ຂ່າວຫຼ້າສຸດ

ຮົງ​ກົງ​ ໄດ້​ຮັບ​ການ​ປະ​ເມີນ​ເປັນ​ພື້ນຖານ​ເສດຖະກິດ​​ເສລີ​ທີ່​ສຸດ​ໃນ​ໂລກ​​ອີກ​ເທື່ອ​ໜຶ່ງ

134 26 ກ.ຍ. 2019 ຂ່າວຕ່າງປະເທດ
ຮົງ​ກົງ​ ໄດ້​ຮັບ​ການ​ປະ​ເມີນ​ເປັນ​ພື້ນຖານ​ເສດຖະກິດ​​ເສລີ​ທີ່​ສຸດ​ໃນ​ໂລກ​​ອີກ​ເທື່ອ​ໜຶ່ງ

    ເມື່ອ​ບໍ່​ດົນ​ມາ​ນີ້ ອົງການ​ປົກຄອງ​ເຂດ​ບໍລິຫານ​ພິເສດ​ຮົງ​ກົງ (ຈີນ) ໄດ້​ສະແດງ​ຄວາມ​ຍິນ​ດີ​ຕໍ່​ການ​ທີ່​ສະ​ຖາ​ບັນ​ຄົ້ນຄວ້າ​ຟຣາ​ເຊີ​​ຣ​ກາ​ນາ​ດາ ໃຫ້ການ​ປະ​ເມີນ​ວ່າ​ຮົງ​ກົງ ເປັນ​ພື້ນຖານ​ເສດຖະກິດ​ເສລີ​ທີ່​ສຸດ​ໃນ​ໂລກ​ອີກ​ເທື່ອ​ໜຶ່ງ ຊຶ່ງ​ມີ​ອອກ​ມາ​ຢູ່​ໃນ “ບົດ​ລາຍ​ງານ​ຄວາມ​ເສລີ​ດ້ານ​ເສດຖະກິດ​ໂລກ​ປະຈຳ​ປີ 2019”. ນັບ​ແຕ່​ການ​ເປີດເຜີຍ​ບົດ​ລາຍ​ງານ​ນີ້​ເປັນຕົ້ນ​ມາ ຮົງ​ກົງ​ໄດ້​ຮັກສາ​ຖານະ​ອັນ​ດັບ​ໜຶ່ງ​ຢ່າງ​ສະເໝີ​ຕົ້ນ​ສະເໝີ​ປາຍ.

    ໂຄສົກ​ຂອງ​ອົງການ​ປົກຄອງ​ເຂດ​ພິເສດ​ຮົງ​ກົງ ກ່າວ​ວ່າ ເລື່ອງ​ດັ່ງກ່າວ ໄດ້​ສະແດງ​ໃຫ້​ເຫັນ​ເຖິງ​ຄວາມ​ຕັດສິນ​ໃຈ​ຂອງ​ອົງການ​ປົກຄອງ​ພິເສດ​ຮົງ​ກົງ ໃນ​ການ​ເດັດດ່ຽວ​ສ້າງ​ພື້ນຖານ​ເສດຖະກິດ​ເສລີ ແລະ ສະໜອງ​ສິ່ງແວດລ້ອມ​ການ​ດຳເນີນ​ທຸລະ​ກິດ​ທີ່​ຍຸຕິ​ທຳ​ຢ່າງ​ສະເໝີ​ຕົ້ນ​ສະເໝີ​ປາຍ.

    ໂຄສົກ​ກ່າວ​ຕື່ມ​ວ່າ ອົງການ​ປົກຄອງ​ເຂດ​ພິເສດ​ຮົງ​ກົງ ຈະ​ພະຍາຍາມ​ປັບປຸງ​ທ່າແຮງ​ດ້ານ​ໂຄງ​ປະກອບ​ຂອງ​ຕົນ ລວມ​ທັງ​ການ​ປົກຄອງ​ຕາມ​ກົດໝາຍ​ທີ່​ເປັນ​ມູນເຊື້ອ​ທີ່​ດີ ລະບຽບ​ການ​ດ້ານ​ການ​ຄ້າ ແລະ ການ​ລົງທຶນ​ແບບ​ເສລີ ລະບຽບ​ການ​ພາສີ​ອາກອນ​ແບບ​ລຽບ​ງ່າຍ ແລະ ມີ​ອັດຕາ​ຕ່ຳ ສິ່ງແວດລ້ອມ​ການ​ດຳເນີນ​ທຸລະ​ກິດ​ທີ່​ດີ ແລະ ອົງການ​ປົກຄອງ​ທີ່​ມີ​ປະສິດທິພາບ​ສູງ. ທ່າແຮງ​ເຫຼົ່າ​ນີ້ ໄດ້​ສະໜອງ​ສິ່ງແວດລ້ອມ​ທີ່​ເອື້ອ​ອຳນວຍ ໃຫ້​ວິ​ສາ​ຫະ​ກິດ​ສາມາດ​ພັດທະນາ​ເປັນ​ຢ່າງ​ດີ ເຮັດ​ໃຫ້​ເສດຖະກິດ​ສາມາດ​ພັດທະນາ​ຢ່າງ​ຕໍ່​ເນື່ອງ ແລະ ຈະເລີນ​ຮຸ່ງເຮືອງ​ໂດຍ​ລວມ ແລະ ສາມາດ​ຮັບ​ມື​ກັບ​ສິ່ງ​ທ້າ​ທາຍ​ທີ່​ເກີດ​ຂຶ້ນ​ໃນ​ທຸກ​ເວລາ​ໄດ້.

ຂ່າວທີ່ກ່ຽວຂ້ອງ