ຂ່າວຫຼ້າສຸດ

ການປ່ຽນແປງຂອງດິນຟ້າອາກາດ

7.916 02 ຕ.ລ. 2019 ນານາສາລະ

    ກອງ​ປະ­ຊຸມ​ໃຫຍ່​ຂອງ​ອົງ­ການ ສປຊ ສະ­ໄໝ​ສາ­ມັນ ຄັ້ງ​ທີ 74 ປະ­ຈຳ​ປີ 2019 ເຊິ່ງ​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 23-25 ກັນ­ຍາ ຢູ່​ທີ່​ສຳ­ນັກ­ງານ​ໃຫຍ່ ສປຊ ທີ່ ນະ­ຄອນ​ນິວ​ຢອກ ສະ­ຫະ­ລັດ​ອາ​ເມ​ຣິ​ກາ ນັ້ນ​ມີ​ຫຼາຍ​ບັນ­ຫາ.

    ແຕ່​ບັນ­ຫາ​ທີ່​ທົ່ວ​ໂລກ​ໃຫ້​ຄວາມ​ສົນ­ໃຈ ຫຼາຍ​ທີ່​ສຸດ​ແມ່ນ​ເລື່ອງ​ການ​ປ່ຽນ­ແປງ ຂອງ​ດິນ​ຟ້າ​ອາ­ກາດ ເຊິ່ງ​ໃນ​ວັນ​ທີ 23 ກັນ­ຍາ 2019 ກໍ​ໄດ້​ມີ​ກອງ​ປະ­ຊຸມ​ສຸດ​ຍອດ ວ່າ​ດ້ວຍ​ການ​ປ່ຽນ­ແປງ​ດິນ​ຟ້າ​ອາ ກາດ (Climate Action Summit 2019) ພາຍ​ໃຕ້​ຄຳ​ຂວັນ “ການ​ຕໍ່­ສູ້​ທີ່ ພວກ​ເຮົາ​ເອົາ​ຊະ­ນະ​ໄດ້ ແລະ ຕ້ອງ​ຊະ ນະ (A Race We Canwin. A Race We Mustwi) ໂດຍ​ມີ​ຜູ້­ນຳ​ຂັ້ນ​ສູງ ຈາກ​ປະ­ເທດ​ສະ­ມາ­ຊິກ ສປຊ ອົງ​ການ­ຈັດ­ຕັ້ງ​ສາ­ກົນ ທີ່​ເຮັດ​ວຽກ​ຕິດ​ພັນ​ກັບ​ການ ປ່ຽນ­ແປງ​ດິນ​ຟ້າ​ອາ­ກາດ ອົງ​ການ­ຈັດ­ຕັ້ງ​ທາງ​ສັງ­ຄົມ ແລະ ພາກ​ທຸ­ລະ​ກິດ​ເຂົ້າ ຮ່ວມ.

    ອີງ​ຕາມ​ແຫຼ່ງ​ຂ່າວ​ຈາກ​ຕ່າງ­ປະ­ເທດ ໃຫ້​ຮູ້​ວ່າ: ຈຸດ­ປະ­ສົງ​ຂອງ​ກອງ​ປະ­ຊຸມ​ຄັ້ງ ນີ້ ແມ່ນ​ເພື່ອ​ປຶກ­ສາ​ຫາ­ລື​ລະ­ດັບ​ສູງ​ໃນ ການ​ແກ້​ໄຂ​ບັນ­ຫາ​ການ​ປ່ຽນ­ແປງ​ດິນ ຟ້າ​ອາ­ກາດ ແລະ ຊຸກ­ຍູ້​ການ­ຈັດ­ຕັ້ງ​ປະ­ຕິ­ບັດ​ສັນ­ຍາ​ປາ​ຣີ ວ່າ​ດ້ວຍ​ການ​ປ່ຽນ ແປງ​ດິນ​ຟ້າ​ອາ­ກາດ ໃຫ້​ໄວ້​ຂຶ້ນ​ຕື່ມ ແລະ ເປັນ​ຮູບ​ປະ​ທຳ​ຕາມ​ລະ­ດັບ​ຄາດ­ໝາຍ.

