ຂ່າວຫຼ້າສຸດ

ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ

1.653 04 ຕ.ລ. 2019 ຂ່າວໜ້າ​ໜຶ່ງ

    ພິ­ທີ​ເຜີຍ­ແຜ່​ຜົນ­ສຳ­ເລັດ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ຈັດ​ຂຶ້ນ​ວັນ​ທີ 30 ກັນ­ຍາ​ຜ່ານ​ມາ ຢູ່​ສູນ​ກາງ​ແນວ​ລາວ​ສ້າງ​ຊາດ (ສນຊ) ໂດຍ​ການ​ເຜີຍ­ແຜ່​ຂອງ​ທ່ານ ບຸນ​ປອມ ບຸດ​ຕະ​ນະ​ວົງ ຮອງ​ປະ­ທານ​ສະ­ພາ​ແຫ່ງ​ຊາດ ມີ​ບັນ­ດາ​ທ່ານ​ຮອງ​ປະ­ທານ ສນຊ ພ້ອມ​ດ້ວຍ​ທີ່​ປຶກ­ສາ​ວຽກ​ງານ​ແນວ​ລາວ​ສ້າງ​ຊາດ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ​ເພື່ອ​ຈັດ​ຕັ້ງ​ຜັນ​ຂະ­ຫຍາຍ ແລະ ໂຄ­ສະ­ນາ​ເຜີຍ­ແຜ່​ຜົນ­ສຳ­ເລັດ ຂອງ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ຕິດ​ພັນ​ກັບ​ການ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ຄັ້ງ​ທີ 8 (ສະ­ໄໝ​ທີ X) ຊຸກ­ຍູ້​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ແຜນ​ງົບ­ປະ­ມານ​ແຫ່ງ​ລັດ​ໃຫ້​ບັນ­ລຸ​ຕາມ​ລະ­ດັບ​ຄາດ­ໝາຍ ເພື່ອ​ໂຄ­ສະ­ນາ​ໃຫ້​ທົ່ວ​ປວງ​ຊົນ​ຮັບ​ຮູ້​ເຊື່ອມ​ຊຶມ​ຢ່າງ​ກວ້າງ­ຂວາງ ແລະ ເຂົ້າ​ຮ່ວມ​ຈັດ​ຕັ້ງ​ປະ­ຕິ­ບັດ​ບັນ­ດາ​ວຽກ​ງານ​ດັ່ງ­ກ່າວ ເອ­ກະ­ສານ​ນຳ​ມາ​ເຜີຍ­ແຜ່​ຄັ້ງ​ນີ້ ປະ­ກອບ​ມີ​ມະ­ຕິ​ກອງ​ປະ­ຊຸມ​ສະ­ພາ​ແຫ່ງ​ຊາດ ບົດ​ລາຍ​ງານ​ຂອງ​ລັດ­ຖະ­ບານ ບົດ​ຊີ້​ແຈງ​ຕໍ່​ກອງ​ປະ­ຊຸມ​ສະ­ພາ​ແຫ່ງ​ຊາດ ແລະ ບັນ­ດາ​ກົດ­ໝາຍ​ສ້າງ​ໃໝ່ ໂດຍ​ເນັ້ນ​ໜັກ​ບົດ​ລາຍ​ງານ​ຂອງ​ລັດ­ຖະ­ບານ ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ ຄົມ​ແຫ່ງ​ຊາດ ແລະ ບົດ​ລາຍ​ງານ​ຂອງ​ລັດ­ຖະ­ບານ​ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 6 ເດືອນ​ຕົ້ນ​ປີ ແລະ ທິດ​ທາງ 6 ເດືອນ​ທ້າຍ​ປີ 2019.

    ບົດ​ລາຍ​ງານ​ກ່ຽວ​ກັບ​ວຽກ​ງານ​ທ່ອງ​ທ່ຽວ ຕິດ​ພັນ​ກັບ​ການ­ຈັດ­ຕັ້ງ​ປະ­ຕິ­ບັດ​ປີ​ທ່ອງ​ທ່ຽວ ລາວ-ຈີນ ບົດ​ລາຍ​ງານ ກ່ຽວ​ກັບ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ຕິດ​ພັນ​ກັບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ໂດຍ​ສະ­ເພາະ ຂະແໜງ​ກະ­ສິ­ກຳ ຄູ ແລະ ພະ­ຍາ­ບານ ເພື່ອ​ສາ­ມາດ​ຕອບ​ສະ­ໜອງ​ໃຫ້­ການ​ພັດ­ທະ­ນາ​ປະ­ເທດ​ຊາດ ແລະ ແກ້​ໄຂ​ຄວາມ­ທຸກ​ຍາກ ບົດ​ລາຍ​ງານ​ກ່ຽວ​ກັບ​ຄຳ​ຕັດ­ສິນ​ຂອງ​ສານ ມະ­ຕິ​ກອງ​ປະ­ຊຸມ​ສະ­ພາ​ແຫ່ງ​ຊາດ ວ່າ​ດ້ວຍ​ການ​ຮັບ ຮອງ​ເອົາ​ບົດ​ລາຍ​ງານ​ຂອງ​ລັດ­ຖະ­ບານ ຊີ້​ແຈງ​ຕໍ່​ຄຳ​ຊັກ​ຖາມ​ກ່ຽວ​ກັບ​ການ​ຄຸ້ມ​ຄອງ​ການ​ອອກ​ໃບ​ຕາ­ດິນ ການ​ອອກ​ໃບ​ຕາ­ດິນ​ຊ້ຳ​ຊ້ອນ ມະ­ຕິ​ວ່າ​ດ້ວຍ​ການ​ຟື້ນ​ຟູ​ປ່າ­ໄມ້ ມະ­ຕິ​ວ່າ​ດ້ວຍ​ການ​ຮັບ­ຮອງ​ເອົາ​ການ​ເລືອກ​ຕັ້ງ ປະ­ທານ​ສານ​ປະ ຊາ​ຊົນ​ສູງ​ສຸດ ມະ­ຕິ​ວ່າ​ດ້ວຍ​ການ​ຮັບ­ຮອງ​ການ​ແຕ່ງ­ຕັ້ງ​ລັດ­ຖະ­ມົນ­ຕີ ປະ­ຈຳ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ກົດ­ໝາຍ​ສ້າງ​ໃໝ່ ແລະ ກົດ­ໝາຍ​ທີ່​ໄດ້​ປັບ­ປຸງ​ໃໝ່​ຕື່ມ​ອີກ.

ຂ່າວທີ່ກ່ຽວຂ້ອງ