ຂ່າວຫຼ້າສຸດ

ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ປະ​ເທດ​ຊີ​ເລ ​ແລະ ​ ຟີ​ລິບ​ປິນ

517 01 ຕ.ລ. 2019 ຂ່າວຕ່າງປະເທດ
ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ປະ​ເທດ​ຊີ​ເລ ​ແລະ ​ ຟີ​ລິບ​ປິນ

    ອົງການ​ສຳ​ຫຼວດ​ທໍລະນີ​ສາດ​ຂອງ ສ ອາ​ເມ​ຣິ​ກາ (USGS) ແຈ້ງ​ໃຫ້​ຮູ້​ວ່າ ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັນ​ສະເທືອນ​ໄດ້ 7,2 ອົງສາ​ຣິກ​ເຕີ ທີ່​ມີ​ຈຸດ​ສູນ​ກາງ​ຢູ່​ເລິກ​ລົງ​ໄປ​ໃຕ້​ດິນ​ປະມານ 3,6​ກມ ຢູ່​ຫ່າງ​ຈາກ​ນະຄອນ ຕາ​​ລ​ກາ 134​ກມ ໄດ້​ເຮັດ​ໃຫ້​ເກີດ​ສັ່ນ​ສະເທືອນ​ຢູ່​ຕາມ​ແຄມ​ຝັ່ງ​ທະເລ​ຂອງ​ປະເທດ​ຊີ​ເລ ເມື່ອ​ວັນ​ທີ 29 ກັນຍາ​ທີ່​ຜ່ານ​ມາ. ສູນ​ແຈ້ງ​ເຕືອນ​ສຶ​ນາ​ມິ​ໃນ​ຍ່ານ​ມະຫາ​ສະໝຸດ​ປາ​ຊີ​ຟິກ ໃຫ້ການ​ພະຍາກອນ​ວ່າ ມີ​ຄວາມ​ເປັນ​ໄປ​ໄດ້​ຫຼາຍ ທີ່​ເຫດການ​ແຜ່ນດິນ​ໄຫວ​ເທື່ອ​ນີ້ ບໍ່​ເຮັດ​ໃຫ້​ເກີດ​ສຶ​ນາ​ມິ.

    ໃນ​ວັນ​ດຽວ​ກັນ ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,4 ອົງສາ​ຣິກ​ເຕີ ໄດ້​ເຮັດ​ໃຫ້​ເກີດ​ສັ່ນ​ສະເທືອນ​ໃນ​ພື້ນ​ທີ່​ແຂວງ ດາ​ວາວ ໂອ​ຊີ​ເດນ​ຕາ​​ລ ເທິງ​ເກາະ​ມິນ​ດາ​ນາວ (ພາກ​ໃຕ້​ຟີ​ລິບ​ປິນ). ເຫດການ​ແຜ່ນດິນ​ໄຫວ​ເທື່ອ​ນີ້ ມີ​ຈຸດ​ສູນ​ກາງ​ເລິກ​ລົງ​ໄປ​ໃຕ້​ດິນ 89​ກມ ແລະ ຢູ່​ຫ່າງ​ຈາກ​ເຂດ ປຸນ​ດາ​ກຸຍ​ຕານ ປະມານ 84​ກມ ໄປ​ທາງ​ທິດຕາເວັນອອກ​ສ່ຽງ​ໃຕ້.

ໃນ​ເວລາ​ທີ່​ລາຍ​ງານ​ຂ່າວ​ນັ້ນ ຍັງ​ບໍ່​ທັນ​ມີ​ຂໍ້​ມູນ​ກ່ຽວ​ກັບ​ຄວາມ​ເສຍ​ຫາຍ​ທາງ​ດ້ານ​ຊີວິດ​ອິນ​ຊີ ແລະ ວັດຖຸ​ສິ່ງ​ຂອງ ທີ່​ເກີດ​ຈາກ​ເຫດການ​ແຜ່ນດິນ​ໄຫວ​ທັງ​ສອງ​ລາຍ​ນັ້ນ​ແຕ່​ຢ່າງໃດ.

ຂ່າວທີ່ກ່ຽວຂ້ອງ