ຍານ​ອາ​ວະ​ກາດ Soyuz-12 ນຳ​ເອົາ​ນັກ​ບິນ​ອາ​ວະ​ກາດ 3 ຄົນ ກັບ​ລົງ​ມາ​ສູ່​ໂລກ​ດ້ວຍ​ຄວາມ​ປອດ​​ໄພ

372 08 ຕ.ລ. 2019 ຂ່າວຕ່າງປະເທດ
ຍານ​ອາ​ວະ​ກາດ Soyuz-12 ນຳ​ເອົາ​ນັກ​ບິນ​ອາ​ວະ​ກາດ 3 ຄົນ ກັບ​ລົງ​ມາ​ສູ່​ໂລກ​ດ້ວຍ​ຄວາມ​ປອດ​​ໄພ

    ອົງການ​ອາ​ວະ​ກາດ​ຂອງ​ສະຫະພັນ​ຣັດ​ເຊຍ (Roscosmos) ລາຍ​ງານ​ວ່າ ມື່​ອວັນ​ທີ 3 ຕຸລາ​ນີ້ ຍານ​ອາ​ວະ​ກາດ Soyuz-12 ໄດ້​ນຳ​ເອົາ​ນັກ​ບິນ​ອາ​ວະ​ກາດ 3 ຄົນ ກັບ​ລົງ​ມາສູ່​ໂລກ ອັນ​ປະກອບ​ດ້ວຍ ນັກ​ບິນ​ອາ​ວະ​ກາດ ​ຮັສ​ຊາ ອາ​​ລ​ມານ​ຊູ ຈາກ​ສະຫະລັດ ອາ​ຣັບ ເອ​ມີ​ເຣດ (UAE) ນິກ ຮາ​ເກ ຈາກ​ອົງການ​ການບິນ​ອາ​ວະ​ກາດ ສ ອາ​ເມ​ຣິ​ກາ (NASA) ແລະ  ອາ​ເລັກ​ເຊ ອອບ​ຊີ​ນິນ ຈາກ Roscosmos ໂດຍ​ໄດ້​ບິນ​ລົງ​ສູ່​ໜ້າດິນ ໃນ​ກາ​ຊັກ​ສະຖານ ດ້ວຍ​ຄວາມ​ປອດ​ໄພ ຫຼັງ​ຈາກ​ທີ່ ນິກ ຮາ​ເກ ແລະ ອາ​ເລັກ​ເຊ ອອບ​ຊີ​ນິນ ເຄື່ອນ​ໄຫວ​ຢູ່​ເທິງ​ສະຖານີ​ອາ​ວະ​ກາດ​ສາກົນ (ISS) ມາ​ເປັນ​ເວລາ 203 ວັນ ໃນ​ຂະນະ​ທີ່ ອາ​​ລ​ມານ​ຊູ ເຮັດ​ວຽກ​ຢູ່​ໃນ ISS ມາ​ເປັນ​ເວລາ 8 ວັນ.

    ໃນ​ຂະນະ​ດຽວ​ກັນ ນັກ​ບິນ​ອາ​ວະ​ກາດ ໂອ​ເລັກ ສະ​ກີ​ປອກ​ກາ ຈາກ​ຣັດ​ເຊຍ ແລະ  ເຈ​ຊີ​ກາ ເມ​ອີ ຈາກ NASA ທີ່​ເດີນທາງ​ຮ່ວມ​ກັບ ອາ​​ລ​ມານ​ຊູ ຂຶ້ນ​ໄປ​ຍັງ ISS ເມື່ອ​ວັນ​ທີ 25 ກັນຍາ​ທີ່​ຜ່ານ​ມາ ແມ່ນ​ສືບຕໍ່​ເຂົ້າ​ຮ່ວມ​ກັບ​ຈຸ​ບິນ​ອາ​ວະ​ອາດ​ທີ່​ປະກອບ​ມີ 6 ຄົນ ໃນ​ການ​ປະຕິບັດ​ພາລະກິດ​ຢູ່​ໃນ ISS.

    ISS ເປັນ​ຜົນ​ຂອງ​ການ​ຮ່ວມ​ມື​ລະຫວ່າງ​ຣັດ​ເຊຍ ກັບ​ຝ່າຍ​ຕາເວັນຕົກ. ນັບ​ແຕ່​ປີ 1998 ມາ​ຮອດ​ປັດຈຸບັນ ISS ປິ່ນ​ອອ້ມ​ໜ່ວຍ​ໂລກ​ດ້ວຍ​ຄວາມ​ໄວ 28.000​ກມ/ຊົ່ວໂມງ.

ຂ່າວທີ່ກ່ຽວຂ້ອງ