    ໃນ​ໂອ­ກາດ​ດັ່ງ­ກ່າວ ທ່ານ Antonio Guterres ເລ­ຂາ­ທິ­ການ​ໃຫຍ່ ສປຊ ໄດ້​ຮຽກ­ຮ້ອງ​ໃຫ້​ປະ­ເທດ​ສະ­ມາ­ຊິກ ສປຊ ເພີ່ມ​ທະ­ວີ​ຄວາມ​ພະ­ຍາ­ຍາມ​ໃນ ການ­ຈັດ­ຕັ້ງ​ປະ­ຕິ­ບັດ​ແຜນ​ງານ​ແຫ່ງ ຊາດ ໃນ​ການ​ປະ­ກອບ­ສ່ວນ​ແກ້​ໄຂ​ບັນ ຫາ​ການ​ປ່ຽນ­ແປງ​ດິນ​ຟ້າ​ອາ­ກາດ​ຂອງ​ແຕ່​ລະ​ປະ­ເທດ​ໃຫ້​ປາ­ກົດ​ຜົນ​ເປັນ​ຈິງ ພາຍ​ໃນ​ປີ 2020 ເພື່ອ​ຫຼຸດ­ຜ່ອນ​ການ ປ່ອຍ​ທາດ​ອາຍ​ເຮືອນ​ແກ້ວ ໃຫ້​ໄດ້ 45 ສ່ວນ​ຮ້ອຍ ພາຍ​ໃນ​ທົດ​ສະ​ວັດ​ໜ້າ ພ້ອມ ທັງ​ວາງ​ເປົ້າ​ໝາຍ​ຫຼຸດ­ຜ່ອນ​ການ​ປ່ອຍ ແລະ ການ​ດູດ​ຊຶມ​ຊັບ​ທາດ​ອາຍ​ເຮືອນ ແກ້ວ ໃຫ້​ເປັນ​ສູນ​ພາຍ​ໃນ​ປີ 2050 ຕາມ​ທີ່​ໄດ້​ກຳ­ນົດ​ໄວ້​ໃນ​ສັນ­ຍາ​ປາ​ຣີ ວ່າ ດ້ວຍ​ການ​ປ່ຽນ­ແປງ​ດິນ​ຟ້າ​ອາ­ກາດ ກອງ​ປະ­ຊຸມ​ຄັ້ງ​ນີ້ ຍັງ​ໄດ້​ຕີ​ລາ­ຄາ​ວ່າ­ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ໃນ​ປັດ­ຈຸ­ບັນ ໄດ້​ກາຍ­ເປັນ​ໄພ​ຂົ່ມ­ຂູ່​ຕໍ່ ມວນ​ມະ­ນຸດ ອຸນ­ຫະ­ພູມ​ຂອງ​ໂລກ​ຮ້ອນ ແຮງ​ຂຶ້ນ​ກວ່າ​ປົກ­ກະ­ຕິ ລະ­ດູ​ໜາວ​ໃນ ມະ­ຫາ​ສະ­ໝຸດ​ອາກ​ຕິກ ມີ​ອຸນ­ຫະ­ພູມ ເພີ່ມ​ຂຶ້ນ 3 ອົງ­ສາ​ເຊ ນັບ​ແຕ່​ປີ 1991 ເປັນ­ຕົ້ນ​ມາ ລະ­ດັບ​ນ້ຳ​ທະ­ເລ​ເພີ່ມ​ຂຶ້ນ ຢ່າງ​ຕໍ່​ເນື່ອງ ປະ­ຊາ­ກອນ​ໂລກ​ພວມ​ປະ ເຊີນ​ໜ້າ​ກັບ​ໄພ​ຂົ່ມ­ຂູ່​ຈາກ​ການ​ປ່ຽນ­ແປງ​ດິນ​ຟ້າ​ອາ­ກາດ ຊຶ່ງ​ຈະ​ເປັນ​ຜົນ​ກະ­ທົບ​ໂດຍ​ກົງ​ຕໍ່​ການ​ດຳ­ລົງ​ຊີ­ວິດ ສຸ­ຂະ­ພາບ ແລະ ການ​ຄ້ຳ­ປະ­ກັນ​ສະ­ບຽງ​ອາ­ຫານ ພ້ອມ​ທັງ​ເຮັດ​ໃຫ້​ເກີດ​ຄວາມ​ເສຍ ຫາຍ​ທາງ​ດ້ານ​ເສດ­ຖະ­ກິດ-ສັງ­ຄົມ ແລະ ສິ່ງ­ແວ­ດລ້ອມ​ໃນ​ປັດ­ຈຸ­ບັນ ແລະ ອະ­ນາ­ຄົດ ຕໍ່​ບັນ­ຫາ​ດັ່ງ­ກ່າວ ຄະ­ນະ​ຜູ້ ແທນ​ກອງ​ປະ­ຊຸມ ໄດ້​ໃຫ້​ທັດ­ສະ­ນະ​ວ່າ: ບັນ­ຫາ​ດັ່ງ­ກ່າວ​ສາ­ມາດ​ແກ້​ໄຂ​ໄດ້ ຖ້າ ພວກ​ເຮົາ​ຮ່ວມ​ມື​ກັນ​ຫຼຸດ­ຜ່ອນ​ການ ປ່ອຍ​ທາດ​ອາຍ​ເຮືອນ​ແກ້ວ ພາຍ​ໃນ 10 ປີ​ຂ້າງ​ໜ້າ ແລະ ຫຼຸດ­ຜ່ອນ​ການ​ເພີ່ມ​ຂຶ້ນ ຂອງ​ອຸນ­ຫະ­ພູມ​ໂລກ ໃຫ້​ຫຼຸດ​ລົງ​ຈາກ 2 ອົງ­ສາ​ເຊ ມາ​ເປັນ 1.5 ອົງ­ສາ​ເຊ ຂອງ​ໄລ­ຍະ​ກ່ອນ​ຍຸກ​ອຸດ­ສາ­ຫະ­ກຳ ຜົນ​ໄດ້​ຮັບ ຂອງ​ກອງ​ປະ­ຊຸມ​ດັ່ງ­ກ່າວ ຈະ​ຖືກ​ນຳ­ໄປ​ສະ­ເໜີ​ຕໍ່​ກອງ​ປະ­ຊຸມ​ລັດ​ພາ­ຄີ​ສົນ­ທິ​ສັນ ຍາ ວ່າ​ດ້ວຍ​ການ​ປ່ຽນ­ແປງ​ດິນ​ຟ້າ​ອາ ກາດ ຄັ້ງ​ທີ 25 (COP25) ຊຶ່ງ​ຈະ​ຈັດ​ຂຶ້ນ​ໃນ​ເດືອນ​ທັນ­ວາ 2019 ທີ່​ປະ­ເທດ​ຈີ​ເລ.

