ເຢຍລະມັນ ຊ່ວຍເຫຼືອພາຫະນະໃຫ້ອົງການກາແດງລາວ

626 09 ຕ.ລ. 2019 ຂ່າວໜ້າ​ໜຶ່ງ
ເຢຍລະມັນ ຊ່ວຍເຫຼືອພາຫະນະໃຫ້ອົງການກາແດງລາວ

    ພິ­ທີ​ມອບ-ຮັບ​ລົດ​ຕູ້ 2 ຄັນ ທີ່​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ອົງ­ການ​ກາ­ແດງ​ເຢຍ​ລະ​ມັນ​ໃຫ້​ສູນ​ເລືອດ ແຂວງ​ບໍ​ລິ​ຄຳ​ໄຊ ແລະ ແຂວງ​ວຽງ​ຈັນ ຈັດ​ຂຶ້ນ​ວັນ​ທີ 4 ຕຸ­ລາ 2019 ທີ່​ສູນ​ເລືອດ​ແຫ່ງ​ຊາດ ອົງ­ການ​ກາ­ແດງ​ລາວ ກ່າວ​ມອບ​ໂດຍ​ທ່ານ ຕີມ ເບຣ ຜູ້­ຕາງ­ໜ້າ​ອົງ­ການ​ກາ­ແດງ​ເຢຍ​ລະ​ມັນ​ແລະ ກ່າວ​ຮັບ​ໂດຍ​ທ່ານ ຄຳ​ຮຸ່ງ ເຮືອງ​ວົງ​ສີ ປະ­ທານ​ອົງ­ການ​ກາ­ແດງ​ລາວ ມີ​ພາກ­ສ່ວນ​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

    ທ່ານ ຕີມ​ເບຣ ກ່າວ​ວ່າ: ຕະ ຫຼອດ​ໄລ­ຍະ 10 ປີ­ຜ່ານ­ມາ ອົງ­ການ​ກາ­ແດງ​ເຢຍ​ລະ​ມັນ​ໃຫ ການ​ຊ່ວຍ­ເຫຼືອ​ສູນ​ເລືອດ​ແຫ່ງ​ຊາດ ໂດຍ​ການ​ມອບ​ລົດ​ຕູ້ 11 ຄັນ ແລະ ລົດ­ຈັກ 36 ຄັນ ແຕ່​ຍັງ​ບໍ່​ພຽງ­ພໍ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ວຽກ​ງານ ເພື່ອ​ສືບ­ຕໍ່​ຊຸກ­ຍູ້​ເຮັດ​ໃຫ້​ວຽກ​ງານ​ປຸກ ລະ­ດົມ​ຂົນ­ຂວາຍ​ບໍ­ລິ­ຈາກ​ເລືອດ​ມີ​ຄວາມ​ເຂັ້ມ­ແຂງ ອົງ­ການ​ກາ ແດງ​ເຢຍ​ລະ​ມັນ​ຈຶ່ງ​ມອບ​ລົດ​ຕູ້​ອີກ 2 ຄັນ ໃຫ້​ກັບ​ສູນ​ເລືອດ​ແຂວງ​ບໍ​ລິ​ຄຳ​ໄຊ ແລະ ແຂວງ​ວຽງ​ຈັນ ມູນ​ຄ່າ 51.000 ເອີ​ໂຣ ຫຼື ປະ­ມານ 491 ລ້ານ​ກີບ ນອກ ຈາກ​ນີ້ ຍັງ​ໃຫ້­ການ​ສະ­ໜັບ​ສະ ໜູນ​ທາງ​ດ້ານ​ວິ­ຊາ​ການ ແລະ ວຽກ​ງານ​ອື່ນໆ​ຕື່ມ​ອີກ.

    ທ່ານ ຄຳ​ຮຸ່ງ ເຮືອງ​ວົງ​ສີ ໄດ້​ກ່າວ​ສະ­ແດງ​ຄວາມ​ຂອບ­ໃຈ​ນຳ ອົງ­ການ​ກາ­ແດງ​ເຢຍ​ລະ​ມັນ​ທີ່ ໃຫ້­ການ​ຊຸກ­ຍູ້​ສົ່ງ­ເສີມ​ວຽກ​ງານ​ສູນ​ເລືອດ ລວມ​ທັງ​ອົງ­ການ​ກາ ແດງ​ລາວ​ຕະ­ຫຼອດ​ມາ ເຊິ່ງ​ລົດ​ຈຳ­ນວນ​ສອງ​ຄັນ​ນີ້​ຈະ​ໄດ້​ມອບ​ຕໍ່ ໃຫ້​ສູນ​ເລືອດ​ສອງ​ແຂວງ ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ຂອງ​ໜ່ວຍ​ຮັບ​ບໍ­ລິ­ຈາກ​ເລືອດ​ພາຍ​ໃນ​ແຂວງ​ຂອງ​ຕົນ​ໃຫ້​ມີ​ປະ​ສິດ­ທິ ພາບ​ດີ​ຂຶ້ນ ຈະ​ນຳ​ໃຊ້​ໃຫ້​ເກີດ​ປະ ໂຫຍດ​ສູງ​ສຸດ ແລະ ຫວັງ​ວ່າ​ອົງ ການ​ກາ­ແດງ​ເຢຍ​ລະ​ມັນ​ຄົງ​ຈະ ສືບ­ຕໍ່​ໃຫ້­ການ​ຊຸກ­ຍູ້​ສົ່ງ­ເສີມ​ວຽກ ງານ​ຂອງ​ສູນ​ເລືອດ ກໍ​ຄື ອົງ ການ​ກາ­ແດງ​ລາວ​ຕໍ່​ໄປ.

ຂ່າວທີ່ກ່ຽວຂ້ອງ