ຂ່າວຫຼ້າສຸດ

ຄວນພັດທະນາແຕ່ທາງບວກ

5.622 03 ມີ.ນ. 2011 ພັດທະນານະຄອນຫຼວງ

<p style="text-align: justify;"> ຄຳ​ວ່າ <strong>ພັດ­ທະ­ນາ </strong>ເມື່ອ​ໄດ້​ຍິນ​ແລ້ວ ໃຜໆ​ກໍ​ເຂົ້າ­ໃຈ​ທັນ­ທີ ແຕ່​ວ່າ​ໃນ​ດ້ານ​ການ​ປະ­ຕິ­ບັດ​ຕົວ​ຈິງ​ນັ້ນ ຍັງ​ເຫັນ​ວ່າ​ບໍ່​ຖືກ​ຕາມ​ກັບ​ຄວາມ​ເຂົ້າ­ໃຈ ການ​ພັດ­ທະ­ນາ​ຄວນ​ພັດ­ທະ­ນາ​ແຕ່​ທາງ​ບວກ ກໍ​ຄື​ພັດ­ທະ­ນາ​ເລື່ອງ​ທີ່​ດີໆ ມີ​ຜົນ​ປະ­ໂຫຍດ​ຕໍ່​ຕົນ​ເອງ ແລະ ສັງ­ຄົມ.</p> <p style="text-align: justify;"> ຖ້າ​ມາ​ເບິ່ງ​ສັງ­ຄົມ​ບ້ານ​ເຮົາ​ໃນ​ປັດ­ຈຸ­ບັນ ເຫັນ​ວ່າ​ຫຼາຍ​ຂົງ­ເຂດ​ວຽກ​ງານ​ກໍ​ໄດ້​ມີ​ການ​ພັດ­ທະ­ນາ ໂດຍ​ສະ­ເພາະ​ແມ່ນ​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ ທີ່​ມີ​ການ​ພັດ­ທະ­ນາ​ອັນ​ທີ່​ເຮັດ​ໃຫ້​ຫຼາຍ​ຄົນ​ແປກ​ຫູ​ແປກ​ຕາ ບໍ່​ວ່າ​ຈະ​ເປັນ​ການ​ພັດ­ທະ­ນາ​ເສັ້ນ­ທາງ​ຄົມ­ມະ­ນາ­ຄົມ ທີ່​ໄດ້​ມີ​ການ​ປັບ­ປຸງ ແລະ ກໍ່­ສ້າງ​ເສັ້ນ­ທາງ​ຫຼາຍໆ​ສາຍ​ຂຶ້ນ​ໃໝ່ ການ​ກໍ່­ສ້າງ​ຕຶກ​ອາ­ຄານ​ໃຫຍ່ໆ ບໍ່​ວ່າ​ຈະ​ເປັນ​ໂຮງ­ແຮມ ຫ້າງ​ສັບ­ພະ​ສິນ­ຄ້າ ເພື່ອ​ຄວາມ​ສະ­ດວກ​ໃນ​ການ​ບໍ­ລິ­ການ​ລະ­ບົບ​ໄຟ­ຟ້າ ນ້ຳ​ປະ­ປາ ກໍ​ໄດ້​ສະ­ໜອງ​ພຽງ­ພໍ​ຕາມ​ຄວາມ ຕ້ອງ­ການ​ຂອງ​ຜູ້​ຊົມ­ໃຊ້ ຂົງ­ເຂດ​ສາ­ທາ­ລະ­ນະ​ສຸກ ກໍ​ໄດ້​ມີ​ການ​ປັບ­ປຸງ​ໃຫ້​ທັນ​ສະ­ໄໝ​ຂຶ້ນ ທາງ​ດ້ານ​ການ​ສຶກ​ສາ ກໍ​ໄດ້​ມີ​ການ​ຂະ­ຫຍາຍ­ຕົວ​ເຊັ່ນ​ດຽວ​ກັນ ເຊິ່ງ​ເຫັນ​ໄດ້​ມີ​ຫຼາຍ​ວິ­ທະ­ຍາ­ໄລ ສະ​ຖາ​ບັນ​ການ​ສຶກ​ສາ​ແຕ່​ລະ​ຂັ້ນ​ເກີດ​ຂຶ້ນ ເພື່ອ​ຮອງ​ຮັບ​ຈຳ­ນວນ​ນັກ​ສຶກ​ສາ​ທີ່​ນັບ​ມື້​ເພີ່ມ​ຂຶ້ນ ຍິ່ງ​ໄປ​ກ່ວ​າ​ນັ້ນ ທາງ​ລັດ­ຖະ­ບານ ເພິ່ນ​ຍັງ​ມີ​ແຜນ​ສົ່ງ­ເສີມ​ການ​ສຶກ​ສາ​ພາກ​ເອ­ກະ​ຊົນ ເພື່ອ​ເຮັດ​ໃຫ້​ຄົນ​ລາວ ມີ​ຄວາມ​ຮູ້​ຄວາມ​ສາ­ມາດ​ສາ­ມາດ​ສະ­ໜອງ​ເຂົ້າ​ໃນ​ຕະ­ຫຼາດ​ແຮງ​ງານ ພາຍ​ໃນ​ປະ­ເທດ ແລະ ຍັງ​ມີ​ຫຼາຍ​ຂົງ­ເຂດ​ອີກ ທີ່​ມີ​ການ​ພັດ­ທະ­ນາ​ທັງ​ໝົດ​ນັ້ນ ຖື​ວ່າ​ເປັນ​ສິ່ງ​ທີ່​ພາກ­ພູມ​ໃຈ​ຂອງ​ປະ­ຊາ­ຊົນ​ບັນ­ດາ­ເຜົ່າ ທີ່​ທາງ​ພັກ-ລັດ­ຖະ­ບານ ກໍ​ຄື​ອຳ­ນາດ​ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ເພິ່ນ​ໄດ້​ເອົາ­ໃຈ­ໃສ່​ໃນ​ການ​ຊີ້​ນຳ-ນຳ­ພາ​ຂອງ​ແຕ່​ລະ​ຂົງ­ເຂດ​ວຽກ​ງານ ກໍ​ຄື​ທຸກ​ຊັ້ນ​ຄົນ​ໃນ​ສັງ­ຄົມ ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ ຢ່າງ​ເອົາ​ຈິງ​ເອົາ​ຈັງ ໃຫ້​ຖືກ​ຕາມ​ຄຳ​ຂວັນ 6 ສ ຂອງ​ນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ນັ້ນ​ຖື​ວ່າ​ເປັນ​ການ​ພັດ­ທະ­ນາ​ທີ່​ດີ ແຕ່​ຖ້າ​ເບິ່ງ​ອີກ​ມູມ​ໜຶ່ງ ສາ­ມາດ​ຕີ​ລາ­ຄາ​ໄດ້​ວ່າ ການ​ພັດ­ທະ­ນາ​ຕົວ​ເມືອງ​ນະ­ຄອນ­ຫຼວງ​ພວກ​ເຮົາ ຍັງ​ມີ​ຫຼາຍ​ບັນ­ຫາ​ທີ່​ຫຍຸ້ງ­ຍາກ ນອກ­ຈາກ​ດ້ານ​ທຶນ­ຮອນ​ແລ້ວ ຍັງ​ມີ​ຫຼາຍ​ຄົນ​ທີ່​ຍັງ​ບໍ່​ເຂົ້າ­ໃຈ​ໃນ​ແຜນ​ພັດ­ທະ­ນາ​ຂອງ​ລັດ­ຖະ­ບານ ຍິ່ງ​ໄປ​ກ່ວ​າ​ນັ້ນ ສັງ­ຄົມ​ມີ​ການ​ພັດ­ທະ­ນາ​ກຸ່ມ​ຄົນ​ບໍ່​ດີ​ກໍ​ເກີດ​ຂຶ້ນ​ຫຼາຍ ເຮັດ​ໃຫ້​ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ​ກໍ​ມີ​ຫຼາຍ​ຂຶ້ນ ບໍ່​ວ່າ​ຈະ​ເປັນ​ຂີ້­ລັກ​ງັດ​ແງະ ປຸ້ນ​ຈີ້ ຊີງ​ຊັບ ອາ​ລະ​ວາດ​ຕີ​ກັນ ແລະ ອີກ​ຫຼາຍໆ​ສິ່ງ​ທີ່​ໄດ້​ສົ່ງ​ຜົນ​ກະ­ທົບ​ຕໍ່​ສັງ­ຄົມ​ບ້ານ​ເຮົາ ບໍ່​ພຽງ​ແຕ່​ເທົ່າ​ນັ້ນ ບ້ານ​ເມືອງ​ໄດ້​ຮັບ​ການ​ພັດ­ທະ­ນາ​ຂຶ້ນ​ແລ້ວ ແຕ່​ນິ​ໃສ​ໃຈ­ຄໍ​ຂອງ​ຫຼາຍ​ຄົນ ຍັງ​ບໍ່​ມີ​ການ​ພັດ­ທະ­ນາ​ເທົ່າ​ທີ່​ຄວນ.</p> <p style="text-align: justify;"> <strong>ໂດຍ: ເມັດ​ຝົນ</strong></p>

ຂ່າວທີ່ກ່ຽວຂ້ອງ