    ວິ­ທະ­ຍຸ​ກະ­ຈາຍ­ສຽງ​ຫວຽດ­ນາມ (VOV WORLD) ສະ­ບັບ​ອອນ​ລາຍ​ລົງ ວັນ​ທີ 26 ກັນ­ຍາ 2019 ໄດ້​ລົງ​ພິມ​ບົດ ໃນ​ຫົວ­ຂໍ້:“..ຄວາມ​ວິ­ຕົກ​ກັງ­ວົນ​ໃນ​ການ​ຕໍ່­ສູ້​ຕ້ານ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ..” ມີ​ບາງ​ຈຸດ​ເນັ້ນ​ວ່າ:

    - ບໍ່​ມີ​ຄວາມ​ຄືບ​ໜ້າ​ປານ­ໃດ​ຈາກ​ບັນ ດາ​ປະ­ເທດ​ປ່ອຍ​ອາຍ CO2 ມີ​ຫຼາຍ​ຄຳ​ໝັ້ນ​ສັນ­ຍາ​ໄດ້​ຍົກ​ອອກ​ມາ ແຕ່​ຜັດ​ຂາດ​ຄຳ​ໝັ້ນ​ໝາຍ ກໍ​ຄື ການ​ກະ­ທຳ​ຢ່າງ​ຂ້ຽວ­ຂາດ​ຂອງ​ປະ­ເທດ​ປ່ອຍ ອາຍ​ພິດ​ເຮືອນ​ແກ້ວ​ດ້ວຍ​ປະ­ລິ­ມານ ຂະ­ໜາດ​ໃຫຍ່ ກໍ່­ໃຫ້­ເກີດ​ການ​ປ່ຽນ­ແປງ ຂອງ​ດິນ​ຟ້າ​ອາ­ກາດ ນັ້ນ​ແມ່ນ​ສິ່ງ​ທີ່ ເປັນ​ໜ້າ​ເສຍ­ດາຍ ແລະ ສິ່ງ​ທີ່​ເປັນ​ໜ້າ ສົນ­ໃຈ ນັ້ນ​ແມ່ນ ທ່ານ​ປະ­ທາ­ນາ­ທິ­ບໍ­ດີ ອາ​ເມ​ຣິ​ກາ Donald Trump ຊຶ່ງ​ແມ່ນ ການ​ນຳ​ໄດ້​ຕົກ­ລົງ​ຖອນ​ອາ​ເມ​ຣິ​ກາ ອອກ​ຈາກ​ສັນ­ຍາ​ປາ​ຣີ  2015 ກ່ຽວ​ກັບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ໄດ້

ສ້າງ​ເຫດ­ຜົນ​ວ່າ ຕ້ອງ​ເຂົ້າ​ຮ່ວມ​ການ​ປະ ຊຸມ​ດ່ວນ​ກ່ຽວ​ກັບ “ໄພ­ພິ­ບັດ​ນ້ຳ​ຖ້ວມ” ຢູ່​ນະ­ຄອນ Houston ເພື່ອ​ບໍ່​ກ່າວ​ປາ​ໄສ ທີ່​ກອງ​ປະ­ຊຸມ​ນີ້” ຕາມ​ວົງ​ການ​ນັກ​ໄຈ້ ແຍກ​ແລ້ວ ການ­ສະ­ແດງ​ຂອງ​ອາ​ເມ ຣິ​ກາ ທີ່​ກອງ​ປະ­ຊຸມ​ປີ​ນີ້ ແມ່ນ​ແຕກ​ຕ່າງ ຫຼາຍ ເມື່ອ​ທຽບ­ໃສ່​ກອງ​ປະ­ຊຸມ​ກ່ອນ​ນີ້ ຖ້າ​ກ່ອນ​ນີ້ ອາ​ເມ​ຣິ​ກາ ເປັນ​ເຈົ້າ​ການ ໃນ​ການ​ຊຸກ­ຍູ້​ບັນ­ດາ​ປະ­ເທດ​ອື່ນ​ຕ້ອງ ມີ​ການ​ກະ­ທຳ​ຢ່າງ​ເຂັ້ມ​ງວດ​ກວ່າ ກ່ຽວ​ກັບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ແຕ່​ປັດ­ຈຸ­ບັນ ອຳ­ນາດ​ການ​ປົກ­ຄອງ​ຂອງ ທ່ານ D.Trump ຜັດ​ເມີນ​ເສຍ​ຂໍ້​ກຳ­ນົດ ຕ່າງໆ​ກ່ຽວ​ກັບ​ສິ່ງ­ແວ­ດລ້ອມ ຊຶ່ງ​ເຄີຍ ໄດ້​ວາງ​ອອກ​ເພື່ອ​ຫຼຸດ­ຜ່ອນ​ອາຍ​ພິດ ເຮືອນ​ແກ້ວ ຈາກ​ພາ­ຫະ­ນະ​ສັນ­ຈອນ ໂຮງ­ງານ​ຜະ­ລິດ​ໄຟ­ຟ້າ​ໃຊ້​ຖ່ານ​ຫີນ ນ້ຳ ມັນ​ບໍ່..

