1.208 10 ຕ.ລ. 2019 ຂ່າວຕ່າງປະເທດ
ກຳ​ເຈຍ ພິມ​ເງິນ​ເຈ້ຍ ລະນຶກ​ການ​ຂຶ້ນ​ຄອງ​ລາດ​ຄົບຮອບ 15 ປີ​ຂອງ​ກະສັດ ສີ​ຫາ​ໂມ​ນີ

     ເມື່ອ​ວັນ​ທີ 7 ຕຸລາ​ນີ້ ທະນາຄານ​ແຫ່ງ​ລັດ​ກຳປູເຈຍ ໄດ້​ຈັດ​ຈຳໜ່າຍ​ເງິນ​ເຈ້ຍ​ປະເພດ​ທີ່​ມີຄ່າ​ໃບ​ລະ 15.000 ຣຽນ ( ເທົ່າ​ກັບ 3,75 ໂດ​ລາ​ສະຫະລັດ) ເນື່ອງ​ໃນ​ວັນ​ທີ່​ກະສັດ ໂນ​ໂຣ​ດົມ ສີ​ຫາ​ໂມ​ນີ ຂຶ້ນ​ຄອງ​ລາດ​ຄົບຮອບ 15 ປີ (29/10/2004-29/10/2019). ນາຍົກລັດຖະມົນຕີ​ກຳປູເຈຍ ຮຸນ​ແຊນ ໄດ້​ລົງ​ນາມ​ດຳລັດ​ກ່ຽວ​ກັບ​ການ​ຈັດ​ຈຳໜ່າຍ​ເງິນ​ດັ່ງກ່າວ.

    ທ່ານ ເຈຍ ຈັນ​ໂຕ ຜູ້​ວ່າການ​ທະນາຄານ​ແຫ່ງ​ລັດ​ກຳປູເຈຍ ໃຫ້​ຮູ້​ວ່າ ດ້ານ​ໜ້າ​ຂອງ​ເງິນ​ເຈ້ຍ​ໃໝ່​ດັ່ງກ່າວ ພິມ​ຮູບ​ຂອງ​ກະສັດ ສີ​ຫາ​ໂມ​ນີ ແລະ ດ້ານ​ຫຼັງ​ພິມ​ຮູບ​ຂອງ​ກະສັດ​ສີ​ຫາ​ໂມ​ນີ ທີ່​ຖ່າຍ​ຮ່ວມ​ກັບ​ອະດີດ​ກະສັດ ໂນ​ໂຣ​ດົມ ສີ​ຫາ​ນຸ ແລະ ອະດີດ​ພະ​ລາ​ຊີ​ນີ ໂນ​ໂຣ​ດົມ ໂມ​ນີ​ນຽດ ສີ​ຫາ​ນຸ.

    ຮູບ​ຂອງ​ກະສັດ​ສີ​ຫາ​ໂມ​ນີ ກໍ​ໄດ້​ຖືກ​ພິມ​ລົງ​ໃນ​ເງິນ​ເຈ້ຍ​ຂອງ​ກຳປູເຈຍ ທີ່​ມີຄ່າ​ໃບ​ລະ 500 ຣຽນ 10.000 ຣຽນ 20.000 ຣຽນ ແລະ  100.000 ຣຽນ ທີ່​ພວມ​ໃຊ້​ຢູ່​ໃນ​ກຳປູເຈຍ. ກະສັດ ໂນ​ໂຣ​ດົມ ສີ​ຫາ​ໂມ​ນີ (ອາຍຸ 66 ປີ) ຂຶ້ນ​ຄອງ​ລາດ​ຊະ​ບັນລັງ ເມື່ອ​ວັນ​ທີ 29 ຕຸລາ ປີ 2004 ແທນ​ພະ​ບີ​​ິ​ດາ ທີ່​ໄດ້​ສະລະ​ບັນລັງ​ຍ້ອນ​ເຫດຜົນ​ທາງ​ດ້ານ​ສຸຂະພາບ.

ຂ່າວທີ່ກ່ຽວຂ້ອງ