ຂ່າວຫຼ້າສຸດ

ນັກກີລາລອຍນໍ້າຄົນພິການລາວ ຄວ້າອັນດັບ 2 ຊີງແຊັມ ທີ່ຍີ່ປຸ່ນ

1.404 30 ກ.ຍ. 2019 ຫົວຂໍ້ຂ່າວອື່ນໆ
ນັກກີລາລອຍນໍ້າຄົນພິການລາວ ຄວ້າອັນດັບ 2 ຊີງແຊັມ ທີ່ຍີ່ປຸ່ນ

    ທ້າວ ລຳ​ພອນ ຕັນ​ດາ​ວົງ ນັກ­ກີ­ລາ​ລອຍ­ນ້ຳ​ຄົນ​ພິ­ການ​ລາວ ສາ­ມາດ​ຄວ້າ​ຫຼຽນ​ເງິນ ໃນ​ການ​ແຂ່ງຂັນ​ກີ­ລາ​ຄົນ​ພິ­ການ ຊີງ​ແຊັມ​ປະ­ເທດ​ຍີ່­ປຸ່ນ ປະ­ຈຳ​ປີ 2019 ວັນ​ທີ 22 ກັນ­ຍາ 2019 ປະ­ເພດ​ລອຍ­ນ້ຳ​ທ່າ​ກົບ 100 ແມັດ​ຊາຍ ປະ­ເພດ SB9 (ພິ­ການ​ຂາ ແລະ ຫົວ­ເຂົ່າ​ໜຶ່ງ​ເບື້ອງ) ເວ­ລາ 1 ນາ­ທີ 40,86 ວິ­ນາ­ທີ ຕາມ​ຫລັງ​ນັກ­ກີ­ລາ​ຈາກ​ຍີ່­ປຸ່ນ​ເຈົ້າ­ພາບ 1 ວິ­ນາ­ທີ ກາຍ­ເປັນ​ຜົນ­ງານ​ອັນ​ໃໝ່​ຂອງ​ນັກ­ກີ­ລາ​ລອຍ­ນ້ຳ​ຄົນ​ພິ­ການ​ລາວ.

    ທັງ​ນີ້ ກໍ​ເພື່ອ​ເປັນ​ການ​ກຽມ​ຄວາມ​ພ້ອມ​ກ່ອນ​ຮ່ວມ​ກີ­ລາ​ຄົນ​ພິ­ການ​ອາ​ຊຽນ ຄັ້ງ​ທີ 10 ທີ່​ປະ­ເທດ​ຟີ​ລິບ​ປິນ ໃນ​ວັນ​ທີ 18-25 ມັງ­ກອນ ປີ 2020 ແລະ ກຽມ​ຮ່ວມ​ງານ​ກີ­ລາ​ໂອ​ແລມ​ປິກ​ລະ­ດູ​ຮ້ອນ​ຂອງ​ຄົນ​ພິ­ການ ຄັ້ງ​ທີ 16 ທີ່​ນະ­ຄອນ­ຫຼວງ​ໂຕ​ກຽວ ປະ­ເທດ​ຍີ່­ປຸ່ນ ຈະ​ເປັນ​ເຈົ້າ­ພາບ ໃນ​ວັນ​ທີ 25 ສິງ­ຫາ ຫາ​ວັນ​ທີ 6 ກັນ­ຍາ ປີ 2020.

    ການ​ແຂ່ງ­ຂັນ​ຄັ້ງ​ນີ້ ສປປ ລາວ ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 2 ປະ­ເພດ​ຄື: ຍົກ​ນ້ຳ­ໜັກ ແລະ ລອຍ­ນ້ຳ ນອກ­ຈາກ​ນັກ­ກີ­ລາ​ຈາກ​ຍີ່­ປຸ່ນ​ຮ່ວມ​ຊີງ​ໄຊ​ແລ້ວ ຍັງ​ມີ​ນັກ­ກີ­ລາ​ຈາກ ສປປ ລາວ ອົດ​ສະ​ຕຣາ​ລີ ສ ເກົາ­ຫຼີ ແລະ ສິງ­ກະ­ໂປ ເຂົ້າ​ຮ່ວມ​ສ້າງ​ສີ­ສັນ ແລະ ທົດ​ສອບ​ຄວາມ​ສາ­ມາດ ໃຫ້​ກຽດ​ເຂົ້າ​ຮ່ວມ​ຊົມ ແລະ ໃຫ້​ກຳ­ລັງ​ໃຈ​ນັກ­ກີ­ລາ​ຄັ້ງ​ນີ້​ມີ ທ່ານ​ນາງ ແສງ​ເດືອນ ຫຼ້າ​ຈັນ­ທະ​ບູນ ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ.

ຂ່າວທີ່ກ່ຽວຂ້ອງ