ຂ່າວຫຼ້າສຸດ

ສປ ນວ ເກັບກຳຄຳສະເໜີທີ່ເປັນບັນຫາພົ້ນເດັ່ນ 569 ຂໍ້

1.156 07 ຕ.ລ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ຄະ­ນະ​ປະ­ຈຳ ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ (ສປ ນວ) ປະ­ຈຳ​ເດືອນ​ກັນ­ຍາ 2019 ຈັດ​ຂຶ້ນ​ວັນ​ທີ 2 ຕຸ­ລາ 2019 ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ທ່ານ ອາ­ນຸ­ພາບ ຕຸ​ນາ​ລົມ ປະ ທານ​ຄະ­ນະ​ປະ­ຈຳ ສປ ນວ ມີ​ຮອງ​ປະ­ທານ ກຳ­ມະ­ການ​ຄະ­ນະ​ປະ­ຈຳ ຄະ­ນະ​ເລ­ຂາ­ທິ­ການ ສປ ນວ ເຂົ້າ​ຮ່ວມ.

    ຄະ­ນະ​ເລ­ຂາ­ທິ­ການ ສປ ນວ ລາຍ​ງານ​ວ່າ: ການ​ລົງ​ພົບ​ປະ ປະ­ຊາ­ຊົນ ແລະ ເຜີຍ­ແຜ່​ຜົນ­ສຳ­ເລັດ​ກອງ​ປະ ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ແລະ ສປ ນວ ຊຸດ​ທີ I ໄດ້​ເຄື່ອນ​ໄຫວ​ແຕ່​ເດືອນ ສິງ­ຫາ-ກັນ­ຍາ 2019 ເຊິ່ງ​ໄດ້​ເຄື່ອນ​ໄຫວ 100 ຈຸດ ໃນ​ນີ້ ມີ 85 ບ້ານ 9 ຫ້ອງ​ວ່າ​ການ­ເມືອງ ແລະ 6 ຈຸດ​ຢູ່​ອົງ ການ­ຈັດ­ຕັ້ງ​ລັດ​ຂັ້ນ​ສູນ​ກາງ ກົມ​ກອງ ແລະ ພາກ­ສ່ວນ​ເອ­ກະ​ຊົນ ມີ​ຜູ້​ເຂົ້າ​ຮ່ວມ​ຮັບ​ຟັງ 11.158 ຄົນ ຜ່ານ​ການ ເຄື່ອນ​ໄຫວ​ດັ່ງ­ກ່າວ ສາ­ມາດ​ເກັບ​ກຳ​ຄຳ​ສະ­ເໜີ​ໄດ້ 569 ຂໍ້ ໃນ​ນີ້ ບັນ­ຫາ​ພົ້ນ​ເດັ່ນ​ແມ່ນ​ບັນ­ຫາ​ການ​ກໍ່­ສ້າງ​ພື້ນ­ຖານ​ໂຄງ​ລ່າງ​ທີ່​ບໍ່​ໄດ້​ມາດ­ຕະ­ຖານ ບັນ­ຫາ​ນ້ຳ​ຖ້ວມ​ຂັງ​ຕາມ​ຖະ­ໜົນ​ຫົນ­ທາງ ຄອງ​ຊົນ­ລະ­ປະ­ທານ​ເປ່​ເພ ການ​ໃຫ້​ບໍ­ລິ­ການ​ຂອງ​ຮ້ານ​ອິນ​ເຕີ​ເນັດ​ທີ່​ແອບ​ແຝງ​ເປັນ​ບ່ອນ​ຫຼິ້ນ​ການ​ພະ­ນັນ ແລະ ມົ້ວ​ສຸມ​ສິ່ງ​ເສບ​ຕິດ ບັນ­ຫາ​ທີ່​ດິນ ອັດ­ຕາ​ເງິນ​ເຟີ້ ການ​ຄຸ້ມ​ຄອງ​ຄົນ​ຕ່າງ­ປະ­ເທດ​ທີ່​ປະ­ກອບ​ອາ­ຊີບ​ຢູ່​ລາວ ໄຟ­ຟ້າ ແລະ ນ້ຳ​ປະ­ປາ​ບໍ່​ພໍ­ໃຊ້ ບັນ­ຫາ​ການ​ຄຸ້ມ​ຄອງ​ປ້າຍ​ໂຄ ສະ​ນາ ແລະ ບັນ­ຫາ​ອື່ນໆ.

    ກອງ​ປະ­ຊຸມ​ຍັງ​ໄດ້​ປຶກ­ສາ​ຫາ­ລື​ກ່ຽວ​ກັບ​ການ​ດຳ­ເນີນ​ກອງ​ປະ­ຊຸມ​ສະ­ໄໝ​ວິ­ສາ­ມັນ ເທື່ອ​ທີ 3 ຂອງ ສປ ນວ ເຊິ່ງ​ຄາດ​ວ່າ​ຈະ​ດຳ­ເນີນ​ຂຶ້ນ​ທ້າຍ​ເດືອນ​ຕຸ­ລາ 2019 ພິ­ຈາ­ລະ­ນາ​ຮັບ­ຮອງ​ເອົາ​ຮ່າງ​ມະ­ຕິ​ຂອງ​ຄະ­ນະ​ປະ­ຈຳ ສປ ນວ ວ່າ​ດ້ວຍ​ການ​ປະ​ເມີນ​ຜົນ​ການ​ປະ­ຕິ­ບັດ​ໜ້າ­ທີ່​ຂອງ​ບຸ​ຄະ­ລາ​ກອນ ທີ່ ສປ ນວ ໄດ້​ຮັບ­ຮອງ​ເອົາ​ການ​ແຕ່ງ­ຕັ້ງ​ໃນ​ໄລ­ຍະ​ຜ່ານ​ມາ ແລະ ໄດ້​ປຶກ­ສາ​ຫາ­ລື​ບັນ­ຫາ​ສຳ­ຄັນ​ຕ່າງໆ​ຂອງ ສປ ນວ ອີກ​ຈຳ­ນວນ​ໜຶ່ງ.

ຂ່າວທີ່ກ່ຽວຂ້ອງ