ຂ່າວຫຼ້າສຸດ

​ສປຊ ຮຽກຮ້ອງ​ໃຫ້​ຊຸກຍູ້​ການ​ປະຕິບັດ​ຂໍ້​ຕົກລົງ​ສັນຕິພາບ​ໃນ​ໂກ​ລົມ​ບີ

764 09 ຕ.ລ. 2019 ຂ່າວຕ່າງປະເທດ
​ສປຊ ຮຽກຮ້ອງ​ໃຫ້​ຊຸກຍູ້​ການ​ປະຕິບັດ​ຂໍ້​ຕົກລົງ​ສັນຕິພາບ​ໃນ​ໂກ​ລົມ​ບີ

     ສະຫະ​ປະຊາ​ຊາດ (​ສປຊ) ຮຽກຮ້ອງ​ອອກ​ມາ​ເມື່ອ​ວັນ​ທີ 5 ຕຸລາ​ທີ່​ຜ່ານ​ມາ​ວ່າ ຕ້ອງ​ໄດ້​ເພີ່ມ​ຄວາມ​ໄວ​ໃນ​ການ​ປະຕິບັດ​ຂໍ້​ຕົກລົງ ທີ່​ໄດ້​ຮັບ​ການ​ລົງ​ນາມ​ເມື່ອ​ປີ 2016  ລະຫວ່າງ​ລັດຖະບານ​ໂກ​ລົມ​ບີ ກັບ​ກອງ​ກຳລັງ​ປະກອບ​ອາວຸດ​ປະຕິວັດ ໂກ​ລົມ​ບີ (FARC) ທີ່​ໄດ້​ປົດ​ອາວຸດ​ໄປ​ແລ້ວ​ນັ້ນ ທ່າມກາງ​ທີ່​ຍັງ​ສືບຕໍ່​ເກີດ​ເຫດການ​ຮຸນ​ແຮງ ທີ່​ແນ​ເປົ້າ​ໃສ່​ບັນດາ​ນັກ​ເຄື່ອນ​ໄຫວ ແລະ ອະດີດ​ສະມາຊິກ​ຂອງ FARC.

    ບົດ​ລາຍ​ງານ​ທີ່​ຄະນະ​ກວດ​ພິສູດ​ຂອງ ​ສປຊ ປະຕິບັດ ເພື່ອ​ນຳ​ສະເໜີ​ຕໍ່​ສະພາ​ຄວາມ​ໝັ້ນຄົງ ​ສປຊ ໃນ​ວັນ​ທີ 10 ຕຸລາ​ນີ້ ຢືນຢັນ​ວ່າ ຫຼັງ​ຈາກ​ສິ້ນ​ສຸດ​ຂະ​ບວນ​ການ​ປົດ​ອາວຸດ​ມາ​ໄດ້ 2 ປີ ກໍ​ເຫັນ​ວ່າ​ສ່ວນ​ໃຫຍ່​ຂອງ​ບັນດາ​ອະດີດ​ສະມາຊິກ FARC ຍັງ​ຄົງ​ສືບຕໍ່​ຄຳ​ສັນຍາ​ກັບ​ຂະ​ບວນ​ການ​ສັນຕິພາບ ແລະ ນີ້​ເປັນ​ປັດ​ໄຈ​ທີ່​ສຳຄັນ​ຍິ່ງ ທີ່​ຕ້ອງ​ໄດ້​ຍອມຮັບ.

    ສະຖິຕິ​ຂອງ​ຄະນະ​ກວດ​ພິສູດ​ຂອງ ​ສປຊ ໃຫ້​ຮູ້​ວ່າ ນັບ​ແຕ່​ຂໍ້​ຕົກລົງ​ສັນຕິພາບ ໄດ້​ຮັບ​ການ​ລົງ​ນາມ​ເປັນຕົ້ນ​ມາ ໄດ້​ເກີດ​ເຫດການ​ສັງຫານ 147 ລາຍ ແລະ ເກີດ​ກໍລະນີ​ການ​ຫາຍ​ສາບ​ສູນ 12 ລາຍ ໂດຍ​ເປັນ​ການ​ແນໃສ່​ບັນດາ​ອະດີດ​ສະມາຊິກ FARC ໃນ​ຂະນະ​ທີ່​ຄອບຄົວ​ຂອງ​ຄົນ​ເຫຼົ່ານັ້ນ ຍັງ​ຕ້ອງ​ປະ​ເຊີນ​ກັບ​ການ​ຂູ່​ໃຊ້​ຄວາມ​ຮຸນ​ແຮງ​ຢູ່​ເປັນ​ປະຈຳ.

ຂ່າວທີ່ກ່ຽວຂ້ອງ