ຂ່າວຫຼ້າສຸດ

ສ ​ເກົາຫຼີ ສ້າງສາ​​ຍ​ທາງ​ຕິດ​ຕໍ່​ດ່ວນ​ດ້ານ​ການບິນ​ທະຫານ​ກັບ​ຣັດ​ເຊຍ ​ແລະ ​ຈີນ

1.204 10 ຕ.ລ. 2019 ຂ່າວຕ່າງປະເທດ
ສ ​ເກົາຫຼີ ສ້າງສາ​​ຍ​ທາງ​ຕິດ​ຕໍ່​ດ່ວນ​ດ້ານ​ການບິນ​ທະຫານ​ກັບ​ຣັດ​ເຊຍ ​ແລະ ​ຈີນ

    ສະພາ​ເສນາ​ທິ​ການ​ຮ່ວມ​ຂອງ​ກອງທັບ ສ ເກົາຫຼີ (JCS) ແຈ້ງ​ໃຫ້​ຮູ້ເມື່ອ​ວັນ​ທີ 8 ຕຸລາ​ນີ້​ວ່າ ກອງ​ກຳລັງ​ທະຫານ​ອາກາດ​ຂອງ ສ ເກົາຫຼີ ແລະ ຣັດ​ເຊຍ ໄດ້​ຊຸກຍູ້​ການ​ສ້າງ​ສາຍ​ທາງ​ຕິດຕໍ່​ດ່ວນ ໃນ​ການ​ແລກປ່ຽນ​ຂໍ້​ມູນ​ຂ່າວສານ​ລະຫວ່າງ​ສອງ​ຝ່າຍ.

    JCS ລາຍ​ງານ​ຢູ່​ໃນ​ກຳມາ​ທິ​ການ​ປ້ອງ​ກັນ​ຊາດ ຂອງ​ສະພາ​ແຫ່ງ​ຊາດ ສ ເກົາຫຼີ ໃນ​ວັນ​ດຽວ​ກັນ ໂດຍ​ໃຫ້​ຮູ້​ວ່າ ພວມ​ພະຍາຍາມ​ປະຕິບັດ​ແຜນການ​ການ​ທູດ​ດ້ານ​ການ​ທະຫານ ເພື່ອ​ຫຼີກເວັ້ນ​ການ​ທີ່​ເຮືອບິນ​ຂອງ​ບັນດາ​ປະເທດ​ໃກ້​ອ້ອມ​ຂ້າງ ລະເມີດ​ເຂດ​ສັນ​ລະ​ສູດ​ດ້ານ​ປ້ອງ​ກັນ​ອາກາດ​ຂອງ ສ ເກົາຫຼີ (ADIZ).

    ຄວາມ​ພະຍາຍາມ​ໃນ​ການ​ສ້າງ​ສາຍ​ທາງ​ຕິດຕໍ່​ດ່ວນ ລະຫວ່າງ​ກອງ​ກຳລັງ​ທະຫານ​ອາກາດ​ຂອງ ສ ເກົາຫຼີ ກັບ​ຣັດ​ເຊຍ ໄດ້​ເລີ່ມ​ຂຶ້ນ​ຕັ້ງ​ແຕ່ປີ 2004 ແລະ ມາ​ໃນ​ເດືອນ​ພະຈິກ ປີ 2018 ສອງ​ຝ່າຍ​ກໍ​ໄດ້​ສິ້ນ​ສຸດ​ຂະ​ບວນ​ການ​ທາບ​ທາມ ເພື່ອ​ກ້າວ​ໄປ​ສູ່​ການ​ລົງ​ນາມ​ບົດ​ບັນທຶກ​ຊ່ວຍ​ຈຳ (MoU) ກ່ຽວ​ກັບ​ເລື່ອງ​ນີ້ ແລະ ຄາດ​ວ່າ​ຈະ​ຈັດ​ກອງ​ປະຊຸມ ຄະນະ​ກຳມະການ​ຮ່ວມ​ດ້ານ​ການ​ທະຫານ ພາຍ​ໃນ​ວັນ​ທີ 22 ຕຸລາ​ນີ້.

    ນອກຈາກ​ນັ້ນແລ້ວ JCS ໃຫ້​ຮູ້​ວ່າ ສ ເກົາຫຼີ ກໍ​ພວມ​ຊຸກຍູ້​ທິດ​ທາງ​ການ​ສ້າງ​ສາຍ​ທາງ​ຕິດຕໍ່​ດ່ວນ ລະຫວ່າງ​ກອງ​ກຳລັງ​ທະຫານ​ອາກາດ​ຂອງ ສ ເກົາຫຼີ ກັບ​ຈີນ ນຳ​ອີກ.

ຂ່າວທີ່ກ່ຽວຂ້ອງ