ຂ່າວຫຼ້າສຸດ

ເຮືອບ້ານຫ້ອມ ຄອງຂັນຊະນະເລີດ ຊ່ວງເຮືອຈອມແຈ້ງ

952 08 ຕ.ລ. 2019 ວົງຈອນກີລາ
ເຮືອບ້ານຫ້ອມ ຄອງຂັນຊະນະເລີດ ຊ່ວງເຮືອຈອມແຈ້ງ

    ບ້ານ​ຈອມ​ແຈ້ງ ຈັດ​ງານ​ແຂ່ງ­ຂັນ​ຊ່ວງ​ເຮືອ​ປະ­ເພ­ນີ ປະ­ເພດ 12 ສີ­ພາຍ ປະ­ຈຳ​ປີ 2019 ຂຶ້ນ​ໃນ​ວັນ​ທີ 6 ຕຸ­ລາ 2019 ຢູ່​ໜ້າ­ນ້ຳ​ຂອງ​ວັດ​ຈອມ​ແຈ້ງ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ເພື່ອ​ເປັນ​ການ​ສືບ­ຕໍ່ ແລະ ປົກ​ປັກ​ຮັກ­ສາ​ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ຊາດ ກໍ​ຄື ຂອງ​ທ້ອງ­ຖິ່ນ​ໃຫ້​ຍືນ​ຍົງ​ຕະ­ຫຼອດ​ໄປ.

    ການ​ແຂ່ງ­ຂັນ​ຄັ້ງ​ນີ້ ມີ​ເຮືອ​ເຂົ້າ​ຮ່ວມ​ທັງ​ໝົດ 14 ລຳ ແບ່ງ​ອອກ​ເປັນ 4 ກຸ່ມ ແຕ່​ລະ​ກຸ່ມ​ແບ່ງ​ຄົບ​ກັນ​ໝົດ ເອົາ​ທີ 1-2 ຜ່ານ​ເຂົ້າ​ຮອບ​ຕໍ່​ໄປ ແລະ ຮອບ​ຊີງ​ຊະ­ນະ​ເລີດ ຜ່ານ​ການ​ແຂ່ງ­ຂັນ​ຕະ­ຫຼອດ​ວັນ ຜົນ​ປາ­ກົດ​ວ່າ: ຊະ­ນະ​ເລີດ​ໄດ້­ແກ່ ເຮືອ​ບ້ານ​ຫ້ອມ (ສີ­ພາຍ ເທບ​ພິ​ຊິດ​ໄຊ ນາ­ວາ​ສັກ­ສິດ) ໄດ້​ຮັບ​ຂັນ​ໂລ້+ເງິນ­ສົດ 4,5 ລ້ານ​ກີບ ອັນ​ດັບ 2 ເຮືອ​ບ້ານ​ໄຊ​ສະ­ຖານ (ສີ­ພາຍ ນາ­ວາ​ສັກ­ສິດ) ໄດ້​ຮັບ​ຂັນ​ໂລ້+ເງິນ­ສົດ 3,5 ລ້ານ​ກີບ ອັນ​ດັບ 3 ເຮືອ​ບ້ານ​ໄຊ​ສະ­ຖານ (ສີ­ພາຍ ນາ­ວາ​ສັກ­ສິດ) ໄດ້​ຮັບ​ຂັນ​ໂລ້+ເງິນ­ສົດ 2,5 ລ້ານ​ກີບ ແລະ ອັນ​ດັບ 4 ເຮືອ​ບ້ານ​ໄຊ​ສະ­ຖານ (ສີ­ພາຍ ນາ­ວາ​ສັກ­ສິດ) ໄດ້​ຮັບ​ເງິນ­ສົດ 1 ລ້ານ​ກີບ ນອກ​ນີ້ ຍັງ​ມີ​ລາ­ງວັນ​ຊົມ­ເຊີຍ​ເຮືອ​ທີ່​ເຂົ້າ​ຮ່ວມ ລຳ​ລະ 7 ແສນ​ກີບ.

    ເປັນ​ກຽດ​ເຂົ້າ​ຮ່ວມ ແລະ ມອບ​ລາ­ງວັນ​ຂອງ​ທ່ານ ໂພ​ຄຳ ໄຊ​ຍະ​ສອນ ເຈົ້າ­ເມືອງ​ສີ​ສັດ­ຕະ​ນາກ ທ່ານ ບຸນ​ເມກ ວິ­ໄລ​ແສງ ຮອງ​ເຈົ້າ­ເມືອງ​ສີ​ສັດ­ຕະ​ນາກ ພ້ອມ​ດ້ວຍ​ອຳ­ນາດ​ການ​ປົກ­ຄອງ​ບ້ານ ພໍ່​ແມ່​ປະ­ຊາ­ຊົນ​ພາຍ​ໃນ ເມືອງ​ສີ​ສັດ­ຕະ​ນາກ ແລະ ຊາວ​ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ.

ຂ່າວທີ່ກ່ຽວຂ້ອງ