ຂ່າວຫຼ້າສຸດ

ສ ອາເມຣິກາ ກັບໄປເປີດສະຖານທູດປະຈໍານະຄອນຫຼວງໂມກາດີຊູ

856 04 ຕ.ລ. 2019 ຂ່າວຕ່າງປະເທດ
ສ ອາເມຣິກາ ກັບໄປເປີດສະຖານທູດປະຈໍານະຄອນຫຼວງໂມກາດີຊູ

    ວັນທີ 2 ຕຸລານີ້ ສ. ອາເມຣິກາ ໄດ້ກັບຄືນໄປເປີດສະຖານທູດຂອງຕົນ ປະຈຳ ນະຄອນຫຼວງ ໂມກາດີຊູ ຂອງໂຊມາລີ ຫຼັງຈາກທີ່ໄດ້ປິດໄປ _28 ປີ.

    ສະຖານທູດຂອງ ສ ອາເມຣິກາ ປະຈຳນະຄອນຫຼວງ ໂມກາດີຊູ ໄດ້ປິດ ລົງເມື່ອປີ 1991 ຍ້ອນຄວາມກັງວົນດ້ານຄວາມສະຫງົບ. ເມື່ອເດືອນທັນວາ ປີ 2018 ສ ອາເມຣິກາ ໄດ້ກັບໄປສ້າງຕັ້ງອົງການຜູ້ຕາງໜ້າດ້ານການທູດຢູ່ທີ່ນັ້ນ ແຕ່ຍັງບໍ່ທັນ ໄດ້ເປີດສະຖານທູດຄືນໃໝ່.

    ທ່ານ ໂດນາລ ຢາມາໂມໂຕ ເອກອັກຄະລັດຖະທູດ ຂອງ ສ ອາເມຣິກາ  ປະຈຳ ໂມກາດີຊູ ໃຫ້ສັນຍາວ່າຈະດຳເນີນການ ເພື່ອເພີ່ມທະວີການຮ່ວມມື ລະຫວ່າງ ສ ອາເມຣິກາ ກັບ ໂຊມາລີ ພ້ອມທັງຂຸກຍູ້ຜົນປະໂຫຍດຍຸດທະສາດຂອງ ສ ອາເມຣິກາ ແລະ  ຊ່ວຍເຫຼືອດ້ານຄວາມໝັ້ນຄົງຮ່ວມກັນ.

ຂ່າວທີ່ກ່ຽວຂ້ອງ