    ສຳ­ລັບ​ຝ່າຍ​ຈີນ​ແລ້ວ ປະ­ເທດ​ນີ້ ບໍ່​ມີ ສັນ­ຍາ​ຫຍັງ ສະ­ແດງ​ໃຫ້​ເຫັນ​ວ່າ ພ້ອມ ແລ້ວ​ທີ່​ຈະ​ວາງ​ບັນ­ດາ​ເປົ້າ​ໝາຍ​ແຮງ ກວ່າ ເພື່ອ​ຫຼຸດ­ຜ່ອນ​ການ​ນຳ​ໃຊ້​ເຊື້ອ​ເພີງ ຟອດ​ຊິ​ສ (Fossil Fuel) ຄື​ດັ່ງ​ຫຼາຍ​ຄົນ ຕັ້ງ​ຄວາມ​ຫວັງ ທ່ານ ຫວາງ​ອີ ຜູ້­ຕາງ­ໜ້າ​ພິ­ເສດ​ຂອງ​ທ່ານ​ປະ­ທານ​ປະ­ເທດ​ຈີນ ສີ ຈີ້ນ​ຜິ້ງ ໄດ້​ໃສ່­ໃຈ​ວ່າ ຈີນ ພວມ​ຮັກ­ສາ​ຄຳ​ໝັ້ນ​ສັນ­ຍາ​ທີ່​ໄດ້​ຍົກ​ອອກ​ມາ ຂໍ້​ຕົກ­ລົງ ປາ​ຣີ ປີ 2015 ໃນ​ຂະ­ນະ​ທີ່​ມີ ບາງ​ປະ­ເທດ​ບໍ່​ຮັກ­ສາ​ຄຳ​ໝັ້ນ​ສັນ­ຍາ ຈີນ ຍັງ​ບໍ່​ທັນ​ຢາກ​ມີ​ການ​ກະ­ທຳ​ຢ່າງ​ແຮງ ກວ່າ​ໃນ​ຄວາມ​ມາ­ນະ​ພະ­ຍາ­ຍາມ​ຕ້ານ ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ  ເມື່ອ​ປະ­ເທດ​ຮັ່ງ­ມີ​ກວ່າ​ບໍ່​ມີ​ການ​ກະ­ທຳ ຢ່າງ​ເໝາະ​ສົມ.

    ທ່ານ​ນາ­ຍົກ­ລັດ­ຖະ­ມົນ­ຕີ ອິນ​ເດຍ Narendra Modi ພຽງ​ແຕ່​ຊີ້​ໃຫ້​ຮູ້​ວ່າ ປະ­ເທດ​ນີ້ ຈະ​ເພີ່ມ​ການ​ນຳ​ໃຊ້​ພະ­ລັງ ງານ​ຜະ­ລິດ​ຄືນ­ໃໝ່ ເຖິງ​ປີ 2022 ແຕ່​ບໍ່​ມີ​ຄຳ​ໝັ້ນ​ສັນ­ຍາ​ໃດ​ກ່ຽວ​ກັບ​ການ​ຫຼຸດ­ຜ່ອນ​ການ​ອີງ­ໃສ່​ຖ່ານ​ຫີນ.

    ຜົນ​ກະ­ທົບ​ຈາກ​ສະ­ພາບ​ການ​ປ່ຽນ ແປງ​ຂອງ​ດິນ​ຟ້າ​ອາ­ກາດ ພວມ​ກໍ່​ວິ​ກິດ ການ​ໃຫຍ່​ໃນ​ທົ່ວ​ໂລກ ຢູ່​ໃນ​ຫຼາຍ​ແງ່​ມູມ ແລະ ສົ່ງ​ຜົນ​ສະ­ທ້ອນ​ຢ່າງ​ຫຍໍ້­ທໍ້​ເຖິງ​ຊີ ວິດ​ຂອງ​ປະ­ຊາ­ຊົນ ສະ­ພາບ​ການ​ນີ້ ຈະ​ນັບ​ມື້​ນັບ​ຊົ່ວ​ຮ້າຍ​ລົງ​ເມື່ອ​ໂລກ​ບໍ່​ເຫັນ​ດີ ເຫັນ​ພ້ອມ​ໃນ​ການ​ຕໍ່­ສູ້​ຕ້ານ​ການ​ປ່ຽນ ແປງ​ຂອງ​ດິນ​ຟ້າ​ອາ­ກາດ...”.

