EP ຮັບຮອງ​ມະຕິ​ວ່າ​ດ້ວຍ​ການ​ສະໜັບສະໜູນ​ຫຼັກ​ໝັ້ນ​ຂອງ EU ກ່ຽວ​ກັບ Brexit

108 23 ກ.ຍ. 2019 ຂ່າວຕ່າງປະເທດ
EP ຮັບຮອງ​ມະຕິ​ວ່າ​ດ້ວຍ​ການ​ສະໜັບສະໜູນ​ຫຼັກ​ໝັ້ນ​ຂອງ EU ກ່ຽວ​ກັບ Brexit

   ຈາກ 544 ສຽງ​ສະໜັບສະໜູນ 126 ສຽງ​ຄັດຄ້ານ ແລະ ບັດ​ຂາວ 38 ສຽງ​ນັ້ນ ລັດ​ຖະ​ສະພາ​ເອີ​ຣົບ (EP) ໄດ້​ຮັບຮອງ​ມະຕິ​ວ່າ​ດ້ວຍ​ການ​ຢືນຢັນ​ອີກ​ເທື່ອ​ໜຶ່ງ ເຖິງ​ການ​ສະໜັບສະໜູນ​ຕໍ່​ຂໍ້​ລົກ​ລົງ​ເລື່ອງ​ອັງກິດ​ຖອນ​ອອກ​ຈາກ​ສະຫະພາບ​ເອີ​ຣົບ (EU) ຫຼື​ທີ່​ເອີ້ນ​ວ່າ  ເບຣ​ຊິດ  (Brexis) ຊຶ່ງ​ອັງກິດ ແລະ  EU ໄດ້​ລົງ​ນາມ​ໄປ​ແລ້ວ​ນັ້ນ.

    ມະຕິ​ດັ່ງກ່າວ​ລະບຸ​ວ່າ ບັນດາ​ສະມາຊິກ EP ເຫັນ​ວ່າ ຂໍ້​ຕົກລົງ Brexis ນັ້ນ​ຍຸຕິ​ທຳ ແລະ ຮັບປະກັນ​ທາງ​ດ້ານ​ນິຕິ​ກຳ ພ້ອມ​ທັງ​ຢືນຢັນ​ອີກ​ເທື່ອ​ໜຶ່ງ​ວ່າ EP ໃຫ້ການ​ສະໜັບສະໜູນ​ຕໍ່​ການ​ທີ່​ອັງກິດ​ຖອນ​ອອກ​ໄປ​ຈາກ EU ໃຫ້​ເປັນ​ໄປ​ດ້ວຍ​ດີ ຢ່າງ​ຖືກຕ້ອງ​ຕາມ​ແຜນການ.

    ກຳນົດ​ເວລາ Brexit ໄດ້​ຮັບ​ການ​ກຳນົດ​ໃສ່​ວັນ​ທີ 31 ຕຸລາ​ໜ້າ​ນີ້ ໃນ​ຂະນະ​ທີ່​ນາຍົກລັດຖະມົນຕີ​ອັງກິດ ໂບ​ຣິ​​ສ ຈອນ​ສັນ ໄດ້​ກ່າວ​ຢ້ຳ​ຄືນ​ຕໍ່ ເຈນ ຄລາວ ຈັງ​ເກີ ປະທານ​ຄະນະ​ກຳມະການ​ເອີ​ຣົບ (EC) ວ່າ​ທ່ານ​ບໍ່​ຢາກ​ສະເໜີ​ກຳນົດ​ເວລາ​ອື່ນ​ອີກ​ເຂົ້າ​ມາ​ແທນ.

ຂ່າວທີ່ກ່ຽວຂ້ອງ