ຂ່າວຫຼ້າສຸດ

ກົດໝາຍວ່າດ້ວຍການຕ້ານຂ່າວປອມຢູ່ໃນສິງກະໂປ ມີຜົນບັງຄັບໃຊ້ຢ່າງເປັນທາງການ

550 04 ຕ.ລ. 2019 ຂ່າວຕ່າງປະເທດ
ກົດໝາຍວ່າດ້ວຍການຕ້ານຂ່າວປອມຢູ່ໃນສິງກະໂປ ມີຜົນບັງຄັບໃຊ້ຢ່າງເປັນທາງການ

    ກົດໝາຍວ່າດ້ວຍການປ້ອງກັນຈາກການຄອບງຳ ແລະ ຫຼອກລວງທາງອອນລາຍ ທີ່ເປັນກົດໝາຍເພື່ອປ້ອງກັນ ແລະ ຫຼີກເວັ້ນຂ່າວປອມ ຂອງສິງໂປ ໄດ້ມີຜົນບັງຄັບໃຊ້ ຢ່າງເປັນທາງການ ນັບແຕ່ວັນທີ 2 ຕຸລານີ້ເປັຮຕົ້ນໄປ.

    ຕາມກົດໝາຍດັ່ງກ່າວແລ້ວ ບັນດາບຸກຄົນທີ່ທຳການລະເມີດ ອາດຈະຖືກ ປັບໃໝເຖິງ 100.000 ໂດລາສິງກະໂປ (ເທົ່າກັບກວ່າ 72.000 ໂດລາສະຫະລັດ) ຫຼືບໍ່ກໍຕ້ອງໄປນອນຢູ່ໃນຄຸກ ເປັນເວລາ 10 ປີ ຫຼືທັງຖືກປັບໃໝ ແລະ ທັງຖືກຈຳຄຸກ ໃນຂະນະທີ່ລະດັບການປັບໃໝຕໍ່ວິສາຫະກິດ ແມ່ນອາດຈະຂຶ້ນເຖິງ 1 ລ້ານໂດລາ ສິງກະໂປ.

    ເອກະສານຂອງກົດໝາຍດັ່ງກ່າວ ຊຶ່ງສະພາແຫ່ງຊາດສິງກະໂປ ຮັບຮອງເມື່ອ ເດືອນພຶດສະພາ ປີ 2019 ລະບຸວ່າ ກົດໝາຍດັ່ງກ່າວ ນຳໃຊ້ກັບບັນດາ ປຶກແຜ່ນຂອງສື່ສັງຄົມ ບັນດາປ່ອງຂໍ້ມູນຂ່າວສານ ປຶກແຜ່ນເຊັ່ນກຸ່ມທີ່ຈາດ (chat) ຫຼືປຶກສາຫາລືທາງອອນລາຍ. ເຖິງຢ່າງໃດກໍຕາມ ເປົ້າໝາຍທີ່ສຳຄັນ ທີ່ກົດໝາຍ ດັ່ງກ່າວໝາຍຕາໄປຫາກໍແມ່ນບັນດາສື່ສັງຄົງ ເຊັ່ນ Facebook Youtue Twitter ແລະ ອື່ນໆ ຊຶ່ງຖືກຕິຕຽນ ກ່ຽວກັບໄພຂອງຂ່າວປອມ ໃນໄລຍະຫຼາຍປີມໍ່ໆມານີ້ ຍ້ອນກົນໄກການຕິດຕາມກວດກາມີຄວາມລະຫຼວມ.

    ລັດຖະບານສິງກະໂປ ເນັ້ນໜັກວ່າ ຜົນປະໂຫຍດຂອງກົດໝາຍດັ່ງກ່າວ ແມ່ນຮັບປະກັນດ້ານຄວາມໝັ້ນຄົງ ແລະ ຄວາມປອດໄພຂອງປະເທດ ປົກປ້ອງການພົວພັນກັບຕ່າງປະເທດ ກໍຄືການສະກັດກັ້ນຜົນກະທົບຈາກພາຍນອກ.

ຂ່າວທີ່ກ່ຽວຂ້ອງ