ຂ່າວຫຼ້າສຸດ

ເອເຊຍ ລົງທຶນພັດທະນາ ມອບລົດໃຫ້ຫ້ອງການ ຄບຕ

616 10 ຕ.ລ. 2019 ຂ່າວໜ້າ​ໜຶ່ງ
ເອເຊຍ ລົງທຶນພັດທະນາ ມອບລົດໃຫ້ຫ້ອງການ ຄບຕ

    ພິ­ທີ​ມອບ​ລົດ​ໃຫ້​ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ຕົວ​ເມືອງ​ວຽງ​ຈັນ (ຄບຕ) ຈັດ​ຂຶ້ນ​ວັນ​ທີ 8 ຕຸ­ລາ 2019 ທີ່​ຫ້ອງ­ການ ຄວ​ຕ ກ່າວ​ມອບ​ໂດຍ​ທ່ານ ພຶດ­ສະ­ພາ ພູມ​ມະ​ສັກ ປະ­ທານ​ບໍ­ລິ­ສັດ​ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ​ຈຳ­ກັດ​ຜູ້​ດຽວ ແລະ ຮັບ​ໂດຍ​ທ່ານ ບຸນ​ຈັນ ແກ້ວ​ສີ​ທຳ​ມະ ຫົວ­ໜ້າ​ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ຕົວ​ເມືອງ​ວຽງ​ຈັນ ມີ​ພະ­ນັກ­ງານ​ກ່ຽວ­ຂ້ອງ​ທັງ​ສອງ​ຝ່າຍ ເຂົ້າ​ຮ່ວມ.

    ລົດ​ທີ່​ນຳ​ມາ​ມອບ​ຄັ້ງ​ນີ້​ເປັນ​ລົດ​ກະ­ບະ​ນິດ​ສັນ 1 ຄັນ ມູນ​ຄ່າ 35.000 ໂດ​ລາ​ສະ­ຫະ­ລັດ ຫຼື ປະ­ມານ 308 ລ້ານ​ກີບ ໂດຍ​ໄດ້​ຮັບ​ການ​ຊ່ວຍ­ເຫຼືອ​ລ້າ​ຈາກ​ບໍ­ລິ­ສັດ​ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ​ຈຳ­ກັດ​ຜູ້​ດຽວ ແລະ ໃນ​ໄລ­ຍະ​ຜ່ານ​ມາ​ບໍ­ລິ­ສັດ​ດັ່ງ­ກ່າວ​ກໍ​ໄດ້​ໃຫ້­ການ​ຊ່ວຍ­ເຫຼືອ​ຫຼາຍ​ດ້ານ ທັງ​ນີ້ ກໍ​ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ຈັດ​ສັນ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ ແລະ ຄວາມ​ບໍ່​ສະ­ອາດ​ໃນ​ຕົວ​ເມືອງ ເພາະ­ວ່າ​ຜ່ານ​ມາ​ຫ້ອງ­ການ ຄບຕ ບໍ່​ມີ​ພາ­ຫະ­ນະ​ຮັບ​ໃຊ້​ພຽງ­ພໍ​ໃນ​ການ​ປະ­ຕິ­ບັດ​ໜ້າ­ທີ່​ວຽກ​ງານ ແລະ ເຮັດ​ໃຫ້​ພົບ​ຄວາມ​ຄວາມ​ຫຍຸ້ງ­ຍາກ​ຫຼາຍ​ດ້ານ.

    ໂອ­ກາດ​ນີ້ ທ່ານ ບຸນ​ຈັນ ແກ້ວ​ສີ​ທຳ​ມະ ໄດ້​ສະ­ແດງ​ຄວາມ​ຂອບ­ໃຈ​ມາ​ຍັງ​ປະ­ທານ​ບໍ­ລິ­ສັດ​ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ​ຈຳ­ກັດ​ຜູ້​ດຽວ ທີ່​ເຫັນ​ຄວາມ​ສຳ­ຄັນ​ໃນ​ວຽກ​ງານ​ຈັດ​ສັນ​ຄວາມ​ບໍ່​ເປັນ​ລະ­ບຽບ ຮຽບ​ຮ້ອຍ ແລະ ຄວາມ​ບໍ່​ສະ­ອາດ​ໃນ​ຕົວ​ເມືອງ ພ້ອມ​ຢືນ­ຢັນ​ຈະ​ນຳ​ເອົາ​ລົດ​ຄັນ​ດັ່ງ­ກ່າວ​ນຳ​ໃຊ້​ເຂົ້າ​ໃນ​ວຽກ​ງານ​ໃຫ້​ເກີດ​ປະ­ໂຫຍດ​ສູງ​ສຸດ.

ຂ່າວທີ່ກ່ຽວຂ້ອງ