ການຄົບງັນບຸນຊ່ວງເຮືອ

7.645 09 ຕ.ລ. 2019 ນານາສາລະ

    ອາ­ທິດ​ຊິ​ມາ​ນີ້ ກໍ​ແມ່ນ​ບຸນ​ອອກ​ພັນ​ສາ ເຊິ່ງ​ປີ​ນີ້ ກົງ​ກັບ​ວັນ​ທີ 13 ຕຸ­ລາ 2019 ເປັນ​ມື້​ຂຶ້ນ 15 ຄ່ຳ ເດືອນ 11 ຕໍ່​ມາ​ມື້­ໜຶ່ງ ຄື ວັນ​ທີ 14 ຕຸ­ລາ 2019 ກໍ​ແມ່ນ ບຸນ­ຊ່ວງ­ເຮືອ​ທ່າ​ວັດ​ຈັນ ຢູ່​ນະ­ຄອນ­ຫຼວງ​ພວກ​ເຮົາ ຢູ່​ວຽງ​ຈັນ ຄັນ​ແມ່ນ​ບຸນ­ຊ່ວງ­ເຮືອ​ລະ​ແມ່ນ​ມີ​ການ​ຄົບ­ງັນ ແລະ ຂາຍ​ສິນ­ຄ້າ​ເປັນ​ຫຼາຍ​ວັນ ແນ່­ນອນ ມັນ​ຈະ​ມີ​ຫຼາຍ​ບັນ­ຫາ​ເກີດ​ຂຶ້ນ ທັງ​ອັນ​ດີ ແລະ ອັນ ອ່ອນ ປະ­ຕິ­ເສດ​ບໍ່​ໄດ້... ແນວ​ວ່າ ເຮັດ­ບຸນ​ນໍ?

    ແຕ່​ສິ່ງ​ຢາກ​ແລກ­ປ່ຽນ​ລະ​ແມ່ນ​ເລື່ອງ​ການ​ຄົບ­ງັນ ມີ​ຫຼາຍ​ຄົນ​ເວົ້າ​ວ່າ: ຢາກ​ໃຫ້​ມີ​ເວ­ທີ​ສະ­ແດງ​ສິ ລະ​ປະ­ຄື​ທຸກ​ປີ ມີ​ການ​ສາຍ­ຮູບ­ເງົາ ມູນ­ເຊື້ອ​ປະ­ຕິ­ວັດ ແລະ​ອື່ນໆ ທີ່​ຄົນ​ທົ່ວ​ໄປ​ສາ­ມາດ ເບິ່ງ-ຊົມ ໂດຍ​ບໍ່ ເສຍ​ຄ່າ...