    ສຳ­ລັບ ສປປ ລາວ ເຮົາ ຄະ­ນະ​ຜູ້​ແທນ​ນຳ​ໂດຍ ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ ກະ­ຊວງ​ການ​ຕ່າງ­ປະ­ເທດ ກໍ​ໄດ້​ເຂົ້າ​ຮ່ວມ​ກອງ​ປະ­ຊຸມ​ດັ່ງ ກ່າວ.

    ໂດຍ​ຄະ­ນະ​ຜູ້​ແທນ​ເຮົາ ກໍ​ໄດ້​ເອົາ­ໃຈ ໃສ່​ປະ­ກອບ­ສ່ວນ​ຢ່າງ​ຫ້າວ­ຫັນ ແລະ ໃຫ້​ຄຳ​ໝັ້ນ​ໝາຍ​ໃນ​ການ​ຮ່ວມ​ມື​ກັບ​ວົງ​ຄະ­ນະ​ຍາດ​ສາ­ກົນ ເພື່ອ​ແກ້​ໄຂ​ກັບ​ບັນ ຫາ​ການ​ປ່ຽນ­ແປງ​ດິນ​ຟ້າ​ອາ­ກາດ.

    ໃນ​ໄລ­ຍະ​ເຂົ້າ​ຮ່ວມ​ກອງ​ປະ­ຊຸມ​ດັ່ງ­ກ່າວ ທ່ານ​ນາງ ບຸນ​ຄຳ ວໍ­ລະ​ຈິດ ຮອງ​ລັດ­ຖະ­ມົນ­ຕີ ກະ­ຊວງ​ຊັບ­ພະ­ຍາ­ກອນ​ທຳ ມະ​ຊາດ ແລະ ສິ່ງ­ແວ­ດລ້ອມ ກໍ​ໄດ້​ເຂົ້າ ຮ່ວມ​ກອງ​ປະ­ຊຸມ​ລະ­ດັບ​ລັດ­ຖະ­ມົນ­ຕີ​ກ່ຽວ​ກັບ​ການ​ລົງ­ທຶນ​ເຂົ້າ​ໃສ່​ການ​ປັບ ຕົວ​ເຂົ້າ​ກັບ​ການ​ປ່ຽນ­ແປງ​ດິນ​ຟ້າ​ອາ ກາດ ໂດຍ​ຜ່ານ​ກອງ​ທຶນ​ການ​ປ່ຽນ­ແປງ ດິນ​ຟ້າ​ອາ­ກາດ ສຳ­ລັບ​ປະ­ເທດ​ດ້ອຍ​ພັດ ທະ​ນາ ກອງ​ປະ­ຊຸມ​ຍັງ​ໄດ້​ນຳ​ສະ­ເໜີ ການ​ເປັນ​ຄູ່​ຮ່ວມ​ມື​ຈັດ​ຕັ້ງ​ປະ­ຕິ­ບັດ​ແຜນ​ງານ​ແຫ່ງ​ຊາດ ໃນ​ການ​ປະ­ກອບ­ສ່ວນ​ແກ້​ໄຂ​ບັນ­ຫາ​ການ​ປ່ຽນ­ແປງ​ດິນ​ຟ້າ​ອາ­ກາດ.

    ພວກ​ເຮົາ​ຈະ​ໄດ້​ຕິດ­ຕາມ​ຕໍ່​ໄປ !

ຂ່າວທີ່ກ່ຽວຂ້ອງ