ຂ່າວຫຼ້າສຸດ

ເປ້ຍ ເຫຼົາພັກດີ-ລັດສະໝີ ສີປະເສີດ ຍາດໄດ້ຄົນລະ 1 ຫຼຽນເງິນ ການແຂ່ງຂັນຍົກນ້ຳໜັກຢູ່ຍີ່ປຸ່ນ

1.039 04 ຕ.ລ. 2019 ວົງຈອນກີລາ
ເປ້ຍ ເຫຼົາພັກດີ-ລັດສະໝີ ສີປະເສີດ ຍາດໄດ້ຄົນລະ 1 ຫຼຽນເງິນ ການແຂ່ງຂັນຍົກນ້ຳໜັກຢູ່ຍີ່ປຸ່ນ

    ທ້າວ ເປ້ຍ ເຫຼົາ​ພັກ­ດີ ເຈົ້າ​ຂອງ​ຫຼຽນ​ຄຳ ຍົກ​ນ້ຳ­ໜັກ​ງານ ກີ­ລາ ເອ​ຊຽນ​ພາ​ຣາ​ເກມ 2018 ແລະ ນາງ ລັດ­ສະ­ໝີ ສີ​ປະ­ເສີດ ນັກ­ກີ­ລາ​ຍົກ​ນ້ຳ­ໜັກ​ຄົນ​ພິ­ການ ທີມ​ຊາດ​ລາວ ຄວ້າ​ຄົນ​ລະ 1 ຫຼຽນ​ເງິນ ໃນ​ການ​ແຂ່ງ­ຂັນ​ກີ­ລາ ຍົກ​ນ້ຳ­ໜັກ​ຄົນ​ພິ­ການ ປະ­ຈຳ​ປີ 2019 ຢູ່​ປະ­ເທດ​ຍີ່­ປຸ່ນ ໃນ​ວັນ​ທີ 26 ກັນ­ຍາ 2019 ໂດຍ​ທ້າວ ເປ້ຍ ເຫຼົາ​ພັກ­ດີ ລົງ​ແຂ່ງ­ຂັນ​ຮຸ່ນ ນ້ຳ­ໜັກ 49 ກິ​ໂລ ນາງ ລັດ­ສະ­ໝີ ສີ​ປະ­ເສີດ ຮຸ່ນ​ນ້ຳ­ໜັກ 41 ກິ​ໂລ.

    ຫຼັງ​ຈາກ​ທີ່​ທັງ 2 ໄປ​ເກັບ​ຕົວ ເຝິກ­ຊ້ອມ​ຢູ່​ເມືອງ​ເບບ​ປູ ປະ­ເທດ ຍີ່­ປຸ່ນ ວັນ​ທີ 15-24 ກັນ­ຍາ 2019 ກໍ​ໄດ້​ລົງ​ແຂ່ງ­ຂັນ​ຢູ່​ປະ­ເທດ ດັ່ງ­ກ່າວ ທ້າວ ເປ້ຍ ເຫຼົາ​ພັກ­ດີ ຍົກ​ໄດ້​ສູງ​ສຸດ 132 ກິ​ໂລ ເປັນ​ອັນ​ດັບ 2 ໄດ້​ຫຼຽນ​ເງິນ ອັນ​ດັບ 1 ແລະ ອັນ​ດັບ 3 ຕົກ​ເປັນ​ຂອງ​ນັກ­ກີ­ລາ​ຍີ່­ປຸ່ນ ສ່ວນ​ນາງ ລັດ­ສະ­ໝີ ສີ​ປະ­ເສີດ ຍົກ​ໄດ້​ສູງ​ສຸດ 61 ກິ​ໂລ ເປັນ​ອັນ​ດັບ 2 ໄດ້​ຫຼຽນ​ເງິນ ຂະ­ນະ​ທີ່​ອັນ​ດັບ 1 ແລະ ອັນ​ດັບ 2 ຕົກ​ເປັນ​ຂອງ​ນັກ­ກີ­ລາ​ຈາກ​ຍີ່­ປຸ່ນ ເຊັ່ນ​ກັນ.

ຂ່າວທີ່ກ່ຽວຂ້ອງ