    ອັນ​ສຳ­ຄັນ​ກວ່າ​ນີ້ ແມ່ນ​ຢາກ​ໃຫ້​ຫຼຸດ​ຮ້ານ​ຂາຍ­ເຄື່ອງ​ລົງ ເປັນ­ຕົ້ນ ແມ່ນ​ພວກ​ຂາຍ­ເຄື່ອງ​ປະ­ເພດ ເສື້ອ​ຜ້າ-ອາ­ພອນ​ຕ່າງໆ ແບບ​ຍົກ​ຕະ­ຫຼາດ​ມາ... ປະ​ໃຫ້​ມີ​ເດີ່ນ​ໃຫ້​ຄົນ​ໄດ້​ຍ່າງ... ໄດ້​ນັ່ງ​ພັກ­ຜ່ອນ​ຕາມ ອັດ​ທະ​ຍາ​ໃສ ໄປ​ຄຽງ​ຄູ່​ກັນ​ນັ້ນ ຄະ­ນະ​ກຳ­ມະ­ການ ຈັດ​ງານ​ບຸນ​ຄວນ​ຄິດ​ເຖິງ​ບ່ອນ​ເຂົ້າ-ບ່ອນ​ອອກ​ຂອງ​ຄົນ​ຜູ້​ມາ​ຮ່ວມ​ບຸນ​ນໍ?... ໃນ​ເດີ່ນ​ປະ​ຫວ່າງ ກວ້າງ​ນັ້ນ ຄວນ​ມີ​ນ້ຳ​ດື່ມ ເປັນ­ຕົ້ນ ນ້ຳ​ຕົ້ມ​ຢາ­ພື້ນ­ເມືອງ​ໃຫ້​ຄົນ​ກິນ­ລ້າ ໂດຍ​ສົມ­ທົບ​ກັບ​ພາກ­ສ່ວນ ກ່ຽວ­ຂ້ອງ​ໃຫ້​ເພິ່ນ​ຊ່ວຍ­ເຫຼືອ... ຄັນ​ແມ່ນ​ມີ​ວັດ​ຕັ້ງ ຢູ່​ໃກ້​ກໍ​ແຮ່ງ​ດີ ເຊັ່ນ: ຢູ່​ວຽງ​ຈັນ ນິ­ມົນ​ຄູ­ບາ ອາ­ຈານ ເພິ່ນ​ຕົ້ມ​ນ້ຳ​ໃຫ້​ຄົນ​ມາ​ທ່ຽວ­ບຸນ​ໄດ້​ກິນ​ໄດ້​ດື່ມ ກໍ​ເປັນ​ບຸນ​ກຸ­ສົນ​ອັນ​ຍິ່ງ​ໃຫຍ່​ເຊັ່ນ​ກັນ​ນໍ?  ອັນ​ນັ້ນ​ແມ່ນ​ບ່ອນ​ເຂົ້າ ຫຼື ວ່າ​ຂາ​ເຂົ້າ​ສຳ­ລັບ​ຄົນ​ມາ​ບຸນ​ທີ່​ບໍ່​ຈຳ ເປັນ​ເສຍ​ເງິນ​ຫຍັງ? ບາດ­ນີ້​ມາ​ເວົ້າ​ເຖິງ​ບ່ອນ​ອອກ ຫຼື​ວ່າ ຂາ​ອອກ ໂອຍ!  ໃນ​ແຕ່​ລະ​ປີ​ເຫັນ​ແລ້ວ​ກໍ​ລຳ ບາກ​ໃຈ ເພາະ​ຫ້ອງ​ນ້ຳ​ມີ​ໜ້ອຍ ? ທຸ­ລະ​ກິດ​ຫ້ອງ ນ້ຳ​ເຄື່ອນ​ທີ່​ຍາມ​ບຸນ​ຈັ່ງ​ຊີ້​ເໝາະ​ທີ່​ສຸດ ແລະ ຫາ ເງິນ​ໄດ້​ດີ ! ສຳ­ຄັນ​ລະ​ແມ່ນ​ການ​ລົງ­ທຶນ​ດ້ານ​ນີ້ ຍັງ​ມີ​ໜ້ອຍ​ນໍ? ແຕ່​ວ່າ​ຢູ່​ນະ­ຄອນ­ຫຼວງ​ເພິ່ນ​ເລີ່ມ​ມີ ແລ້ວ ! ຄິດ​ວ່າ​ບັນ­ດາ​ແຂວງ ເມືອງ ຕ່າງໆ ໃນ​ທົ່ວ ປະ­ເທດ​ກໍ​ຄວນ​ໄດ້​ຄິດ​ຫງຳ​ໃຫ້​ທຸ­ລະ​ກິດ​ດ້ານ​ນີ້​ເຕີບ ໂຕ​ນໍ? ບາງ­ເທື່ອ​ທະ­ນາ­ຄານ ຫຼື ກອງ​ທຶນ​ຕ່າງໆ ກໍ​ຄວນ​ໄດ້​ຊ່ວຍ​ທາງ​ອອກ​ໃຫ້​ກູ້​ທຶນ​ໃນ​ດອກ​ເບ້ຍ​ຕ່ຳ ເພື່ອ​ໃຫ້​ຜູ້​ດຳ­ເນີນ​ທຸ­ລະ​ກິດ​ດ້ານ​ນີ້​ໄປ​ໄດ້ ອັນ​ນີ້​ສະ ເໜີ​ເປັນ​ຂໍ້​ຄິດ​ເນີ !.

    ສຸດ​ທ້າຍ ຢາກ​ເວົ້າ​ເລື່ອງ​ຄວາມ​ສະ­ອາດ​ໃນ​ມື້­ບຸນ ກໍ​ຄື ໃນ​ຄືນ​ຄົບ­ງັນ​ຈຸດ​ນີ້ ຄະ­ນະ​ກຳ­ມະ­ການ​ຕ້ອງ ເອົາ­ໃຈ­ໃສ່​ໃຫ້​ດີ.. ບໍ່​ແມ່ນ​ວ່າ​ບຸນ​ແລ້ວ​ສາມ​ມື້​ຍັງ​ເປັນ​ຂີ້​ເຫຍື້ອ​ຊະ​ຢູ່ ຈົນ​ວ່າ​ແມ­ງວັນ​ບໍ່​ຮູ້​ທາງ​ເມືອ ບ້ານ ເວົ້າ​ເລື່ອງ​ນີ້ ກໍ​ຢາກ​ຂໍ​ຊົມ­ເຊີຍ​ອາ­ສາ​ສະ­ໝັກ ເພິ່ນ ໃນ​ແຕ່​ລະ​ປີ​ເຫັນ​ໂຄ­ສະ­ນາ​ເລື່ອງ​ການ​ຖິ້ມ​ຂີ້​ເຫຍື້ອ ແລະ ພວກ​ເພິ່ນ​ກໍ​ຖື​ຖັງ​ເກັບ​ຂີ້​ເຫຍື້ອ​ຕາມ​ບໍ­ລິ­ເວນ​ຄົບ­ງັນ...ເຫັນ​ແນວ​ນີ້ ບໍ່​ຮູ້​ວ່າ ເຈົ້າ​ຂອງ​ຮ້ານ ຂາຍ​ສິນ­ຄ້າ-ຂາຍ​ອາ­ຫານ​ການ​ກິນ ຊິ​ບໍ່​ຮູ້​ລະ­ອາຍ ເພິ່ນ​ແດ່​ບໍ່​ນໍ?.

ຂ່າວທີ່ກ່ຽວຂ້ອງ