ຂ່າວຫຼ້າສຸດ

WB ຊ່ວຍ​ເຫຼືອ​ອິນ​ໂດ​ເນ​ເຊຍ ພັດທະນາ​ພະລັງງານ​

609 02 ຕ.ລ. 2019 ຂ່າວຕ່າງປະເທດ
WB ຊ່ວຍ​ເຫຼືອ​ອິນ​ໂດ​ເນ​ເຊຍ ພັດທະນາ​ພະລັງງານ​

    ເມື່ອ​ບໍ່​ດົນ​ມາ​ນີ້ ທະນາຄານ​ໂລກ (WB) ໄດ້​ຮັບຮອງ​ບ້ວງ​ເງິນ​ກູ້ 150 ລ້ານ​ໂດ​ລາ​ສະຫະລັດ ເພື່ອ​ຊ່ວຍເຫຼືອ​ອິນ​ໂດ​ເນ​ເຊຍ ໃນ​ການ​ເພີ່ມ​ຂະໜາດ​ການ​ລົງທຶນ​ເຂົ້າ​ໃນ​ພະລັງງານ​ຄວາມ​ຮ້ອນ​ຈາກ​ດິນ ໂດຍ​ຜ່ານ​ການ​ຫຼຸດຜ່ອນ​ຄວາມ​ສ່ຽງ ໃນ​ໄລຍະ​ການ​ສຳ​ຫຼວດ​ເບື້ອງ​ຕົ້ນ.

    WB ໃຫ້​ຮູ້​ວ່າ ບ້ວງ​ເງິນ​ກູ້​ດັ່ງກ່າວ ຈະ​ໄດ້​ຮັບ​ການ​ອະນຸມັດ​ໄປ​ພ້ອມ​ກັບ​ບັນດາ​ບ້ວງ​ເງິນ​ຊ່ວຍເຫຼືອ ທີ່​ມີ​ຍອດ​ມູນ​ຄ່າ 127,5 ລ້ານ​ໂດ​ລາ​ສະຫະລັດ ຈາກ​ກອງ​ທຶນ​ອາກາດ​ສີຂຽວ ແລະ ກອງ​ທຶນ​ເຕັກ​ໂນ​ໂລ​ຊີ​ສະອາດ ຊຶ່ງ​ເປັນ​ສອງ​ອົງການ​ທີ່​ໃຫ້​ຄວາມ​ຊ່ວຍເຫຼືອ​ຜັນ​ຂະຫຍາຍ​ບັນດາ​ໂຄງການ​ທີ່​ເປັນ​ມິດ​ກັບ​ສິ່ງແວດລ້ອມ.

    WB ເຫັນ​ວ່າ ພະລັງງານ​ຄວາມ​ຮ້ອນ​ຈາກ​ດິນ ຈະ​ມີ​ບົດບາດ​ສຳຄັນ ເຂົ້າ​ໃນ​ການ​ຫຼຸດຜ່ອນ​ການ​ປ່ອຍ​ແກ​​ັສ​ເຮືອນ​ແກ້ວ ຢູ່​ໃນ​ອິນ​ໂດ​ເນ​ເຊຍ. ໂດຍ​ທີ່​ເປັນ​ພະລັງງານ​ສະອາດ ແລະ ໝູນວຽນ​ດ້ວຍ​ແຫຼ່ງ​ສະໜອງ​ຢ່າງ​ຕໍ່​ເນື່ອງ​ນັ້ນ ຄວາມ​ຮ້ອນ​ຈາກ​ດິນ​ສາມາດ​ຊ່ວຍ​ຫຼຸດຜ່ອນ​ການ​ທີ່​ອິນ​ໂດ​ເນ​ເຊຍ ອີງໃສ່​ແຫຼ່ງ​ໄຟຟ້າ​ຈາກ​ບັນດາ​ໂຮງງານ​ທີ່​ໃຊ້​ຖ່ານ​ຫີນ ແລະ ເຊື້ອ​ໄຟ​ແຂງ​ອື່ນໆ. ຖ້າ​ຫາ​ກວ່າ​ຊັບພະຍາກອນ​ດັ່ງກ່າວ ສາມາດ​ເຂົ້າ​ຫາ​ໄດ້​ຢ່າງ​ງາຍ​ດາຍ​ແລ້ວ ຄ່າ​ໃຊ້​ຈ່າຍ​ໃນ​ການ​ຜະລິດ ຈະ​ແກ້ງ​ແຍ່ງ​ກັບ​ຖ່ານ​ຫີນ ແລະ ແກ​​ັສ​ທຳ​ມະ​ຊາດ.

ຂ່າວທີ່ກ່ຽວຂ້ອງ