ຂ່າວຫຼ້າສຸດ

ລາວ ຍາດໄດ້ 2 ຫຼຽນທອງ ປັນຈັກສີລັດຊີງແຊັມໂລກ

598 07 ຕ.ລ. 2019 ວົງຈອນກີລາ
ລາວ ຍາດໄດ້ 2 ຫຼຽນທອງ ປັນຈັກສີລັດຊີງແຊັມໂລກ

    ນັກ­ກີ­ລາ​ປັນ​ຈັກ​ສີ​ລັດ​ລາວ ຍາດ​ໄດ້​ແລ້ວ 2 ຫຼຽນ​ທອງ ຈາກ​ປະ­ເພດ​ຟ້ອນ​ດ່ຽວ ທ້າວ ສຸກ​ສະ­ຫວັນ ຈັນ​ທິ​ລາດ ແລະ ປະ­ເພດ​ຟ້ອນ​ຄູ່​ຈາກ ທ້າວ ສຸກ​ສະ­ຫວັນ ຈັນ​ທິ​ລາດ ແລະ ສິບ​ໂທ ທະ­ນະ​ພົນ ສິມ​ພິ­ລາ​ວົງ ໃນ​ການ​ແຂ່ງ­ຂັນ​ປັນ​ຈັກ​ສີ​ລັດ​ຊີງ​ແຊັມ​ໂລກ ຫາດ​ຊາຍ ຄັ້ງ​ທີ 1 ຢູ່​ແຂວງ​ພູ​ເກັດ ປະ­ເທດ​ໄທ ວັນ​ທີ 30 ກັນ­ຍາ-4 ຕຸ­ລາ 2019.

    ທ່ານ ຮ້ອຍ​ເອກ ທິບ​ພົງ​ພັດ ມະ­ນີ​ວົງ ຫົວ­ໜ້າ​ຄະ­ນະ​ນັກ­ກີ­ລາ ປັນ​ຈັກ​ສີ​ລັດ​ທີມ​ຊາດ​ລາວ ລາຍ​ງານ​ໃຫ້​ຮູ້​ວ່າ: ຄະ­ນະ​ນັກ­ກີ­ລາ​ລາວ ເດີນ­ທາງ​ໄປ​ຮ່ວມ​ງານ​ດັ່ງ­ກ່າວ ມີ 7 ຄົນ (ຍິງ 2 ຄົນ) ຄູ​ເຝິກ 1 ທ່ານ ກຳ­ມະ­ການ​ອີກ 3 ທ່ານ ຜ່ານ​ການ​ແຂ່ງ­ຂັນ​ມາ​ຮອດ​ວັນ​ທີ 2 ຕຸ­ລາ 2019 ລາວ​ສາ­ມາດ​ຍາດ​ໄດ້ 2 ຫຼຽນ​ທອງ​ຈາກ​ປະ­ເພດ​ຟ້ອນ​ດ່ຽວ ແລະ ຟ້ອນ​ຄູ່.

    ນອກ​ນີ້​ທັບ​ນັກ­ກີ­ລາ​ປັນ​ຈັນ​ສີ​ລັດ​ລາວ ຍັງ​ມີ​ຄວາມ​ຫວັງ​ຈະ​ໄດ້​ຮັບ ຫຼຽນ​ອີກ 4 ຮຸ່ນ​ຄື: ປະ­ເພດ​ຕໍ່​ສູ່​ຮຸ່ນ 50 ກິ​ໂລ ຍິງ ພົບ ນັກ­ກີ­ລາ​ຈາກ ປະ­ເທດ​ອິນ​ເດຍ ຮຸ່ນ 60 ກິ​ໂລ ຊາຍ ພົບ ນັກ­ກີ­ລາ​ຈາກ​ປະ ເທດ​ອິນ​ເດຍ ຮຸ່ນ 55 ກິ​ໂລ ຊາຍ ພົບ ນັກ­ກີ­ລາ​ຈາກ​ປະ­ເທດ​ຫວຽດ­ນາມ ແລະ ຮຸ່ນ 60 ກິ​ໂລ ຍິງ ພົບ ນັກ­ກີ­ລາ​ຈາກ​ປະ­ເທດ​ສິງ­ກະ­ໂປ.

ຂ່າວທີ່ກ່ຽວຂ້ອງ