ຂ່າວຫຼ້າສຸດ

ຝ່າຍຕ່າງໆເຫັນດີກັບກົນໄກໃຫ້ແກ່ເຂດທວງເອກະລາດໃນອູແກຣນ

1.099 04 ຕ.ລ. 2019 ຂ່າວຕ່າງປະເທດ
ຝ່າຍຕ່າງໆເຫັນດີກັບກົນໄກໃຫ້ແກ່ເຂດທວງເອກະລາດໃນອູແກຣນ

   ໃນການປະຊຸມສະໄໝປະຈຳ ຢູ່ທີ່ນະຄອນຫຼວງມິນສກ໌ ຂອງເບລາຣຸສ ເມື່ອວັນທີ 1 ຕຸລານີ້ ກຸ່ມພົບປະສາມຝ່າຍ (ປະກອບມີຣັດເຊຍ ອູແກຣນ ອົງການຄວາມໝັ້ນຄົງ ແລະ ການຮ່ວມມືເອີຣົບ - OSCE) ເພື່ອແກ້ໄຂການພິພາດຢູ່ທາງພາກ ຕາເວັນອອກຂອງອູແກຣນ ໄດ້ເຫັນດີເປັນເອກະສັນກັນ ກ່ຽວກັນກົນໄກ "ສູດ Steinmeier" ຊຶ່ງເອີ້ນຕາມ ຊື່ຂອງອະດີດລັດຖະມົນຕີການຕ່າງປະເທດ ຊຶ່ງປັດຈຸບັນ ທ່ານເປັນປະທານາທິບໍດີຂອງເຢຍລະມັນ ກ່ຽວກັບການແກ້ໄຂສະພາບການພິພາດ ຢູ່ໃນເຂດທິດຕາເວັນອອກຂອງອູແກຣນ ຊຶ່ງມີມາຕະຫຼອດ 5 ປີທີ່ຜ່ານມາ.

    ກ່ອນໜ້ານີ້ 4 ປີ ເມື່ອອູແກຣນ ປິດລ້ອມຕໍ່ກົດໝາຍວ່າດ້ວຍຂໍ້ກຳນົດພິເສດ ໃຫ້ແກ່ບັນດາເຂດທີ່ທວງເອົາເອກະລາດນັ້ນ ທ່ານ ແຟຣງ ວານເຕີ ສະເຕເມເອີ (Frank-Walter Steinmeier)  ໄດ້ນຳສະເໜີຂັ້ນຕອນພິເສດໜຶ່ງອອກມາ ເພື່ອໃຫ້ຂໍ້ກນົດມີຜົນບັງຄັບໃຊ້. ຊຶ່ງຕາມນັ້ນແລ້ວກໍແມ່ນ ບັນດາເຂດທີ່ທວງເອົາ ເອກະລາດ ຈະໄດ້ຮັບກົນໄກພິເສດເປັນການຊົ່ວຄາວ ໃນມື້ທີ່ຈັດຕັ້ງການເລືອກຕັ້ງ ກ່ອນກຳນົດຢູ່ທີ່ນັ້ນ. ພຽງແຕ່ວ່າຫຼັງຈາກທີ່ OSCE ປະກາດຜົນການເລືອກຕັ້ງ ແລະ ຮັບຮູ້ຜົນຂອງການເລືອກຕັ້ງເທົ່ານັ້ນ ກົນໄກດັ່ງກ່າວຈຶ່ງມືຜົນບັງຄັບໃຊ້ຍາວນານ.

    "ສູດ Steinmeier" ໄດ້ຮັບການຮັບຮອງຢູ່ໃນການພົບປະຂອງ "ສີ່ຝ່າຍ Normandy" ເມື່ອວັນທີ 2 ຕຸລາ ປີ 2015. ເຖິງຢ່າງໃດກໍຕາມ ຫຼັງຈາກນັ້ນແລ້ວ ທາງການອູແກຣນ ໄດ້ນຳເອົາເງື່ອນໄຂໃໝ່ອອກມາ ຖ້າຫາກວ່າຢາກໃຫ້ ອູແກຣນປະຕິບັດຕາມ. ການເຈລະຈາຕົກສູ່ສະພາບບໍ່ໄປບໍ່ມາ ຈົນມາຮອດບາດກ້າວ ກະໂດດຂັ້ນໃນວັນທີ 1 ຕຸລານີ້.

ຂ່າວທີ່ກ່ຽວຂ້ອງ